രതിശലഭങ്ങൾ ലൈഫ് ഈസ് ബ്യൂട്ടിഫുൾ [Climax] [ രതിശലഭങ്ങൾ സീരീസ് 101 ]

അച്ഛൻ അതിനു ഗൗരവത്തിൽ ഒരു മറുപടി നൽകി .ഞങ്ങള് ഉമ്മറത്തേക്ക് എത്തിയതോടെ അഞ്ജു പിള്ളേരെ ഒന്ന് അടിമുടി നോക്കി ."എല്ലാരും മാച്ചിങ് ആണല്ലോ " അഞ്ജു ഞങ്ങളെ ഒന്ന് താങ്ങിക്കൊണ്ട് ചിരിച്ചു . "സോ?" മഞ്ജുസ് അതുകേട്ടു അഞ്ജുവിനെ നോക്കി പുരികം ഇളക്കി . "ചുമ്മാ ...പറഞ്ഞെന്നെ ഉള്ളു ...അപ്പൂസ് സൂപ്പർ ആയിട്ടുണ്ട് " അഞ്ജു ചിരിച്ചുകൊണ്ട് മഞ്ജുവിന്റെ തോളിൽ കിടന്ന ആദിയുടെ കവിളിൽ ഒരുമ്മ നൽകി . "എപ്പൊഴാടാ പോയിട്ട് വരുന്നത് ? വൈകീട്ട് വല്യമ്മയുടെ വീട്ടിൽ ഒന്ന് പോണം " അമ്മച്ചി എന്നെ ഓര്മപെടുത്തികൊണ്ട് തിരക്കി . "അപ്പോഴേക്കും ഒക്കെ വരും അമ്മാ " ഞാൻ പുള്ളിക്കാരിയെ നോക്കി തട്ടിവിട്ടു . പിന്നെ അച്ഛനെയും ഒന്ന് നോക്കി ചിരിച്ചു . "പൊന്നൂട്ടി അച്ഛന്റെ കൂടെ പോവാ ?" അമ്മച്ചി റോസ്‌മോളുടെ കയ്യിൽ പിടിച്ചുകൊണ്ട് പയ്യെ തിരക്കി . "താ...റ്റ ..." അത് മനസിലായ പോലെ അവള് കൈവീശി ടാറ്റ പറഞ്ഞു . അതുകണ്ട അഞ്ജു ഞങ്ങളുടെ അടുത്തേക്ക് വന്നതും പെണ്ണ് എന്റെ തോളിലേക്ക് ചാഞ്ഞു . "ഓ ..ഇപ്പൊ എന്നെ വേണ്ട അവൾക്ക് ...നീ ഇവിടെ ഒറ്റക്കാവുമ്പോ ഞാൻ കാണിച്ചു തരാടി കുശുമ്പി " റോസ്‌മോളുടെ കവിളിൽ ചിരിയോടെ നുള്ളിവലിച്ചുകൊണ്ട് അഞ്ജു പറഞ്ഞു . അപ്പോഴേക്കും ശ്യാം ചെരിപ്പൊക്കെ ഇട്ടു മുറ്റത്തേക്കിറങ്ങി . കാർ അവനാണ് ഡ്രൈവ് ചെയ്യുന്നത് . അതുകൊണ്ട് ഞങ്ങൾക്ക് സ്വസ്ഥമായിട്ട് ഇരിക്കാം . "എന്ന..അമ്മെ ...അച്ഛാ ..പോയിട്ട് വരാ " മഞ്ജുസ് കൂടി എല്ലാരുടേം അനുവാദം വാങ്ങി . പിന്നെ ഞങ്ങള് വേഗം ചെരിപ്പൊക്കെ ഇട്ടു മുറ്റത്തേക്കിറങ്ങി . ശ്യാം അപ്പോഴേക്കും കാർ സ്റ്റാർട്ട് ചെയ്തു നിർത്തിയിരുന്നു . മഞ്ജുസിന്റെ കാറിൽ ആണ് യാത്ര ! "ഭയങ്കര കാച്ചായിരുന്നല്ലോ " കാറിൽ കേറിയ ഉടനെ ശ്യാമിനോടായി ഞാൻ തിരക്കി . ആ സമയം കൊണ്ട് മഞ്ജുസ് പുറകിലെ സീറ്റിലേക്കും കയറി ഇരുന്നു . റോസിമോളെ എന്റെ മടിയിലും ആദി അവളുടെ മടിയിലുമാണ് . "പൊന്നോ ...ഒന്നും പറയണ്ട ..വരെ ഒക്കെ ഇനീം ഫേസ് ചെയ്യണല്ലോ എന്ന് ആലോചിക്കുമ്പോഴാ കല്യാണവും ഒരു മണ്ണാങ്കട്ടയും വേണ്ടെന്നു തോന്നുന്നത് " ശ്യാം ആരോടെന്നില്ലാതെ പറഞ്ഞു കാർ റിവേഴ്‌സ് എടുത്തു . "ഹ ഹ ...അങ്ങനെ നോക്കിയാൽ ഞങ്ങളുടെ കാര്യം നോക്കെടാ ശ്യാമേ അതുകേട്ട മഞ്ജുസ് ശ്യാമിനോടായി തട്ടിവിട്ടു . "നിങ്ങൾക്ക് രണ്ടിനും നാണവും മാനവും ഇല്ലാലോ ..." ശ്യാം അതുകേട്ടു ഞങ്ങൾക്കിട്ട് ഒന്ന് താങ്ങി . "ഡാ ഡാ ....വേണ്ട "