Chapter Title : രതിശലഭങ്ങൾ ലൈഫ് ഈസ് ബ്യൂട്ടിഫുൾ 14 [Sagar Kottapuram]

മഞ്ജുസ് തലയാട്ടി മറുപടി നൽകി . "വോക്കെ..." ഞാൻ അതിനു പയ്യെ മൂളി വീണ്ടും കുടിച്ചു . ഒടുക്കം എല്ലാം കഴിഞ്ഞു തിരികെ ഉമ്മറത്തേക്ക് മടങ്ങി . ഞാൻ ചെല്ലുമ്പോൾ റോസ് മോള് നിലത്തിരുന്നു കളിക്കുകയാണ് . ആദി അവന്റെ മുത്തശ്ശന്റെ മടിയിൽ ഇരുന്നു അങ്ങേരുടെ മൊബൈലിൽ ചുമ്മാ തോണ്ടുന്നുണ്ട് . "ഡീ പൊന്നു..."

ഉമ്മറത്തേക്ക് എത്തിയതും ഞാൻ റോസിമോളെ സ്വല്പം ഉറക്കെ വിളിച്ചു . അപ്പോഴാണ് അച്ഛനും മുത്തശ്ശിയുമൊക്കെ ഞങ്ങളെ തിരിഞ്ഞു നോക്കുന്നത് .എന്റെ ശബ്ദം കേട്ടതും കളിപ്പാട്ടത്തിന്റെ ചന്തം നോക്കി രസിച്ചിരുന്ന റോസ് മോള് ഒന്ന് ഞെട്ടി . പിന്നെ ഞങ്ങളെ തിരിഞ്ഞു നോക്കി . എന്നെയും മഞ്ജുസിനെയും ഒപ്പം കണ്ടതോടെ പെണ്ണിന്റെ മുഖത്ത് സന്തോഷം വിടർന്നു . "ചാ ച്ചാ..." കളിപ്പാട്ടം നിലത്തേക്കിട്ടു പെണ്ണ് എന്നെ നോക്കി ചിരിച്ചു . പിന്നെ കീ കൊടുത്ത പോലെ തറയിലൂടെ മുട്ടിലിഴഞ്ഞു ഞങ്ങളുടെ നേരെ വേഗത്തിൽ വന്നു . മഞ്ജുസിന്റെ അച്ഛനും മുത്തശ്ശിയുമൊക്കെ അത് ചെറു ചിരിയോടെ നോക്കുന്നുണ്ട് . "പതുക്കെ പതുക്കെ ..." ഞാൻ പെണ്ണിന്റെ സ്പീഡ് കണ്ടു എരിവ് വലിച്ചു . പിന്നെ അവളുടെ അടുത്തേക്ക് ഓടി ചെന്ന് പെണ്ണിനെ തറയിൽ നിന്നും എടുത്തു ഉയർത്തി . "വീഴുവെടി പെണ്ണെ ..എങ്ങോട്ടാ ഈ പായുന്നെ " ഞാൻ അവളുടെ കവിളിൽ ഉമ്മവെച്ചുകൊണ്ട് ചിരിച്ചു . "ച്ചാ ച്ചാ ..ഹ്മ്മ്..മ്മം മ്മം .." അവൾ തിരിച്ചും ചിണുങ്ങിക്കൊണ്ട് എന്റെ കവിളിൽ ഉമ്മവെച്ചു എന്റെ മുഖത്ത് ഇടം കൈകൊണ്ട് അടിച്ചു . "'അമ്മ പോയി വന്നില്ലേ അച്ഛാ ?" വിളക്ക് വെക്കാനായി പോയ അമ്മയെ കാണാത്തതുകൊണ്ട് മഞ്ജുസ് എന്റെ അടുത്തേക്ക് നീങ്ങികൊണ്ട് തിരക്കി . "ഇല്ലെടി..ഇപ്പൊ വരും.." അവളുടെ അച്ഛൻ അതിനു ഗൗരവത്തിൽ മറുപടി നൽകി . "ആഹ് ...ഇവനെന്താ ഈ നോക്കുന്നെ ? ചെക്കന് മൊബൈൽ കണ്ടാൽ പിന്നെ ആരേം വേണ്ട " പുള്ളിയുടെ മടിയിലിരിക്കുന്ന ആദിയെ ഉദ്ദേശിച്ചുകൊണ്ട് മഞ്ജുസ് പറഞ്ഞു . അതിനു പുള്ളിക്കാരൻ ഒന്ന് ചിരിക്കുക മാത്രം ചെയ്തു . "മുത്തശ്ശി എന്താ