Chapter Title : രതിശലഭങ്ങൾ ലൈഫ് ഈസ് ബ്യൂട്ടിഫുൾ 25 [Sagar Kottapuram]

മറുപടി നൽകി . "നീ ആരോടും പറയണ്ട ട്ടോ ...അച്ഛനും അമ്മയും ഒകെ അറിഞ്ഞാൽ ആകെ വിഷമിക്കും ..." ഞാൻ അവളുടെ പുറത്തുതട്ടികൊണ്ട് ആശ്വസിപ്പിച്ചു . "കവി..ഹ്ഹ്ഹ് ഹ ഹ .."

മഞ്ജുസ് തേങ്ങിക്കൊണ്ട് വീണ്ടും എന്നെ വരിഞ്ഞു മുറുക്കി ."ട്രീറ്റ്മെന്റ് ഇല്ലെടോ മഞ്ജുസേ ...പിന്നെന്താ ഞാൻ ചെയ്യാ ....എനിക്ക് സങ്കടം ഒന്നും ഇല്ല..പക്ഷെ എന്റെ റോസ്‌മോളേം നിന്നേം ഒകെ കാണാൻ പറ്റൂലല്ലോ എന്ന് ആലോചിക്കുമ്പോ..." ഞാൻ ഒന്ന് പറഞ്ഞു നിർത്തി.."മതി....പറഞ്ഞത്...എനിക്ക് കേൾക്കണ്ട " മഞ്ജുസ് എന്റെ സംസാരം കേട്ട് തേങ്ങികൊണ്ട് തന്നെ ചൂടായി."ശരി ...ഞാൻ ഒന്നും പറയുന്നില്ല...." ഞാൻ ചിരിച്ചുകൊണ്ട് അവളെ അടർത്തിമാറ്റി . പിനേൻ കരഞ്ഞു കലങ്ങിയ അവളുടെ കണ്ണുകൾ തുടച്ചു .പിന്നെ ബെഡിൽ നിന്നും താഴേക്കിറങ്ങി എന്റെ അലമാര തുറന്നു . പിന്നെ അതിൽ ഞാൻ ഒളിപ്പിച്ചു വെച്ചിരുന്ന ഒരു പേപ്പർ എടുത്തു പിടിച്ചു .നാലായിട്ട് മടക്കിയിരുന്ന ആ കടലാസ് കഷ്ണം ഞാൻ കയ്യിൽ പിടിച്ചു മഞ്ജുസിന്റെ നേരെ പയ്യെ നടന്നു . എന്റെ മുഖത്ത് അപ്പോഴും നല്ല വിഷാദം കട്ടപിടിച്ചു കിടന്നിരിക്കണം . മഞ്ജുസ് അപ്പോഴും ഞാൻ പറഞ്ഞതൊക്കെ ഓർത്തു തലയ്ക്കു കൈകൊടുത്തു ഇരിക്കുന്നുണ്ട്. ഇത്ര പെട്ടെന്ന് ഇങ്ങനെയൊക്കെ സംഭവിക്കുമോ എന്ന ചിന്ത ആയിരിക്കാം അവൾക്ക്. അതല്ലെങ്കിൽ അവളുടെ ദുർവിധി പിന്നെയും പിന്തുടരുകയാണോ എന്ന ചിന്ത ..രണ്ടായാലും കക്ഷി നല്ലോണം ഡെസ്പ് ആണ് . ഞാൻ പയ്യെ ബെഡിലേക്കിരുന്നു . പിന്നെ ആ കടലാസ് മഞ്ജുസിനു നേരെ നീട്ടി . "മഞ്ജുകുട്ടി...ഇത് നോക്ക്...അസുഖത്തിന്റെ പേരൊക്കെ ഇതിൽ ഉണ്ട്..എന്തോ വായിൽ കൊള്ളാത്ത പേരാ " ഞാൻ ചിരിച്ചുകൊണ്ട് തന്നെ ആ കടലാസ്സ് അവൾക്കു നേരെ നീട്ടി . ഒന്ന് മടിച്ച് മടിച്ചു ആണേലും മഞ്ജുസ് അത് വാങ്ങി. എന്റെ രോഗ വിവരം അറിയാനുള്ള ത്വര മൊത്തം ഉണ്ട് അതിൽ ..

മഞ്ജുസ് സ്വല്പം വിറയ്ക്കുന്ന കൈവിരലുകളോടെ ആ കടലാസ് തുറന്നു . അത് തുറന്നുകൊണ്ട് ആ കടലാസിൽ അവളൊന്നു കണ്ണോടിച്ചു. അതോടെ അവളുടെ മുഖം ഒന്ന് വലിഞ്ഞു മുറുകി .പിന്നെ പുരികം ഉയർത്തി മഞ്ജു