Chapter Title : രതിശലഭങ്ങൾ ലൈഫ് ഈസ് ബ്യൂട്ടിഫുൾ 8 [Sagar Kottapuram]

മായേച്ചി ഉമ്മറത്തിരുന്ന എന്റെ അടുത്തേക്ക് എത്തി . പിന്നാലെ എല്ലാവരും ഉണ്ടായിരുന്നു . വീണയാണ് മായേച്ചിയുടെ ബാഗും പെട്ടിയുമൊക്കെ എടുത്തു എന്റെ കാറിൽ കൊണ്ടുപോയി വെച്ചത് . ഊണ് കഴിഞ്ഞു മയങ്ങിയ റോസ് മോളെയും തോളിലിട്ടുകൊണ്ടാണ് ഞാൻ ഉമ്മറത്ത് അവരെയും കാത്തിരുന്നത് .

"മോളെ..എന്തേലും ഉണ്ടെങ്കിൽ അപ്പൊ വിളിച്ചോണം ..കേട്ടല്ലോ .." മോഹനവല്ലി അമ്മായി ചെറിയ സങ്കടത്തോടെ മായേച്ചിയെ ചേർത്തുപിടിച്ചുകൊണ്ട് പറഞ്ഞു . അതിനു അവള് പയ്യെ ഒന്ന് മൂളി . "അതൊക്കെ അവള് വിളിച്ചോളുമെടി ..നീ ഇങ്ങനെ ടെൻഷൻ ആയാലോ ..അവിടെ ഒരാവശ്യത്തിന് ഇവരൊക്കെ ഇല്ലേ " എന്നെയും മഞ്ജുവിനെയും നോക്കി കൃഷ്ണൻ മാമ അമ്മായിയെ ആശ്വസിപ്പിച്ചു . "അതെ അതെ ...നിങ്ങള് നേരം കളയാതെ പോകാൻ നോക്ക് കണ്ണാ ..." എല്ലാം കണ്ടും കേട്ടും നിന്ന കുഞ്ഞാന്റി ഇടക് കയറി . "ആഹ്...അതാ ശരി ..വെറുതെ നേരം കളയണ്ട .." മുത്തശ്ശിയും ആ വാദത്തെ പിന്താങ്ങി . അതോടെ ഞങ്ങളുടെ പടിയിറക്കം ആരംഭിച്ചു . "എന്നാപ്പിന്നെ വല്യമ്മാമ ..അമ്മായി..മുത്തശ്ശി...അങ്ങനെ ആവട്ടെ ല്ലേ .." റോസിമോളെ തോളിലിട്ട് എനിട്ടുകൊണ്ട് ഞാൻ എല്ലാവരെയും നോക്കി . "പോട്ടെ അച്ഛാ..." കൃഷ്ണൻ മാമയെ നോക്കി മായേച്ചി ഒരിക്കൽ കൂടി പറഞ്ഞു . അതിനു പുള്ളിയും നെഞ്ചുഴിഞ്ഞുകൊണ്ട് മൂളി . അതോടെ മായേച്ചിയുടെ കൈപിടിച്ചുകൊണ്ട് വീണ മുറ്റത്തേക്കിറങ്ങി .പിന്നാലെ ഞങ്ങളും . കാറിനടുത്തു വരെ മുത്തശ്ശി ഒഴിച്ചുള്ളവർ ഞങ്ങളെ അനുഗമിച്ചു .  മായേച്ചി സാവധാനം പുറകിലെ ഡോർ തുറന്നു കാറിലേക്ക് കയറി . പിന്നെ കൂടിനിൽക്കുന്നവരെയൊക്കെ ചെറിയ സങ്കടത്തോടെ നോക്കി . അവളുടെ കണ്ണിൽ ചെറുതായി നനവ് പൊടിഞ്ഞിട്ടുണ്ട്. ഇനി പ്രസവം കഴിഞ്ഞു കൊച്ചിന്റെ തൊണ്ണൂറു വരെ സ്വന്തം വീട്ടിൽ ആണലോ താമസം . അതുവരെ എല്ലാവരെയും പിരിഞ്ഞിരിക്കണം . "പോട്ടെടി.". വിൻഡോവിലൂടെ ഇടം കൈ പുറത്തേക്കിട്ട് വീണയുടെ കൈപിടിച്ചുകൊണ്ട് മായേച്ചി പയ്യെ യാത്ര ചോദിച്ചു . വീണയും അതിനു ചെറിയ വിഷമത്തോടെ മൂളി . മായേച്ചിയും വീണയും തമ്മില് നല്ല കൂട്ടാണ്. ആ സമയം കൊണ്ട് മഞ്ജുവും പുറകിലെ സീറ്റിലേക്ക്