Chapter Title : രതിശലഭങ്ങൾ ലവ് ആൻഡ് ലൈഫ് 2 [Sagar Kottapuram]

റോസ്‌മോൾ എന്നെ മുഖം ഉയർത്തി നോക്കി . "വേണ്ടാ ഹ്ഹ ..." ഞാൻ സ്വല്പം നീട്ടിപ്പറഞ്ഞുകൊണ്ട് ചിരിച്ചു . "ഛീ ...ഡീ ആള്ക്കാര് കണ്ട ചീത്ത പെണ്ണാണെന്ന് പറയും ട്ടാ ... ഇങ്ങനെ ഒന്നും കാണിക്കാൻ പാടില്ല ..അയ്യേ " അവള് പാത്രം വടിച്ചു നക്കുന്നത് കണ്ടു ഞാൻ പെണ്ണിന്റെ കൈ പിടിച്ചു വെച്ചു. "പൊന്നു നല്ലതാ ..." അതുകേട്ടു പെണ്ണ് ഗമയിൽ എന്നെ നോക്കി . "ഉവ്വ ...കണ്ടാലും മതി ..ഒക്കെ വാരിത്തേച്ച് വെച്ചിട്ട് ..." ഞാൻ ചിരിച്ചുകൊണ്ട് അവളുടെ ചുണ്ടും വശങ്ങളും ഒരു ടിഷ്യു പേപ്പർ എടുത്തു തുടച്ചു . "ഇനീം ചാച്ചാ .." ഞാൻ തുടക്കുന്നത് തടഞ്ഞു അവള് എന്നെ നോക്കി . "രണ്ടെണ്ണം ആയില്ലേ ? അതൊക്കെ മതി ...അങ്ങോട്ട് നടന്നേ " ഞാൻ അവളെ എന്റെ മടിയിൽ നിന്നും താഴേക്കിറക്കികൊണ്ട് ചിരിച്ചു . "എന്താ ചാച്ചാ ..പീഷ് ."

അതോടെ എന്റെ കൈപിടിച്ചുകൊണ്ട് അവള് ചിണുങ്ങാൻ തുടങ്ങി ."പീസൊന്നും ഇല്ല...വാരിവലിച്ചു തിന്നിട്ട് വല്ല സൂക്കേടും വന്നാൽ നിന്റെ മഞ്ജുന്റെ വായിന്നു ഞാൻ കേൾക്കണം ..." ഞാൻ കണ്ണുരുട്ടികൊണ്ട് അവളെ എടുത്തുപൊക്കി . അതിനു പെണ്ണിന് മറുപടി ഒന്നുമില്ല. എന്നെ ചെറിയ സങ്കടത്തോടെ നോക്കുന്നുണ്ട് . "പോവാം..." ഞാൻ അവളെ നോക്കി ചിരിച്ചു . "ഹ്മ്മ്..." അതിനു ചുണ്ടു വക്രിച്ചുകൊണ്ട് അവള് പയ്യെ മൂളി . അത്ര താല്പര്യം ഒന്നുമില്ല. വേണമെങ്കിൽ വയറു നിറയുന്ന വരെ ഐസ് ക്രീം തിന്നോളും .ഒരു പ്രവിഷയത്തെ കൂടുതൽ കഴിച്ചിട്ട് തൊണ്ടയിൽ ഇൻഫെക്ഷനും പനിയും ഒകെ