Chapter Title : രതിശലഭങ്ങൾ ലൈഫ് ഈസ് ബ്യൂട്ടിഫുൾ 25 [Sagar Kottapuram]

നീ പൊന്നുപോലെ കൊണ്ട് നടന്നിരുന്ന ബൈക്ക് എനിക്ക് തന്നിട്ടല്ലേ പോയത് ..അതുകൊണ്ട് ഇപ്പൊ ഞാൻ നിനക്കൊരെണ്ണം തരട്ടെ ?" ഞാൻ മുഖവുര ഒന്നും കൂടാതെ തന്നെ അവനോടു ചോദിച്ചു . . പക്ഷെ അവന്റെ മുഖത്ത് ഒരു ചെറുപുഞ്ചിരി മാത്രമാണ് ഉണ്ടായതു . ഞാൻ പ്രതീക്ഷിച്ച പോലുള്ള എക്സൈറ്റ്മെന്റ് ഒന്നും അവന്റെ മുഖത്ത് കണ്ടില്ല . "എന്താടാ ഒരു കിണി ? ഞാൻ കാര്യമായിട്ട് തന്നെയാ ..ഇപ്പൊ എനിക്ക് അതിനുള്ള ആമ്പിയർ ഉണ്ടെന്നു കൂട്ടിക്കോ " ഞാൻ അവന്റെ തോളിൽ കൈ അമർത്തി ഒന്ന് ചിരിച്ചു .

"വേണ്ടടാ ...." കിഷോർ പെട്ടെന്ന് തന്നെ ആ ഓഫർ തള്ളിക്കളഞ്ഞു . "എനിക്ക് ബൈക്ക് ഒന്നും വേണ്ട ഡാ കണ്ണാ ..അത് പറയാൻ കാണിച്ച നിന്റെ മനസു മാത്രം മതിയെടാ ..." കിഷോർ എന്നെ തോൽപ്പിച്ചുകൊണ്ട് എന്റെ കൈ അവന്റെ തോളത്തു നിന്നും എടുത്തുപിടിച്ചു പയ്യെ തട്ടി . "ഇനിയിപ്പോ പോക്കും വരവും ഒകെ നിന്റെ കൂടെ കാറിൽ അല്ലെ ...പിന്നെന്തിനാ ഒരു ബൈക്ക് ..." കിഷോർ എന്നെ നോക്കി ചിരിച്ചു . "എന്നാലും അങ്ങനെ അല്ലല്ലോ ..നിന്റെ അച്ചുവിനേം കൂട്ടി ഒന്ന് കറങ്ങാൻ എങ്കിലും ഒരു വണ്ടി വേണ്ടേ ?" ഞാൻ കാര്യായിട്ട് തന്നെ തിരക്കി . "അതൊക്കെ ഞാൻ വാങ്ങിച്ചോളാം ...നീ ടെൻഷൻ ആവണ്ട ...നീ ഇപ്പൊ ചെല്ല്" അവൻ എന്റെ തോളിൽ തട്ടികൊണ്ട് ചിരിച്ചു . "ഡേയ്...ഞാൻ കാര്യം ആയിട്ടാ ..." ഞാൻ അവനെ നോക്കി ഒന്നുടെ പറഞ്ഞു . "ആയിക്കോട്ടെ .....നമുക്ക് പിന്നെ നോക്കാം . ഇപ്പൊ എന്തായാലും ഒരു ബൈക്ക് വാങ്ങാനൊക്കെ എനിക്കും ആമ്പിയർ ഉണ്ട് .." കിഷോർ എന്നെ ഒന്ന് ആക്കികൊണ്ട് ചിരിച്ചു . "എല്ലാ തെണ്ടികളും എനിക്കിട്ടു വെച്ചോ ..." അവന്റെ മറുപടി കേട്ട് ഞാൻ സ്വല്പം വിഷമത്തോടെ തന്നെ പറഞ്ഞു .

"ഡേയ്..ഞാൻ നിന്നെ വിഷമിപ്പിക്കാൻ പറഞ്ഞതൊന്നും അല്ല . ഇനി നിനക്ക് എന്നെ സഹായിക്കണം എന്ന് അത്ര താല്പര്യം ഉണ്ടേൽ എന്റെ കല്യാണം വരട്ടെ...ഞാൻ അങ്ങോട്ട് വന്നു