Chapter Title : രതിശലഭങ്ങൾ മഞ്ജുസും കവിനും 14 [Sagar Kottapuram]

സാരല്യ..മാറിക്കോളും.." അവൾ എന്നെ ആശ്വസിപ്പിക്കാനായി പറഞ്ഞു . പക്ഷെ എന്തോ സമാധാനം കിട്ടാത്തതുകൊണ്ട് ഞാൻ പുറത്തിറങ്ങി അമ്മയെ വിളിച്ചു . നേരം പുലർച്ചെ ആയതുകൊണ്ട് എന്ത് അത്യാപത്താണോ എന്ന് വിചാരിച്ചാണ് അമ്മച്ചി ഫോൺ എടുത്തതു .

"എന്താടാ കണ്ണാ ..എന്താ ഈ നേരത്തു ?" ഫോൺ എടുത്തതും മുഖവുര കൂടാതെ അമ്മ ചോദിച്ചു. ഒരു ആശങ്ക അമ്മയുടെ സംസാരത്തിലും ഉണ്ടായിരുന്നു .

"ഒന്നും ഇല്ല..അമ്മാ..മഞ്ജുവിന് നല്ല പനി ..ഇവിടെ കിടന്നു വിറക്കുവാ ..എന്താ ഇപ്പൊ ചെയ്യാ ?' ഞാൻ സംശയത്തോടെ ഒറ്റ ശ്വാസത്തിൽ ചോദിച്ചു .

"ഈശ്വര ..." ഞാൻ പറഞ്ഞത് കേട്ട് അമ്മ അറിയാതെ വിളിച്ചു പോയി .

"ഈശ്വരനെ വിളിക്കാതെ ഇങ്ങള് കാര്യം പറഞ്ഞെ .." ഞാൻ ദേഷ്യത്തോടെ പറഞ്ഞു .

"ഹാഹ് ..എന്ത് പറയാനാ ..വേഗം ആശുപത്രിയില് പോകാൻ നോക്കെടാ  ..വെറുതെ വെച്ചോണ്ടിരിക്കണ്ട " എന്റെ സംസാരത്തിലെ ടെൻഷൻ ഓർത്തു അമ്മ പറഞ്ഞു .

"അതിനു ആ സാധനം വരാൻ കൂട്ടാക്കണ്ടേ..നേരം വെളുത്തിട്ട് പോകാമെന്ന പറയണേ..ഇപ്പൊ തന്നെ നല്ല പനി ഉണ്ട്..വേറെ ഇപ്പൊ എന്താ ചെയ്യാ ?' ഞാൻ സംശയത്തോടെ ചോദിച്ചു .

"ആഹ്..എന്ന തല്ക്കാലം ഒരു തുണി കഷ്ണം നനച്ചു അതിന്റെ നെറ്റിയിലിട്ടു കൊടുക്ക്..ഒരാശ്വാസം കിട്ടും .പിന്നെ ചുക്ക് കാപ്പി ഒകെ ഉണ്ടാക്കി കൊടുക്കാൻ  അവിടെ ഇപ്പൊ  ആരാ " അമ്മ ആരോടെന്നില്ലാതെ പറഞ്ഞു .

"കാപ്പിയും ചായേം ഒന്നും നടക്കുന്ന കാര്യം അല്ല ..മറ്റേതു നോക്കാം..." ഞാൻ ഒറ്റ ശ്വാസത്തിൽ പറഞ്ഞു ഫോൺ വെച്ചു . പിന്നെ എന്റെ ഒരു പഴയ മുണ്ടിൽ നിന്നും ഒരു കഷ്ണം കീറിയെടുത്തു നനച്ചു ഞാൻ ബെഡിനടുത്തേക്കെത്തി.

മഞ്ജുസ് കണ്ണുംപൂട്ടി നല്ല ഉറക്കം ആണ് . ഞാൻ അവളുടെ പുതപ്പു താഴ്ത്തി മഞ്ജുസിനെ കുലുക്കി വിളിച്ചു .

"ഡോ ..കണ്ണ് തുറന്നെ ..' ഞാൻ പയ്യെ പറഞ്ഞതും അവൾ പതിയെ കണ്മിഴിച്ചു . ആ സമയം നോക്കി തന്നെ ഞാനാ തുണി  നിവർത്തി അവളുടെ നെറ്റിയിൽ പതിപ്പിച്ചു.

ആ നനവ് പൊടുന്നനെ നെറ്റിയിൽ പടർന്നതും അവളൊന്നു