Chapter Title : രതിശലഭങ്ങൾ ലൈഫ് ഈസ് ബ്യൂട്ടിഫുൾ 22 [Sagar Kottapuram]

ഞങ്ങളുടെ കാർ ഗേറ്റു കടന്നപ്പോൾ തന്നെ പുള്ളിക്ക് ആളെ പിടികിട്ടി . അമ്മായിയും വീണയും കൂടി അറിഞ്ഞോട്ടെ എന്നുകരുതി ഞാൻ കാറിന്റെ ഹോൺ ഒന്ന് രണ്ടുവട്ടം മുഴക്കിക്കൊണ്ട് മുറ്റത്തേക്ക് കയറ്റി നിർത്തി . കാർ നിർത്തി ഞാനാണ് ആദ്യം ഇറങ്ങിയത് . മുൻസീറ്റിൽ തന്നെ ഇരുന്നിരുന്ന മഞ്ജുസിന്റെ മടിയിലായി ആദിയും റോസ്‌മോളും കൂടി ഉണ്ടായിരുന്നതുകൊണ്ട് അവൾക്ക് ഇറങ്ങാൻ പറ്റുമായിരുന്നില്ല .അതുകൊണ്ട് ഞാൻ ഇറങ്ങി മറുവശത്തു ചെന്ന് ഡോർ തുറന്നു ആദിയെ അവളുടെ മടിയിൽ നിന്നും എടുത്തുമാറ്റി . അതോടെ റോസിമോളെയും തോളിൽ ഇട്ടുകൊണ്ട് മഞ്ജുവും ഇറങ്ങി .അപ്പോഴേക്കും മോഹനവല്ലി അമ്മായിയും വീണയും ശബ്ദം കേട്ട് ഉമ്മറത്തേക്ക് എത്തിയിരുന്നു . "ആഹാ...ഇതാരൊക്കെയാ ഇത് ..." ഞങ്ങളെ കണ്ട അമ്മായി മൂക്കത്തു വിരൽ വെച്ചു. "പറഞ്ഞപോലെ നീയെന്താ കണ്ണാ ഒരു മുന്നറിയിപ്പും ഇല്ലാതെ ?" കസേരയിൽ ഇരുന്ന കൃഷ്ണൻ മാമയും എന്നെ നോക്കി ചിരിച്ചു . "ചുമ്മാ..." ഞാൻ ചിരിച്ചുകൊണ്ട് ആദിയെയും എടുത്തു ഉമ്മറത്തേക്ക് കയറി . "എടാ ചക്കരെ വാടാ ..." എന്റെ തോളിലിരുന്ന ആദിയെ കണ്ടതും വീണ ചിണുങ്ങിക്കൊണ്ട് അവനു നേരെ കൈനീട്ടി . "പോക്കോടാ.." ഞാൻ അവനെ വീണയുടെ അടുത്തേക്ക് ചെരിച്ചുകൊണ്ട് പയ്യെ പറഞ്ഞു . അതോടെ ആദി വീണയുടെ അടുത്തേക്ക് ചാടി .അപ്പോഴേക്കും മഞ്ജുവും ഉമ്മറത്തേക്ക് കയറിയിരുന്നു . "മഞ്ജുവിന് സുഖം അല്ലെ മോളെ ? " കയറി വന്ന മഞ്ജുസിന്റെ കൈപിടിച്ചുകൊണ്ട് അമ്മായി തിരക്കി . "ഓഹ് ..സുഖം ആണ് ആന്റി ..." മഞ്ജുസ് ചിരിച്ചുകൊണ്ട് മറുപടി നൽകി. പിന്നെ കൃഷ്ണൻ മാമയെ നോക്കി ഒന്ന് പുഞ്ചിരിച്ചു . "മഞ്ജു ചേച്ചി ഒന്നുടെ മെലിഞ്ഞല്ലോ ..." മഞ്ജുവിന്റെ രൂപം കണ്ടു വീണ അടിമുടി ഒന്ന് നോക്കി . "ആണോ ?"

മഞ്ജുസ് അവളെ നോക്കി ചിരിച്ചു ."ഹ്മ്മ്...മായേച്ചിയെ വിളിക്കാൻ വന്നപ്പോ കണ്ടതിലും ലുക്ക് ആയിട്ടുണ്ട് " മഞ്ജുസിനെ ഒന്ന് പുകഴ്ത്തികൊണ്ട് വീണ തട്ടിവിട്ടു . "ആഹ്..പറഞ്ഞ പോലെ മായ മോൾടെ കാര്യം എന്തൊക്കെ ഉണ്ടെടാ ?" കൃഷ്ണൻ മാമ എന്നോടായി തിരക്കി . "കുഴപ്പം