Chapter Title : രതിശലഭങ്ങൾ ലൈഫ് ഈസ് ബ്യൂട്ടിഫുൾ 18 [Sagar Kottapuram]

കയ്യിൽ കല്യാണ കത്തും ഉണ്ടായിരുന്നു . "ഉറങ്ങുവാണല്ലോ ?" മോളുടെ കവിളിൽ പയ്യെ തഴുകികൊണ്ട് മായേച്ചി പറഞ്ഞു . "ഹ്മ്മ്...പാല് കുടിച്ചാ ഒരുറക്കം പതിവാ" ഞാൻ അതിനു മറുപടിയും നൽകി .

"അതിനു നീയാണോ പാല് കൊടുക്കുന്നത് ..നമ്മുടെ ഫാഷൻ പരേഡ് എവിടെ ?" മായേച്ചി എന്നെ നോക്കി ചിരിയോടെ തിരക്കി . "ഇപ്പൊ വരും..." ഞാൻ പയ്യെ ചിരിച്ചുകൊണ്ട് മഞ്ജുസിനെ ഒന്നുടെ വിളിച്ചു . അതോടെ അവളും അമ്മയും കൂടി അകത്തു നിന്നും ഉമ്മറത്തേക്ക് എഴുന്നള്ളി. വീട്ടുവേഷമായ നൈറ്റിയിൽ തന്നെയാണ് മഞ്ജുസ് , അവളുടെ അമ്മയാണെങ്കിൽ സാരി തന്നെയാണ് പതിവ് . "ആഹാ....ഇത്ര പെട്ടെന്ന് എത്തിയോ .." വിരുന്നുകാരെ കണ്ടു മഞ്ജുസ് ചിരിച്ചു .പിന്നെ ഞങ്ങളുടെ അടുത്തേക്ക് നടന്നു വന്നുകൊണ്ട് മായേച്ചിയെ കെട്ടിപിടിയ്ച്ചു . "എന്തൊക്കെ ഉണ്ടെടി വിശേഷം ? " മായേച്ചിയിൽ നിന്നും അകന്നു മാറികൊണ്ട് അവൾ തിരക്കി . ആ സമയത്തു മഞ്ജുസിന്റെ അമ്മ എന്റെ അടുത്തേക്ക് വന്നു മോളെ തിരികെ വാങ്ങി . പിന്നെ വിവേകേട്ടനെ നോക്കി പുഞ്ചിരിച്ചു. "എന്ത് വിശേഷം..ഇങ്ങനെ പോണൂ ..നീ ഇല്ലാത്തോണ്ട് കോളേജിലും ബോറഡിയാ " മായേച്ചി ചിരിച്ചുകൊണ്ട് മറുപടി നൽകി . "ഹ്മ്മ്..." മഞ്ജുസ് അതുകേട്ട് പയ്യെ ചിരിച്ചുകൊണ്ട് മൂളി . "മക്കള് ഇരിക്ക് ...ഞാൻ ചായ എടുത്തിട്ട് വരാം....എന്തായാലും ഇനി ഉണ്ടിട്ടൊക്കെപോയാൽ മതി " അമ്മ വന്നതോടെ എഴുനേറ്റു നിന്ന വിവേകേട്ടനോടായി പുള്ളിക്കാരി പറഞ്ഞു . "അയ്യോ..അതൊന്നും വേണ്ടമ്മേ...പോയിട്ട് തിരക്കുണ്ട്" ആ ക്ഷണം നിരസിച്ചുകൊണ്ട് വിവേകേട്ടൻ പയ്യെ പറഞ്ഞു . "ഒരു പിണ്ണാക്കും ഇല്ല ..ചുമ്മാ പറയുവാ...അമ്മ പോയി ഒകെ റെഡിയാക്കിക്കോ " വിവേകേട്ടന്റെ ഒഴിഞ്ഞുമാറാലു കണ്ടു ഞാൻ ഇടയ്ക്കു കയറി . "അതെ ...ആദ്യായിട്ടല്ലേ ഇവിടെ വരുന്നേ ..അപ്പൊ കുറച്ചു നേരം ഒകെ ഇരുന്നിട്ട് പോയാൽ മതി " മഞ്ജുസും എന്നെ അനുകൂലിച്ചു . മഞ്ജുസിന്റെ അമ്മച്ചി അതൊക്കെ കേട്ട് ചിരിച്ചു . പിന്നെ റോസിമോളെയും എടുത്തു അകത്തേക്ക് പോയി . അവളെ കൊണ്ടുപോയി കിടത്തിയിട്ട് വേണം ചായ എടുക്കാൻ . മഞ്ജുസിന്റെ അച്ഛൻ