Chapter Title : രതിശലഭങ്ങൾ ലൈഫ് ഈസ് ബ്യൂട്ടിഫുൾ 19 [Sagar Kottapuram]

വീണ്ടും ഓഫീസിലേക്ക് . മറുവശത്തു മഞ്ജുവും കോളേജിൽ പോയി തുടങ്ങി . അതോടെ ഇടക്കിടെയുള്ള വിളികൾ കുറഞ്ഞു . അതിൽ പരാതിപ്പെട്ടിട്ടൊന്നും കാര്യമില്ലെന്നു അവൾക്കും എനിക്കും നന്നായിട്ട് അറിയാം . കുട്ടികൾ ആയതിൽ പിന്നെ കുറച്ചൊക്കെ അഡ്ജസ്റ്റ് ചെയ്യാൻ മഞ്ജുസും പഠിച്ചിട്ടുണ്ട് . രണ്ടു മൂന്നു ദിവസങ്ങൾ കോയമ്പത്തൂരിൽ അങ്ങനെ തള്ളിനീക്കി . അതിനിടയ്ക്കാണ് റോസ്‌മേരിയുടെ വിളിയെത്തുന്നത് . ഒന്ന് രണ്ടു പുതിയ കോൺട്രാക്ട് സൈൻ ചെയ്യുന്നതിന്റെ ഭാഗമായിട്ട് എന്നോട് ബാംഗ്ലൂരിലേക്ക് ചെല്ലാനായി അവള് ഇടക്കിടെ പറയുന്നുണ്ട് . പക്ഷെ ഞാൻ "നാളെ നാളെ നീളെ നീളെ" എന്ന് പറഞ്ഞു ഉരുണ്ടുകളിക്കുവാണ്. അതുകൊണ്ട് ഇത്തവണ കക്ഷി സ്വല്പം കലിപ്പിൽ ആണ് ! ക്യാബിനിൽ ഇരിക്കുമ്പോഴാണ് അവളുടെ വിളിയെത്തുന്നത് . മുൻപിലിരുന്ന ലാപ്പിൽ സിനിമയും കണ്ടിരുന്ന ഞാൻ മൊബൈൽ എടുത്തു നോക്കി . "റോസമ്മ കാളിങ് " എന്ന് ഡിസ്പ്ളേയിൽ തെളിഞ്ഞു . ഒപ്പം അവളുടെ പടവും ! എന്തായാലും എടുക്കുക തന്നെ . "ഹലോ ..റോസ് ..എവിടെ ആണ് ചക്കരെ ..." ഞാൻ കാൾ അറ്റൻഡ് ചെയ്തുകൊണ്ട് ചിരിച്ചു . "സാധാരണ എവിടെയാണോ അവിടെ തന്നെ ..നീ ഏതു നരകത്തിലാടാ തെണ്ടി " റോസമ്മയുടെ മറുപടി കേട്ടപ്പോൾ താനെ കക്ഷി ദേഷ്യത്തിലാണെന്നു എനിക്ക് ബോധ്യമായി . "ഓഹ്..മാഡം കലിപ്പിൽ ആണോ ?" ഞാൻ ചിരിയോടെ തിരക്കി . "അല്ല...ഞാൻ പിന്നെ നിന്നെ പിടിച്ചു ഉമ്മവെക്കാം..ഒരു റെസ്പോണ്സിബിലിറ്റിയും ഇല്ലാത്ത കഴുത " അവള് മറുതലക്കൽ പല്ലിറുമ്മി . "ഏയ് ..അതൊക്കെ മോശം അല്ലെ...റോബി എന്ത് വിചാരിക്കും..ഹി ഹി "