Chapter Title : രതിശലഭങ്ങൾ ലൈഫ് ഈസ് ബ്യൂട്ടിഫുൾ 24 [Sagar Kottapuram]

ചുറ്റിനും കണ്ണോടിക്കുന്നുണ്ട് . "എന്താടി പൊന്നൂസേ ?" പെണ്ണിന്റെ നോട്ടം കണ്ടു ഞാൻ ചിരിച്ചു . അതോടെ അവള് എന്റെ തോളിലേക്ക് ചാഞ്ഞു . ഇനി എവിടേക്കും ഇല്ലെന്നു സാരം . അവൾക്ക് കാര്യം ഏതാണ്ട് പിടികിട്ടിയ മട്ടുണ്ട് ! "ഹി ഹി ..എന്നെ പിടിച്ചിട്ട് കാര്യല്ലെടി പൊന്നുസെ ..." ഞാൻ അവളുടെ പുറത്തു തട്ടി ചിരിച്ചു . പിന്നെ അവളുടെ കവിളിൽ മുത്തികൊണ്ട് മഞ്ജുസിനെ നോക്കി . "ചെക്കൻ കരയോ ?" ഞാൻ ചോദ്യ ഭാവത്തിൽ പുരികം ഇളക്കി . "ആഹ്...എനിക്കറിഞ്ഞൂടാ .." മഞ്ജുസ് കൈമലർത്തി ചിരിച്ചു . "എന്തായാലും നീ കൂടെ അടുത്ത് നിന്നോ ..അല്ലെങ്കിൽ പ്രെശ്നം ആകും ..അടങ്ങി ഇരുന്നില്ലെങ്കിൽ ഇതിപ്പോ ഒന്നും തീരില്ല " ഞാൻ ഗൗരവമായിട്ട് തന്നെ പറഞ്ഞു . അതോടെ മഞ്ജുസ് അവളുടെ അച്ഛന്റെ അടുത്തേക്ക് നീങ്ങി ആദിയുടെ കവിളിൽ നുള്ളിവലിച്ചുകൊണ്ട് ചിണുങ്ങി . "അപ്പൂസേ ...മൊട്ട അടിക്കണ്ടേ മ്മക്ക് " അവള് അവനെ നോക്കി ചിരിച്ചു അവന്റെ തലയിൽ കൈകൊണ്ട് ഉഴിഞ്ഞു . "മോൻ കരയോ ഡീ മോളെ ?"

ആദിയെ ഒന്ന് കുലുക്കികൊണ്ട് മഞ്ജുസിന്റെ അച്ഛനും ചിരിയോടെ തിരക്കി ."ഏയ് ...അവൻ നല്ല കുട്ടി അല്ലെ.." മഞ്ജുസ് ചിരിച്ചുകൊണ്ട് ആദിയുടെ കവിളിൽ തട്ടി . സംസാരിച്ചു നിക്കുന്ന ഞങ്ങളെ അതോടെ തല മുണ്ഡനം ചെയ്യുന്നവരും ക്ഷണിക്കാൻ തുടങ്ങി . "വാങ്ക സാർ ...വാങ്കോ ..ഉക്കാറുങ്കോ.." മഞ്ജുസിന്റെ അച്ഛനെ നോക്കി ഞങ്ങളുടെ മുൻപിൽ ഇരുന്ന ഒരു ബാർബർ പറഞ്ഞു . അതോടെ ഞങ്ങൾ അയാളുടെ അടുത്തേക്ക് നീങ്ങി . പുള്ളി സ്വല്പം പൊക്കമുള്ള ഒരു പീഠം പോലത്തെ പലകയിൽ ആണ് ഇരിക്കുന്നത് . പുള്ളിയുടെ മുൻപിൽ ആയി മറ്റൊരു പലക കൂടി ഉണ്ട് . അതിലാണ് മൊട്ട അടിക്കേണ്ട ആൾ ഇരിക്കേണ്ടത് . കൊച്ചു പിള്ളേർ ആകുമ്പോ ഒപ്പമുള്ള ആൾ അവരെ മടിയിൽ വെച്ചുകൊണ്ട് അതിൽ ഇരിക്കാം . "ധൈര്യമാ വാങ്കോ സാർ ...മൊട്ട യാര്ക്കു..കൊളന്തക്കാ ?" പുള്ളി ഞങ്ങളെ നോക്കി അന്വേഷിച്ചു . "ആമാ ..ആമാ .."