Chapter Title : രതിശലഭങ്ങൾ ലൈഫ് ഈസ് ബ്യൂട്ടിഫുൾ 22 [Sagar Kottapuram]

ഒന്നും ഇല്ല...ഞാൻ ഇന്നലെ കൂടി വിളിച്ചിരുന്നു .." ഞാൻ പയ്യെ പറഞ്ഞുകൊണ്ട് തിണ്ണയിലേക്കിരുന്നു . "മഞ്ജു അകത്തേക്ക് വാ ....വന്നിട്ട് ഇങ്ങനെ നിൽക്കല്ലേ" ഞങ്ങളുടെ സംസാരം ഒകെ ശ്രദ്ധിച്ചു റോസിമോളെയും തോളിലിട്ട് നിന്നിരുന്ന മഞ്ജുസിനോടായി അമ്മായി പറഞ്ഞു . റോസ് മോള് ആണെങ്കിൽ വീടും പരിസരവും ഒക്കെ കണ്ണോടിച്ചു നോക്കുന്നുണ്ട് . മുൻപ് വന്ന ഓര്മ ഒക്കെ പെണ്ണിന് ഉണ്ടോ എന്തോ ! "ചാ ച്ച" തിണ്ണയിൽ ഇരുന്ന എന്നെ ചൂണ്ടി പെണ്ണ് അതിനിടെ ഒച്ചവെച്ചു . "ഓഹ്...ഈ പെണ്ണിന്റെ ഒരു കാര്യം .." അകത്തേക്ക് പോകാൻ ഒരുങ്ങിയ മഞ്ജുസ് അതോടെ ഒന്ന് പിന്തിരിഞ്ഞു അവളെ എന്റെ മടിയിൽ കൊണ്ട് ഇരുത്തി . "അവിടെ ഇരുന്നോ .." റോസ്‌മോളുടെ കവിളിൽ തട്ടികൊണ്ട് മഞ്ജുസ് ചിണുങ്ങി . മോഹനവല്ലി അമ്മായിയും വീണയുമൊക്കെ അത് കൗതുകത്തോടെ നോക്കുന്നുണ്ട് . "ഇവൾക്ക് ഇപ്പോഴും കണ്ണനെ മാത്രേ ബോധിക്കുള്ളു ല്ലേ ?" റോസ്‌മോളുടെ വാശി അറിയാവുന്ന മോഹനവല്ലി അമ്മായി ചിരിയോടെ തിരക്കി . "ഏയ്..ഇപ്പൊ അത്ര കുഴപ്പം ഇല്ല...എന്നാലും അച്ഛനെ കണ്ടാൽ പിന്നെ അവൾക്ക് ഞങളെ ഒന്നും വേണ്ട " മഞ്ജുസ് ആണ് അതിനു മറുപടി പറഞ്ഞത് . "ആഹ്..എന്ന അവള് അച്ഛന്റെ കൂടെ ഇരിക്കട്ടെ ...നീ വാ " മഞ്ജുസിന്റെ കൈപിടിച്ചുകൊണ്ട് അമ്മായി അകത്തേക്ക് ക്ഷണിച്ചു . അതോടെ വീണയും മഞ്ജുസും അമ്മായിയും അകത്തേക്ക് കടന്നു . ആദിക്കുട്ടനും അവർക്കൊപ്പം പോയി . "വല്യമ്മാമ ഇന്ന് എങ്ങോട്ടും പോയില്ലേ ?" റോസിമോളെ ദേഹത്തോട് അമർത്തിപിടിച്ചുകൊണ്ട് ഞാൻ കൃഷ്ണൻ മാമയെ നോക്കി . "ഇല്ല...രണ്ടു ദിവസം ആയിട്ട് നല്ല മുട്ടുവേദന ഉണ്ട് ..അതോണ്ട് കടയിൽ തന്നെ പോയിട്ടില്ല " കൃഷ്ണൻ മാമ വലതു കാൽമുട്ട് കൈത്തലം കൊണ്ട് ഉഴിഞ്ഞു ചിരിച്ചു . "എന്നിട്ട് ഡോക്ടറെ കണ്ടില്ലേ ?" ഞാൻ സംശയത്തോടെ തിരക്കി . "ഏയ്...ഇവിടെ അമ്മേടെ കുഴമ്പു ഇരിപ്പുണ്ട്..അത് എടുത്തു തേക്കും " കൃഷ്ണൻ മാമ കസേരയിലേക്ക് ചാരി ഇരുന്നുകൊണ്ട് ചിരിച്ചു .

"മുത്തശ്ശി എവിടെയാ ? കുഞ്ഞാന്റിയുടെ അടുത്താണോ ?" ഞാൻ കുശലം