Chapter Title : രതിശലഭങ്ങൾ ലവ് ആൻഡ് ലൈഫ് 7 [Sagar Kottapuram]

മഞ്ജുസ് സ്വല്പ ഗൗരവത്തിൽ തന്നെ പറഞ്ഞു .

"ഇതാ ഞാൻ പറയുന്നത് , അതിനെ അങ്ങോട്ടൊന്നും വിടണ്ടന്ന് "
മഞ്ജുസിന്റെ മറുപടി കേട്ടതും ഞാൻ ഒന്ന് ഗൗരവം നടിച്ചു .

"അതിനു പറഞ്ഞാൽ കേൾക്കണ്ടേ..."
മഞ്ജുസ് ആരോടെന്നില്ലാതെ പറഞ്ഞു മറുപടി നൽകി ..

"ഹ്മ്മ് ...എന്നിട്ട് എവിടെ ? ഒച്ച ഒന്നും കേൾക്കുന്നില്ലല്ലോ "
ഞാൻ മൂളികൊണ്ട് സംശയം പ്രകടിപ്പിച്ചു .

"ഇവിടെ ഉണ്ട് ...എന്റെ മടിയിൽ കിടക്കാ ..വയ്യാതെ ആയപ്പോ അവൾക്ക് ഞങ്ങളെ ഒന്നും വേണ്ട..ചാച്ചനെ കാണണം എന്നുപറഞ്ഞു നിലേം വിളിയും ആണ് "
മഞ്ജുസ് എന്നെ ഓർമിപ്പിച്ചുകൊണ്ട് ചിരിച്ചു .

"ഹ ഹ ...എന്ന കൊടുക്ക് ..."
ഞാൻ പറഞ്ഞതും മഞ്ജുസ് ഫോൺ പൊന്നൂസിന്റെ ചെവിയിലേക്ക് ചേർത്തുവെച്ചു .

"ചാ ചാ ..."
പൊന്നൂസിന്റെ അടഞ്ഞ സ്വരം അതോടെ എന്റെ കാതിലെത്തി. പെണ്ണിന് നല്ല ക്ഷീണം ഉണ്ടെന്നു ആ വിളിയിലൂടെ തന്നെ എനിക്ക് മനസിലായി .

"എന്താ പൊന്നുച്ചേ..."
ഞാൻ കൊഞ്ചലോടെ അതിനു വിളികേട്ടു ..

"പൊന്നുനു വയ്യ ..ചാച്ചാ ..."
പെണ്ണ് ചിണുങ്ങിക്കൊണ്ട് പയ്യെ പറഞ്ഞു ...

"ആണോ ...എന്താ പറ്റിയെ പൊന്നുനു ?"
ഞാൻ റോസ്‌മോളുടെ സംസാരം കേട്ട് പയ്യെ തിരക്കി .

"പൊന്നുനു പനി പിച്ചു..."
പനി പിടിച്ചു എന്ന മട്ടിൽ അവള് പയ്യെ ചിണുങ്ങി .

"അത് സാരല്യ ഡീ ..മരുന്നൊക്കെ കഴിച്ച മാറിക്കോളും ."
ഞാൻ അവളെ ആശ്വസിപ്പിക്കാൻ വേണ്ടി പയ്യെ പറഞ്ഞു . പെണ്ണിന് അസുഖം വന്നാൽ പേടി ആണ് . ഹോസ്പിറ്റൽ കണ്ടാൽ തന്നെ