Chapter Title : രതിശലഭങ്ങൾ ലൈഫ് ഈസ് ബ്യൂട്ടിഫുൾ 3 [Sagar Kottapuram]

ഒന്ന് കണ്ണ് മിഴിച്ചു .

"മ്മ്...ഓക്കേ .."
ഒടുക്കം ഒരു നിമിഷം ആലോചിച്ചു നിന്നു മഞ്ജുസ് പയ്യെ തലയാട്ടി .

അതോടെ സന്തോഷത്തോടു കൂടി തന്നെ ഞങ്ങൾ ബീച്ചിലേക്ക് നടന്നു .പിന്നെ അവിടെ തെങ്ങിൻ തോപ്പുകൾക്കിടയിൽ നിരത്തിയിട്ട കട്ടിലു പോലെയുള്ള ഒരു സംവിധാനത്തിൽ കയറി കിടന്നു സൂര്യൻ കടലിൽ താഴുന്ന മനോഹര ദൃശ്യം കണ്ടാസ്വദിച്ചു . ബിയർ നുണഞ്ഞും തമാശകൾ പറഞ്ഞും വിദേശികളായവരും അത് കണ്ടു രസിക്കുന്നുണ്ട് . കൂട്ടത്തിൽ കുറച്ചു മര്യാദക്കാർ ആയി ഞങ്ങൾ രണ്ടു പേര് ഒന്നിച്ചൊരു കട്ടിലിൽ കിടന്നു ആ കാഴ്ച കണ്ടു രസിച്ചു !

"നല്ല ഭംഗി ഉണ്ടല്ലേ സ്കൈ കാണാൻ "
എന്റെ നെഞ്ചിൽ തലവെച്ചു കിടന്ന മഞ്ജുസ് ആകാശ ദൃശ്യം നോക്കി പയ്യെ പറഞ്ഞു . സായാഹ്നത്തിലെ ഇളം കാറ്റും ആസ്വദിച്ചു ഞാനാ ചോദ്യത്തിന് പയ്യെ മൂളി .

"നീ കിടന്നു ഉറങ്ങിയോ ?"
എന്റെ മൂളലിന്റെ വോളിയം കുറവായതുകൊണ്ട് മഞ്ജുസ് ചിരിയോടെ തിരക്കി .

"ഇല്ലെടി ..പക്ഷെ നല്ല ഉറക്കം വരുന്നുണ്ട് .."
ഞാനും ചിരിയോടെ തട്ടിവിട്ടു .

"മ്മ് ..എന്ന പോയാലോ ..ഏറെക്കുറെ ഇരുട്ടായി തുടങ്ങി.."
മഞ്ജുസ് എന്റെ നെഞ്ചിൽ നിന്നും എഴുനേറ്റുകൊണ്ട്‌ പയ്യെ പറഞ്ഞു .

"ഓക്കേ ..."
ഞാനും ആവേശത്തിൽ പറഞ്ഞു എഴുനേറ്റു . പിന്നെ സന്ധ്യ മയങ്ങിയ നേരത്തെ , കടലോര കാറ്റും ആസ്വദിച്ചു ആ പൂഴിമണലിലൂടെ നഗ്ന പാദനായി മഞ്ജുസിനെയും ചേർത്തുപിടിച്ചു നടന്നു .

ബാൻഡോസ് ദ്വീപ് ആകെ പ്രകാശം പരന്നു തുടങ്ങിയതോടെ മറ്റൊരു ഭാവത്തിലേക്ക് മാറിയിരുന്നു .ബ്ബാറിലും റെസ്റ്റോറന്റുകളിലും തിരക്ക് കൂടി വന്നു . അങ്ങനെ കുളിർകാറ്റുംകൊണ്ട് കടൽക്കരയിലൂടെ നടക്കുമ്പോഴാണ് കടലിലേക്ക് ഇറക്കി കെട്ടിയ വാട്ടർ വില്ലകൾ സ്വല്പം അകലെയായി കൂട്ടം കൂടി നിൽക്കുന്നത് മഞ്ജുസിന്റെ ശ്രദ്ധയിൽ പെടുന്നത് .

"ഡാ ഡാ കവിൻ അത് നോക്കിയേ .."
മഞ്ജുസ് അങ്ങോട്ടേക്ക് ചൂണ്ടി എന്നോടായി പറഞ്ഞു .

അവളുടെ കവിൻ എന്നുള്ള വിളി കേട്ടു ഞാൻ അവളെ കണ്ണുമിഴിച്ചൊന്നു നോക്കി .പഴയ കോളേജ് ടൈമിൽ മാത്രമാണ് അവളെന്നെ കൂടുതലും അങ്ങനെ