Chapter Title : രതിശലഭങ്ങൾ ലൈഫ് ഈസ് ബ്യൂട്ടിഫുൾ 8 [Sagar Kottapuram]

സെൽഫിയും വീഡിയോ കാൾ ഉം എന്നെ കാണിച്ചില്ലെങ്കിൽ നിനക്കു ഉറക്കം കിട്ടൂലല്ലേ ?" മഞ്ജുസ് എന്റെ വയറിനിട്ടു പയ്യെ ഇടിച്ചുകൊണ്ട് ചിരിച്ചു . "ആഹ്..അതൊക്കെ കള ..അവളെന്തിനാ വിളിച്ചേ ?" ഞാൻ പെട്ടെന്ന് തമാശ കളഞ്ഞു സീരിയസ് ആയി . "ചുമ്മാ .. നീ പൈസ എന്തേലും അവൾക്കു കൊടുക്കാമെന്നു പറഞ്ഞോ  ?" മഞ്ജുസ് സ്വല്പം ഗൗരവത്തിൽ എന്നെ നോക്കി . അവളുടെ ക്യാഷ് ആണല്ലോ ഞാനിട്ടു തിരിമറി ചെയ്യുന്നത് . അതുകൊണ്ട് ആ ചോദ്യം ചെയ്യലിൽ കുറ്റം പറയാനൊക്കില്ല . "ആഹ് ..എന്തെടോ ? വല്ല കുഴപ്പവും ഉണ്ടോ ?" ഞാൻ അവളെ ചെറിയൊരു പരുങ്ങലോടെ  നോക്കി . "എന്ത് കുഴപ്പം ? ക്യാഷ് അവൾക്കു കിട്ടി..നിന്നോട് താങ്ക്സ് പറയാൻ പറഞ്ഞു ...അത്രേ ഉള്ളു ..." മഞ്ജുസ് നിസാരമട്ടിൽ പറഞ്ഞു ചിരിച്ചു . "ഓ ...അതാണോ ..." ഞാൻ ചെറിയൊരു ആശ്വാസത്തോടെ ശ്വാസം വിട്ടു . പിന്നെ മഞ്ജുസിനൊപ്പം ഗേറ്റിനടുത്തേക്കു നീങ്ങി ചില്ലറ തമാശകളൊക്കെ പറഞ്ഞു നിന്നു .  കൂടുതലും റോസ്‌മേരിയുടെ കാര്യം തന്നെ ആയിരുന്നു .

ഞാൻ ബിസിനസ്സിന്റെ കാര്യത്തിന് ബാംഗൂരിൽ പോയാൽ റോസമ്മയോടൊപ്പം അവളുടെ  ഫ്ലാറ്റിലാണ് താമസിക്കുന്നത് . ഇടക്കു മഞ്ജുസ് വിളിക്കുമ്പോൾ അവളാണ് എന്റെ ഫോൺ അറ്റൻഡ് ചെയ്യാറ് .ആദ്യമൊക്കെ മഞ്ജുസിനു അത് ദേഷ്യം ആയിരുന്നു . "കവിൻ..കുളിക്കുവാണ് മഞ്ജു ..ഞാൻ വന്നാൽ പറയാം ..." "അവൻ ടോയ്‌ലെറ്റിൽ ആണ് മഞ്ജു .." എന്നൊക്കെ മാത്രമേ റോസ്‌മേരി പറയുകയുള്ളൂ . എന്നാലും മഞ്ജുസിനു കലിപ്പ് ആണ് . "അവളാരാ നിന്റെ ഫോൺ