Chapter Title : രതിശലഭങ്ങൾ ലൈഫ് ഈസ് ബ്യൂട്ടിഫുൾ 16 [Sagar Kottapuram]

മറുപടി കേട്ട് പയ്യെ ചിരിച്ചുകൊണ്ട് അവൾ മറുപടി നൽകി . പിന്നെ മുടിയൊക്കെ കെട്ടിവെച്ചു റൂമിൽ കിടന്ന മുഷിഞ്ഞ തുണികളൊക്കെ ചുരുട്ടി എടുത്തുകൊണ്ട് താഴേക്കിറങ്ങിപോയി . അതോടെ ഞാനും പിള്ളേരും റൂമിൽ ഒറ്റക്കായി . റോസ് മോള് എന്റെ ഫോണിൽ കളിക്കുന്നത് ആദികുട്ടൻ എന്റെ അടുത്തിരുന്നു ചെറിയ പിണക്കത്തോടെ നോക്കുന്നുണ്ട് . അത് പിടിച്ചു വാങ്ങാൻ ചെന്നാൽ അവനു റോസ്‌മോളുടെ കയ്യിന്നു നല്ലതു കിട്ടും . സംഗതി അവൻ ആൺകുട്ടി ആണേലും പാവത്താൻ ആണ് . അതുകൊണ്ട് തന്നെ തമ്മിൽ ഉരസിയാൽ റോസിമോള് അവനെ അടിക്കും .ഒരു പ്രാവശ്യം എന്തോ ടോയ്‌സ് എടുത്തു ആദിയുടെ തലമണ്ടക്കിട്ടു റോസിമോള് ഒരു അടികൊടുത്തു . അത് കണ്ടുകൊണ്ടു വന്ന മഞ്ജുസിന്റെ കയ്യിന്നു പെണ്ണിന് ഒരെണ്ണം കിട്ടുവേം ചെയ്തു . "അ.ച്ച ..ദാ..."

അവൻ എന്നെ നോക്കി ഫോണിലേക്ക് ചൂണ്ടി . ഞാനതു ചെരിഞ്ഞു കിടന്നു നോക്കികൊണ്ട് അവനെ എന്റെ നെഞ്ചോടു ചേർത്ത് പിടിച്ചു ."നിനക്ക് വേണോ ?" ഞാൻ അവനെ പയ്യെ ഇറുക്കികൊണ്ട് ചിണുങ്ങി . പിന്നെ കയ്യെത്തിച്ചു റോസ്‌മോളുടെ കയ്യിന്നു ഫോൺ തട്ടിയെടുത്തു . അത് ഒട്ടും പ്രതീക്ഷിക്കാത്ത റോസ് മോള് അതോടെ ഒന്ന് മുരണ്ടു .. "ഹീ ..ഹീ...." എന്ന് ഉറക്കെ അലറിക്കൊണ്ട് അവളെന്നെ നോക്കി . പിന്നെ ബെഡ്‌ഡിലൂടെ മുട്ടിലിഴഞ്ഞു എന്റെ തലഭാഗത്തേക്കെത്തി . "ചാ ചാ .." അവള് സ്നേഹത്തോടെ എന്റെ അടുത്തെത്തി ചിണുങ്ങി , പിന്നെ എന്റെ കവിളിൽ പയ്യെ കൈത്തലം കൊണ്ട് അടിച്ചു ചിണുങ്ങി . ഫോൺ കിട്ടാൻ വേണ്ടിയുള്ള പെണ്ണിന്റെ സോപ്പിടൽ ആണ് അതൊക്കെ ! "തരൂലടി പെണ്ണെ ..." ഞാൻ അവളെ നോക്കി ചിണുങ്ങിക്കൊണ്ട് ബെഡിൽ എഴുന്നേറ്റിരുന്നു . പിന്നെ മൊബൈൽ ആദികുട്ടന് നൽകികൊണ്ട് റോസിമോളെ എടുത്തെന്റെ മടിയിൽ വെച്ച് കട്ടിലിന്റെ ക്രാസിയിലേക്ക് ചാരി ഇരുന്നു . ഞാൻ മൊബൈൽ ആദിക്ക് കൊടുത്ത് ഇഷ്ടമാകാത്ത പോലെ റോസിമോള് അതുനോക്കി പിന്നെയും ഒച്ചവെച്ചു . പിന്നെ എന്റെ മടിയിൽ ഇരുന്നു ബലം പിടിച്ചു .. "മിണ്ടല്ലെടി പെണ്ണെ ...അതവൻ എടുത്തോട്ടെ..." ഞാൻ