Chapter Title : രതിശലഭങ്ങൾ ലൈഫ് ഈസ് ബ്യൂട്ടിഫുൾ 20 [Sagar Kottapuram]

അങ്ങനെ ഉച്ചയോടെ ഞാൻ വീട്ടിലെത്തി . വെള്ളിയാഴ്ച ദിവസം ആണ് ഞാൻ നാട്ടിലേക്ക് മടങ്ങിയത് . സാധരണ വൈകീട്ടാണ് മടക്കമെങ്കിൽ അന്ന് ഫുൾ ഡേ ലീവ് ആക്കി രാവിലെ തന്നെ ഞാൻ ഇറങ്ങിയിരുന്നു .വർക്കിംഗ് ഡേ ആയതുകൊണ്ട് മഞ്ജുസും അഞ്ജുവും ആ സമയത്തു വീട്ടിൽ ഉണ്ടായിരുന്നില്ല . കാർ നിർത്തി ഞാൻ ഇറങ്ങുമ്പോൾ ഉമ്മറത്ത് അച്ഛൻ ആദിയെയും കളിപ്പിച്ചുകൊണ്ട് ഇരിക്കുന്നുണ്ട്.  മഞ്ജുസ് കോളേജിൽ പോകുന്നതുകൊണ്ട് അച്ഛനും അമ്മയും കൂടിയാണ് പകലൊക്കെ പിള്ളേരെ നോക്കുന്നത്  . അഞ്ജുവും മഞ്ജുസും വന്നു കഴിഞ്ഞാൽ പിന്നെ അവരായിക്കോളും! "ഇതെന്താടാ നീ ഈ നേരത്ത് ?"

കാറിൽ നിന്നിറങ്ങിയ എന്നോടായി അച്ഛൻ ഉമ്മറത്തിരുന്നുകൊണ്ട് തന്നെ വിളിച്ചു ചോദിച്ചു ."ലീവ് ആക്കി ...ഇപ്പൊ കുറച്ചു ദിവസമായില്ലേ പോയിട്ട് " ഞാൻ പയ്യെ പറഞ്ഞുകൊണ്ട് ഉമ്മറത്തേക്ക് ഓടിക്കയറി . അച്ഛന്റെ മടിയിൽ ഇരുന്നു ഒരു കോലുമുട്ടായിയും നുണഞ്ഞുകൊണ്ടാണ് ചെക്കന്റെ ഇരിപ്പു . എന്നെ കണ്ട ഭാവം പോലും ഇല്ല . "ഇങ്ങള് ഇവനെ മെരുക്കിയെടുത്തോ ?" അച്ഛന്റെ മടിയിൽ ഒതുങ്ങി ഇരിക്കുന്ന ആദിയെ നോക്കികൊണ്ട് ഞാൻ ഉമ്മറത്തെ തിണ്ണയിലേക്കിരുന്നു . "ആഹ്..കുട്ട്യോള് അല്ലെ...സ്ഥിരായിട്ട് ഒരാളെ കാണുമ്പോ കൂട്ടായിക്കോളും" അവന്റെ നെറുകയിൽ തഴുകികൊണ്ട് അച്ഛൻ ചിരിച്ചു . "ഹ്മ്മ്...." ഞാൻ മൂളികൊണ്ട് അകത്തേക്ക് പാളിനോക്കി . നമ്മുടെ സ്വന്തം ആള് അവിടെ എവിടേലും ഉണ്ടോ എന്ന് നോക്കിയതാണ് .ഊഹം തെറ്റിയില്ല , റോസിമോള് ഹാളിലെ നിലത്തൂടെ മുട്ടിലിഴഞ്ഞു നടക്കുന്നുണ്ട് . അങ്ങിങ്ങായി ചിതറി കിടക്കുന്ന ടോയ്‌സ് ഒകെഎടുത്തു  അവള് എന്തൊക്കെയോ ചെയ്തു കൂട്ടുന്നുണ്ട് . "ഡീ ...പൊന്നൂസേ..അച്ഛടെ മുത്തേ ..." അവളെ കണ്ടതും ഞാൻ തിണ്ണയിൽ നിന്നും എഴുനേറ്റു ഹാളിലേക്ക് കടന്നു . ഞാൻ വന്നതൊന്നും അറിയാതെ അകത്തു വിലസി നടന്ന അവള് എന്റെ ശബ്ദം കേട്ടതും ഒന്ന് തിരിഞ്ഞു നോക്കി .  എന്നെ കണ്ടതോടെ ആ കുഞ്ഞി കണ്ണുകൾ ഏറെ വിടർന്നു . ആ കുഞ്ഞു കവിളിലെ നുണകുഴികൾ വിരിയിച്ചുകൊണ്ട് റോസീമോൾ എന്നെ നോക്കി ചിരിച്ചു . "ചാ..ച്ച ...ചാ ചാ ...." എന്നെ കണ്ടതും കയ്യിലുണ്ടായിരുന്ന