പിറ്റേന്ന് രാവിലെ പ്രാതൽ കഴിഞ്ഞശേഷം ഞങ്ങൾ എല്ലാവരും തിരികെ എന്റെ വീട്ടിലോട്ടു തന്നെ മടങ്ങി .എന്റെയും മഞ്ജുവിന്റെയും കാർ അവിടെ ആയിരുന്നതുകൊണ്ട് രണ്ടു വണ്ടിയിൽ തന്നെയാണ് മടങ്ങിയതും. അഞ്ജുവും ഞാനും റോസ്‌മോളും കൂടി എന്റെ കാറിൽ ആണ് കയറിയത് . മഞ്ജുസിന്റെ കാറിൽ അച്ഛനും അമ്മയും ആദിയും കയറികൂടി . റോസിമോളെ മടിയിലിരുത്തി മുൻസീറ്റിൽ തന്നെയാണ് അഞ്ജു വന്നു ഇരുന്നത് ."വിട്..അവര് പോയി ..." മഞ്ജുസിന്റെ കാർ ആദ്യമേ പോയത് കണ്ടു അഞ്ജു എന്നെ നോക്കി."വിടാം..ഇതൊന്നു സ്റ്റാർട്ട് ആവട്ടെ ..." ഞാൻ എന്റെ സ്വിഫ്റ്റ് കാർ സ്റ്റാർട്ട് ചെയ്തുകൊണ്ട് കണ്ണിറുക്കി . മഞ്ജുസിന്റെ പഴയ കാർ ആണത് . അവള് പുതിയത് വാങ്ങിച്ചപ്പോൾ പഴയതു പിന്നെ എന്റെ പ്രോപ്പർട്ടി ആയി . സ്വല്പം കംപ്ലൈന്റ്സ് ഒക്കെ വന്നുതുടങ്ങിയതോടെ ആ കാറ് മാറ്റി വേറൊരെണ്ണം വാങ്ങാൻ എന്നോട് മഞ്ജുസ് തന്നെ പറഞ്ഞതാണ് . പക്ഷെ ഒരുപാടു ഓർമ്മകൾ സമ്മാനിച്ച കാർ ആയതുകൊണ്ട് എനിക്കതു ഉപേക്ഷിക്കാൻ തോന്നുന്നില്ല ."ഈ മണ്ട കാർ മാറ്റിക്കൂടെ ? പൂത്ത കാശ് ഉണ്ടല്ലോ നിനക്ക് " അഞ്ജു എന്നെ നോക്കി പുരികം ഇളക്കി . "കാശ് ഉള്ളത് അവൾക്കല്ലേ .അത് കണ്ടിട്ട് ഞാൻ തുള്ളിയിട്ടെന്താ കാര്യം മകളെ " അവളെ നോക്കി ചിരിച്ചുകൊണ്ട് ഞാൻ കാർ സ്റ്റാർട്ട് ചെയ്തു . പിന്നെ ഒന്ന് റൈസ് ചെയ്ത ശേഷം വേഗത്തിൽ മുന്നോട്ടെടുത്തു . "രണ്ടീസായിട്ട് രണ്ടാളും ഭയങ്കര ഹാപ്പി ആണല്ലോ ? എന്തുപറ്റി ?" അഞ്ജു എന്നെ നോക്കി ചിരിച്ചു . "ഞങ്ങൾ അല്ലേലും ഹാപ്പി തന്നെയാ ...അടി ഒകെ ഉണ്ടാക്കും അത് വേറെ കാര്യം " ഞാൻ പയ്യെ പറഞ്ഞു ചിരിച്ചു .