Chapter Title : രതിശലഭങ്ങൾ ലൈഫ് ഈസ് ബ്യൂട്ടിഫുൾ 16 [Sagar Kottapuram]

പെണ്ണിനെ എന്റെ നേരെ പിടിച്ചുകൊണ്ട് കണ്ണുരുട്ടി . പക്ഷെ അപ്പോഴും അവളുടെ നോട്ടം ആദിയുടെ കയ്യിലിരിക്കുന്ന ഫോണിലേക്കാണ് . "ചാ ച്ചാ..ദാ ..ദാ..ദാ.." മൊബൈൽ ചൂണ്ടിക്കൊണ്ട് അവള് പിറുപിറുത്തു . പിന്നെ ദേഷ്യത്തോടെ എന്റെ മുഖത്ത് ഇടം കൈത്തലം കൊണ്ട് ഒറ്റയടി . "ആഹ്....." അവൾ അടിച്ചതോടെ ഞാൻ വേദന എടുത്ത പോലെ അഭിനയിച്ചു പെണ്ണിനെ നോക്കി . അതോടെ അവളുടെ മുഖം ഒന്ന് മാറി .ഇടക്കു ഞാൻ കരയുന്ന പോലെ കാണിച്ചാൽ അവളും കൂടെ കരയും . ഞാൻ വേദനിച്ചിട്ട് കരയുവാണെന്നാണ് അവളുടെ വിചാരം ! "സ്സ്....നിന്റെ അമ്മേനെ പോലെ തന്നെ ആണല്ലോടീ നീയും.." അവളുടെ ദേഷ്യം ഓർത്തു ഞാൻ പയ്യെ ചിരിച്ചു . പിന്നെ പെണ്ണിന്റെ കവിളിൽ പയ്യെ ഒന്ന് മുത്തി . പിന്നെ പതിവുപോലെ അവളെ ഇക്കിളിപെടുത്തികൊണ്ട് ചിരിപ്പിച്ചു . ആദി അതൊക്കെ ഇടക്കു ശ്രദ്ധിച്ചും അല്ലാതെയും മൊബൈലിൽ തോണ്ടി ഇരുന്നു . അവരെ അങ്ങനെ നോക്കി കിടക്കുമ്പോൾ വീണ്ടും എന്നിലേക്ക് പഴയ ഓർമ്മകൾ കടന്നെത്തി . ഡെലിവറി ഒകെ കഴിഞ്ഞ ശേഷം കുട്ടികളുടെ തൊണ്ണൂറു കഴിയും വരെ മഞ്ജുസും പിള്ളേരും അവളുടെ വീട്ടിൽ തന്നെ ആയിരുന്നു .

പൂർണ വളർച്ച എത്താതെ പ്രസവിച്ച കുട്ടികൾ ആയതുകൊണ്ട് കുറച്ചു ദിവസം ഇൻക്യൂബേറ്ററിൽ ഒകെ കിടത്തിയ ശേഷമാണ് അവരെ ഞങ്ങൾക്ക് കയ്യിൽ കിട്ടിയത് . വലിപ്പവും തൂക്കവുമൊക്കെ അതുകൊണ്ട് തന്നെ ആദിക്കും റോസീമോൾക്കും നന്നേ കുറവായിരുന്നു . "എടാ ..ഇതെന്താടാ ഇങ്ങനെ ? ഇവര് വലുതാവില്ലേ ?" എന്നൊക്കെ അവരെ ആദ്യം കാണുമ്പോൾ മഞ്ജുസ് എന്നോട് വിഷമത്തോടെ ചോദിച്ചിട്ടുണ്ട് . അങ്ങനെ ഇരുന്ന മുതലുകൾ ആണ് ഇപ്പൊ ഞങ്ങളെ ഇട്ടു ചുറ്റിക്കുന്നത് . ഡെലിവെറിക്ക് ശേഷം മഞ്ജുസിന്റെ അമ്മയാണ് പിള്ളേരുടെ കാര്യങ്ങളൊക്കെ മെയിൻ ആയിട്ട് നോക്കിയിരുന്നത് . അവരുടെ തുണി അലക്കുന്നതും ഇങ്ക് കൊടുക്കുന്നതും അപ്പിയിട്ടാൽ കഴുകിക്കുന്നതുമൊക്കെ അമ്മയായിരുന്നു . എനിക്ക് അതൊക്കെ ആദ്യം സ്വല്പം അറപ്പായിരുന്നു . ഇടക്കിടെ എന്നെ മൂത്രത്തിൽ കുളിപ്പിച്ചില്ലെങ്കിൽ പിള്ളേർക്ക് ഒരു സമാധാനം ഉണ്ടാകുമായിരുന്നില്ല . ഒരു ദിവസം റോസിമോളെ