Chapter Title : രതിശലഭങ്ങൾ മഞ്ജുസും കവിനും 14 [Sagar Kottapuram]

കയ്യെത്തിച്ചു റിമോട്ടെടുത്തു എ.സി ഓഫ് ചെയ്‌തിട്ടു. അതോടെ സ്വല്പം ആശ്വാസം തോന്നിയ മഞ്ജുസ് എന്നോട് പറ്റിച്ചേർന്നു കിടന്നു .

"മഞ്ജുസേ .." അവളുടെ കിടത്തം കണ്ടു പന്തികേട് തോന്നിയ ഞാൻ പയ്യെ വിളിച്ചു .

"മ്മ്...' അവൾ കുറുകിക്കൊണ്ട് വിളികേട്ടു .

"എടി നല്ല പനിയുണ്ടല്ലോ..നമുക്ക് ഹോസ്പിറ്റലിൽ പോയാലോ " ഞാൻ ആശങ്കയ്ത്തൂടെ പറഞ്ഞു അവളെ തട്ടിവിളിച്ചു .

"കുഴപ്പമില്ലടാ..അത്രക്കൊന്നും ഇല്ല.." അവൾ പയ്യെ പറഞ്ഞു എന്നെ കെട്ടിപിടിച്ചു .

"മ്മ്...ഇപ്പൊ തണുപ്പുണ്ടോ ?" ഞാൻ സംശയത്തോടെ ചോദിച്ചു .

"ഇല്ല..നിന്നെ കെട്ടിപിടിച്ചപ്പോ നല്ല ചൂടുണ്ട് " മഞ്ജുസ് ആ പനിക്കോളിലും ചിരിയോടെ പറഞ്ഞു ചിണുങ്ങി .

"ഉവ്വ ഉവ്വ..നീ എനിക്കൂടെ ഇത് പകർത്തി തരുമോ " അവളുടെ ഒട്ടിയുള്ള കിടത്തം നോക്കി ഞാൻ ചിരിയോടെ ചോദിച്ചു. പിന്നെ അവളെ എന്നിലേക്ക് അണച്ച് കിടത്തി .

അതിനു മഞ്ജുസ് ഒന്നും പറഞ്ഞില്ല. എന്തോ ആശ്വാസം കിട്ടിയ പോലെ അവളെന്റെ നെഞ്ചിൽ മുഖം പൂഴ്ത്തി കിടന്നു . പക്ഷെ സമയം പോകും തോറും അവളുടെ അവസ്ഥ മോശം ആയി . പുലർച്ചെ ആകാറായതും കിടന്നു വിറക്കാൻ തുടങ്ങി !

അതോടെ ഞാനാകെ ടെൻഷനിലായി . മഞ്ജുസ് വിറച്ചുകൊണ്ട് പുതപ്പിട്ടു മൂടി .

"മഞ്ജുസേ നീ എന്നെ പേടിപ്പിക്കാതെ എഴുനേറ്റ..നമുക്ക്  ഹോസ്പിറ്റലിൽ പോകാം..ഇവിടെ 24  അവർ കാഷ്വലിറ്റി ഉള്ള ഹോസ്പിറ്റൽ ഇഷ്ടം പോലെ ഉണ്ട്..' ഞാൻ അവളുടെ കിടത്തം കണ്ടു സ്വല്പം പേടിച്ചു മൊബൈൽ എടുത്തു നോക്കി . സമയം നാലര ആവുന്നതേ ഉള്ളു .

പക്ഷെ ആ നാറി ഒന്നും മിണ്ടുന്നില്ല .

"മഞ്ജുസേ ..എടി നീ എന്തേലും വാ തുറന്നു പറ.." ഒടുക്കം ദേഷ്യം വന്നപ്പോൾ ഞാൻ ചൂടായി .

"ഒന്ന് മിണ്ടാതിരിക്കെടാ കവി..നേരം വെളുത്തിട്ട് പോകാം.." അവൾ അടഞ്ഞ ശബ്ദത്തിൽ പറഞ്ഞു .

"അപ്പോഴേക്കും കൂടിയാലോ ? ഇപ്പൊ തന്നെ വിറക്കുന്നുണ്ട് " ഞാൻ അവളുടെ പുതപ്പു മാറ്റി കഴുത്തും നെറ്റിയുമൊക്കെ തൊട്ടുനോക്കികൊണ്ട് പറഞ്ഞു  . നല്ല തിളച്ച വെള്ളം പോലെ ഉണ്ട് ചൂട് !

"അത്