Chapter Title : രതിശലഭങ്ങൾ ലൈഫ് ഈസ് ബ്യൂട്ടിഫുൾ 21 [Sagar Kottapuram]

ഞാൻ അവളെ നോക്കി ചോദിച്ചു . "കൊറച്ചു നേരം റെസ്റ്റ് എടുക്കട്ടേ ചെക്കാ ...നിനക്കു നഷ്ടം ഒന്നും ഇല്ലാലോ " നിലത്തിരുന്ന എന്റെ തലയിൽ ഒരു കൊട്ടുകൊട്ടികൊണ്ട് മഞ്ജുസ് ചിരിച്ചു . "ഹ്മ്മ്..എന്തായി പരീക്ഷണം ? എന്റെ വയറു നാശം ആക്കോ ?" ഞാൻ അവളുടെ യൂട്യൂബ് പരീക്ഷണം ഓർത്തു കളിയാക്കി . മട്ടന്റെ എന്തോ സ്പെഷ്യൽ ഡിഷ് യൂട്യൂബിൽ കണ്ട ശേഷം എന്നെകൊണ്ട് മട്ടൻ ഒകെ വാങ്ങിപ്പിച്ചാണ് അവളുടെ പാചകം . "അങ്ങനെ ഇപ്പൊ എത്രയാ നാശം ആയിട്ടുള്ളത് ?" അവളെന്നെ നോക്കി ഗമയിൽ ഞെളിഞ്ഞു നിന്നു . പിന്നെ ആദിയെ എടുത്തുപിടിച്ചുകൊണ്ട് സോഫയിലേക്കിരുന്നു .അവൻ കളിച്ചുകൊണ്ടിരുന്ന കളിപ്പാട്ടവും അവള് അതിനൊപ്പം എടുത്തിരുന്നു . "മ ..മ്മ .." മഞ്ജുസിനെ കണ്ടതോടെ റോസിമോള് എന്റെ മടിയിൽ ഇരുന്നു കുണുങ്ങി . "പോടീ..നിന്നെ എനിക്ക് വേണ്ട പിശാചേ " മഞ്ജുസ് അവളെ നോക്കി കണ്ണുരുട്ടികൊണ്ട് ചിരിച്ചു .പിന്നെ ആദിയുടെ കവിളിൽ പയ്യെ ഒരുമ്മ കൊടുത്തു . "അല്ലെടോ ..നിന്റെ കോളേജിൽ എന്തൊക്കെ ഉണ്ട് വിശേഷം ? ഇപ്പൊ ഒന്നും പറയാറില്ലല്ലോ " ഞാൻ പെട്ടെന്ന് നിലത്തേക്ക് കിടന്നുകൊണ്ട് അവളെ നോക്കി . തലയ്ക്കു കൈ താങ്ങി ഒരുവശം ചെരിഞ്ഞാണ് കിടത്തം . റോസിമോളെ നിലത്തേക്ക് ഇറക്കി വെച്ചുകൊണ്ടാണ് കിടന്നത് . "അവിടെ എന്ത് വിശേഷം..എന്നും അടിയും പിടിയും ഒക്കെ തന്നെ...നിങ്ങടെ ബാച് ഒകെ പോയേൽ പിന്നെ പിള്ളേർ മഹാ അലമ്പാ " മഞ്ജുസ് ഗൗരവത്തിൽ തന്നെ പറഞ്ഞു . "ഓഹോ..." ഞാനതു കേട്ട് പയ്യെ ചിരിച്ചു . "പിന്നെ മോനെ വേറെ ഒരു രസം ഉണ്ട് .." മഞ്ജുസ് പെട്ടെന്ന് എന്തോ ഓർത്തെന്ന പോലെ ചിരിച്ചു . "ഹ്മ്മ് ...എന്താടി ?" ഞാൻ അവളെ നോക്കി .

"എന്റെ ക്‌ളാസിൽ ഒരു പയ്യൻ ഉണ്ട് ...നിന്നെപ്പോലെ ഒന്നും അല്ല കാണാൻ ഒകെ നല്ല ചുള്ളനാ" മഞ്ജുസ് എനിക്കിട്ടൊന്നു താങ്ങിക്കൊണ്ട് പറഞ്ഞു നിർത്തി . "അയിന് ?" ഞാൻ അവളെ പുച്ഛ ഭാവത്തിൽ നോക്കി . "അതിനു ഒന്നും ഇല്ല..ആ