Chapter Title : രതിശലഭങ്ങൾ ലൈഫ് ഈസ് ബ്യൂട്ടിഫുൾ 20 [Sagar Kottapuram]

. "ഹി ഹി ഹ്ഹ് " എന്റെ ഭാവം കണ്ടു പെണ്ണ് വീണ്ടും ചിരിച്ചു . "ചിരിക്കാതെ വേഗം ഉറങ്ങിക്കോളുണ്ട് ..അല്ലെങ്കി എന്റെ സ്വഭാവം മാറും ..." ഞാൻ അവളുടെ ചിരി കണ്ടു പെണ്ണിനെ വീണ്ടും നെഞ്ചോടു ചേർത്തുപിടിച്ചു . പിന്നെ റൂമിലെത്തി  അവളെ ബെഡിലേക്കിരുത്തി . "ഇച്ചീച്ചി ഒഴിച്ചാൽ നിന്നെ ഞാൻ കൊല്ലും ...കേട്ടടി" ബെഡിൽ കിടന്നു ഉരുളുന്ന അവളോടായി ഞാൻ പയ്യെ പറഞ്ഞു .പിന്നെ  അവളുടെ അടുത്തേക്ക് ചാഞ്ഞു .അവളുടെ  ഉടുപ്പ് പൊക്കിക്കൊണ്ട് പെണ്ണിന്റെ വയറിൽ മുഖം പൂഴ്ത്തി ഇക്കിളിപെടുത്തി . "കടിക്കട്ടെ..കടിക്കട്ടെ ...ആഹ്..." ഞാൻ അവളുടെ വയറിൽ കടിക്കുന്ന പോലെ കാണിച്ചുകൊണ്ട് അവിടെ  ഇക്കിളിപെടുത്തി . അതോടെ പെണ്ണ് കിടന്നു കുലുങ്ങി ചിരിക്കാൻ തുടങ്ങി . "ഹി ഹി ഹി..ചാ ..ച്ചാ.," പെണ്ണ് കയ്യും കാലും  ഇട്ടടിച്ചുകൊണ്ട്  ചിരിച്ചു . "ഇനി മതി...പൊന്നൂസ് ഉറങ്ങാൻ നോക്കിയേ ..." ഞാൻ അവളുടെ കുഞ്ഞി കവിളിൽ തട്ടികൊണ്ട് പയ്യെ പറഞ്ഞു . "ഹ്ഹ് ...ഹ്ഹ്.." അതുകേട്ടു അവള് പിന്നെയും ചിരിച്ചു . "ചിരിക്കാതെ ഉറങ്ങു പെണ്ണെ ...നിന്റെ അമ്മ വന്നാൽ ഞങ്ങൾക്ക് കൊറച്ചു പണി ഉള്ളതാ " ഞാൻ അവളെ നോക്കി നിസ്സഹായതയോടെ ചിണുങ്ങി . പക്ഷെ പഠിച്ചപണി പതിനെട്ടും നോക്കിയിട്ടും പെണ്ണ് ഉറങ്ങാൻ കൂട്ടാക്കുന്നില്ല. കണ്ണും മിഴിച്ചു പിച്ചും പേയും പറഞ്ഞു അവളെന്റെ നെഞ്ചത്തും വയറ്റത്തുമൊക്കെ ഇരുന്നും കിടന്നും നേരം കളഞ്ഞു . ഒടുക്കം എല്ലാ പണിയും തീർത്തു മഞ്ജുസ് ഉറങ്ങി തൂങ്ങിയ ആദിയെ എടുത്തു റൂമിൽ വരുമ്പോഴും റോസിമോള് ശിവരാത്രിയെന്ന പോലെ ബെഡിൽ കിടന്നു നിരങ്ങുന്നുണ്ട്. "ആഹാ..ഈ മൊതല് ഉറങ്ങീലെ .."

മഞ്ജുസ് അവളെ കണ്ടു മൂക്കത്തു വിരൽ വെച്ചു ."എവിടെ ...ഇവള് സമ്മതിക്കുന്ന ലക്ഷണം ഇല്ല " ഞാൻ ആരോടെന്നില്ലാതെ പറഞ്ഞു ചിരിച്ചു . മഞ്ജുസ് അതുകേട്ടു ഒന്ന് പുഞ്ചിരിച്ചുകൊണ്ട് ആദിയെ തൊട്ടിലിൽ  കൊണ്ടുപോയി കിടത്തി . കട്ടിലിനോട് ചേർന്നാണ് രണ്ടു മരത്തിന്റെ തൊട്ടിലുകൾ പ്ലെയ്‌സ്‌ ചെയ്തിട്ടുള്ളത്.അതിൽ കുഞ്ഞു ബെഡ്ഡുകൾ പോലെ ഒരു സെറ്റപ്പും തലയിണയും ഒക്കെ  ഉണ്ട് . ആദിയെ കിടത്തിയ