Chapter Title : രതിശലഭങ്ങൾ മഞ്ജുസും കവിനും 15 [Sagar Kottapuram]

പയ്യെ കാലുകൊണ്ട് തട്ടിയതും മഞ്ജുസ് ബെഡിൽ പിടഞ്ഞെഴുനേറ്റിരുന്നു ചീറ്റി .

ഞാൻ അവളുടെ ദേഷ്യം കണ്ടു പയ്യെ പുഞ്ചിരിച്ചു ഒരുവശം ചെരിഞ്ഞു കിടന്നു . എന്റെ ചിരി കണ്ടു ദേഷ്യം വന്ന മഞ്ജുസ് എന്റെ അടുത്തേക്ക് അവൾ തലചായ്ച്ചിരുന്ന തലയിണയും എടുത്തുനീങ്ങി .

അതെന്തിനാണെന്നു എനിക്ക് മനസിലാകും മുൻപേ തന്നെ ആ തലയിണ എന്റെ മുഖത്ത് അമർന്നിരുന്നു !സ്വല്പം ദേഷ്യത്തോടെ അവളെന്റെ മുഖത്ത് അത് അമർത്തി പിടിച്ചു .

"നിന്നെ ഞാൻ കാണിച്ചു തരാ മോനെ " മഞ്ജുസ് അത് പറഞ്ഞതും തലയിണ മുഖത്ത് വന്നു വീണതും ഒപ്പം !

"ആഹ്..മഞ്ജുസെ..എടി എടി.." ഞാൻ കിടന്നു ഒച്ച വെച്ചെങ്കിലും എന്റെ ശബ്ദം അവൾ തലയിണ മുഖത്ത് അമർത്തി ഇല്ലാതാക്കി .ഞാൻ കൈകൊണ്ട് അവളെ ഉന്തിമാറ്റാൻ നോക്കിയെങ്കിലും അതും അവള് തടഞ്ഞു വെച്ചു .

"മര്യാദക്ക് കിടക്കാൻ പറ്റോ ?" അവൾ എന്നെ ശ്വാസം മുട്ടിച്ചുകൊണ്ട് തലയിണയിലേക്ക് കയ്യോടൊപ്പം സ്വന്തം മുഖവും അമർത്തി . സത്യം പറഞ്ഞാൽ എനിക്ക് ശരിക്കും ശ്വാസം മുട്ടി തുടങ്ങി . ഞാൻ കാലിട്ടടിച്ചു വിടാൻ പറഞ്ഞെങ്കിലും മഞ്ജുസ് കൂട്ടാക്കിയില്ല.

"ആഹ്..എടി വിടെടി ശ്വാസം മുട്ടുന്നുണ്ട്.." ഞാൻ പതിഞ്ഞ സ്വരത്തിൽ തലയിണക്കടിയിൽ കിടന്നു മുരണ്ടു .

"സൗകര്യമില്ല വിടാൻ ..നീ കുറെ നേരം ആയി ശല്യം ചെയ്യുന്നു .." മഞ്ജുസ് ചിരിയോടെ പറഞ്ഞു ഒടുക്കം തലയിണ മാറ്റി . അതോടെ ഒരാശ്വാസത്തോടെ ഞാൻ ദീർഘ ശ്വാസം എടുത്തു എന്റെ മുൻപിൽ മുട്ടുകുത്തിയിരിക്കുന്ന അവളെ നോക്കി .

തലയിണയും കയ്യിൽ പിടിച്ചു മഞ്ജുസ് എന്നെ ചിരിയോടെ