Chapter Title : രതിശലഭങ്ങൾ ലവ് ആൻഡ് ലൈഫ് 1 [Sagar Kottapuram]

ഒരു കണക്കിന് അതും നന്നായി ..മഞ്ജുസിന്റെ കൂടെ പിടിച്ചു നില്ക്കാൻ ഏതെങ്കിലും വേണം . താടിയും കട്ടിമീശയും ഒകെ ഉണ്ടെങ്കിൽ എനിക്ക് പ്രായം കൂടുതൽ ആണെന്ന് ആരേലും പറയും .. അങ്ങനെ ഓരോന്ന് ആലോചിച്ചിരിക്കെ മഞ്ജുസ് തിരികെ എത്തി . ഒരു അയഞ്ഞ ചുരിദാർ ആണ് അവളുടെ വേഷം . വയർ സ്വല്പം വെളിയിലേക്ക് വന്നുതുടങ്ങിയിട്ടുണ്ട് . എന്നാലും അവളുടെ നടത്തവും പെരുമാറ്റവുമൊക്കെ പഴയപടി സ്പീഡിൽ തന്നെ ആണ് . കറുപ്പിൽ നിറയെ വെള്ള പൂക്കളും , എംബ്രോയിഡറി വർക്കുകളും ഉള്ള ഒരു ചുരിദാറും പാന്റും ആണ് വേഷം . മുടിയിഴ പുറകിൽ ഭംഗിയായി ക്ലിപ് ചെയ്തു വെച്ചിട്ടുണ്ട് . കാതിൽ ഒരു ഫാൻസി റിങ് തൂങ്ങിയാടുന്നുണ്ട്. കഴുത്തിലെ ഞാൻ കെട്ടിയ മാലയും ഇടതു കൈത്തണ്ടയിൽ കെട്ടിയ ലേഡീസ് വാച്ചും ഒഴിച്ചാൽ വേറെ ആഭരണമോ മേക്കപ്പോ ഇല്ല . കൈവിരലുകൾ തമ്മിൽ പിണച്ചു എന്തോ മനസ്സിലിട്ടു ഉരുട്ടിയാണ് കക്ഷിയുടെ വരവ് . അവളെ കണ്ടതോടെ ഞാൻ കസേരയിൽ നിന്നും എഴുനേറ്റു . "കഴിഞ്ഞോ ?" ഞാൻ അവളെ നോക്കി പുരികം ഇളക്കി . "ഹ്മ്മ് ..."

മഞ്ജുസ് മൂളികൊണ്ട് എന്നെയും കടന്നുകൊണ്ട് മുന്നോട്ട് നടന്നു . അതോടെ അവളുടെ പേഴ്‌സും കയ്യില്പിടിച്ചുകൊണ്ട് ഞാൻ പിന്നാലെ നടന്നു ."ഡോക്ടർ എന്ത് പറഞ്ഞു ?" ഞാൻ അവളുടെ ഒപ്പം എത്തിയ ശേഷം ചിരിയോടെ തിരക്കി . "പ്രേത്യകിച് ഒന്നും പറഞ്ഞില്ല ...ഇതോടെ നിർത്തിക്കോളാൻ പറഞ്ഞു " മഞ്ജുസ് അവിടേം ഇവിടേം തൊടാതെ പറഞ്ഞു എന്നെയൊന്നു നോക്കി . "ഹ ഹ ..അയാള് ആള് കൊള്ളാലോ " ഞാൻ അതുകേട്ടു ചിരിച്ചു .പിന്നെ ഇടംകൈക്കൊണ്ട മഞ്ജുസിന്റെ കൈവിരലിൽ കോർത്തുപിടിച്ചു . "ഇതുതന്നെയാ അങ്ങേരു എന്നോടും പറഞ്ഞത് .." മഞ്ജുസ് എന്നെ നോക്കി ഒന്ന് ചിരിച്ചു . "എന്തോന്ന് ?" ഞാൻ അത് അത്ര ക്ലിയറാകാത്ത പോലെ അവളെ നോക്കി . "എടാ പൊട്ടാ ...ഇതും ട്വിൻസ് ആണെന്ന് ..." മഞ്ജുസ് എന്റെ കൈവിരലുകളിൽ അവളുടെ വിരലുകൾ അമർത്തികൊണ്ട് എന്നെ നോക്കി നാവുകടിച്ചു . "ഏഹ്ഹ് ..." ഞാൻ അതുകെട്ടൊന്നു അമ്പരന്നു അവളെ വിശ്വാസം വരാതെ നോക്കി . "ഹ്മ്മ് ഹ്മ്മ്..സത്യം ..ഇതും ട്വിൻസ് ആണെന്ന് കണ്ടപ്പോ ഡോക്റ്ററും പറഞ്ഞു..നിങ്ങള് ആള് കൊള്ളാലോ എന്ന് " മഞ്ജുസ് ചെറിയ നാണത്തോടെ പറഞ്ഞു എന്റെ കയ്യിൽ മുറുക്കെ പിടിച്ചു