Chapter Title : രതിശലഭങ്ങൾ മഞ്ജുസും കവിനും 19 [Sagar Kottapuram]

മറുപടിയിൽ അത്ര തൃപ്തി തോന്നാത്ത മീര അവളെ കളിയാക്കികൊണ്ട് എഴുനേറ്റു .

"ശേ ..ഈ പെണ്ണിതെന്തോന്നു...നാണംകെട്ട ജന്തു.." മഞ്ജുസ് മീരയെ ശകാരിച്ചുകൊണ്ട് എന്നെ നോക്കി .

ഞാൻ അതൊന്നും സാരമില്ലെന്ന് മട്ടിൽ കണ്ണിറുക്കി ന്യൂസ് പേപ്പറും വിടർത്തി ഇരുന്നു . അതോടെ മീര ഞങ്ങൾക്കായി രംഗം വിട്ടൊഴിഞ്ഞു കിച്ചണിലേക്ക് നീങ്ങി .പോകുന്ന വഴിക്കു മഞ്ജുസിന്റെ കയ്യിലൊരു നുള്ളും വെച്ചുകൊടുത്താണ് മീര മടങ്ങിയത് .

മീര പോയതും മഞ്ജുസ് ചിരിയോടെ എന്റെ അടുത്തെത്തി .

"ഈ സാധനത്തിനെയാണോ നീ നോക്കണ്ടെന്നു പറഞ്ഞത് ? ഇത് വിളഞ്ഞ കേസ് ആണല്ലോ ! കെട്ട്യോൻ കൂടെ ഇല്ലാത്ത കേടൊക്കെ നിന്റെ കൂട്ടുകാരിക്ക് ഉണ്ട്.." അടുത്ത് വന്നിരുന്ന മഞ്ജുസിന്റെ കാതിൽ ഞാൻ പയ്യെ പറഞ്ഞു ചിരിച്ചു .

"പോടാ ചെക്കാ.അവള് ചുമ്മാ തമാശക്ക് പറയുന്നതാ..." മഞ്ജുസ് എന്റെ വാദം തള്ളിക്കൊണ്ട് സുഹൃത്തിനെ ന്യായീകരിച്ചു .

"ഓഹ് പിന്നെ..ബാക്കിയുള്ളോരുടെ പ്രൈവസിയിൽ കേറി അഭിപ്രായം പറഞ്ഞിട്ടല്ലേ തമാശ പറയുന്നത് .." ഞാൻ ഒഴുക്കൻ മട്ടിൽ പറഞ്ഞു അവളെ ഒന്ന് നോക്കി . കക്ഷി അതിനു മറുത്തൊന്നും പറഞ്ഞില്ല .

"ഓഹ് ..." ഞാൻ പറഞ്ഞത് ഇഷ്ടമാകാത്ത മഞ്ജുസ് ഒന്ന് മുരണ്ടു . പിന്നെ സോഫയിലേക്ക് ചാരി കിടന്നു ഞാൻ എന്താണ് വായിക്കുന്നതെന്നു ശ്രദ്ധിച്ചു . സ്പോർട്സ് പേജ് ആയതുകൊണ്ട് കക്ഷിക്ക്‌ വല്യ താല്പര്യമില്ല .

"നീ എന്തോന്നാ ഈ നോക്കുന്നെ ?" മഞ്ജുസ് എന്റെ കയ്യിൽ ചുരണ്ടികൊണ്ട് പയ്യെ ചോദിച്ചു .

"നിന്റെ കുണ്ടി...നിനക്ക് കണ്ടൂടെടി പോത്തേ എന്താണ് നോക്കുന്നതെന്നു ?" അവളുടെ കോപ്പിലെ കിന്നാരം കേട്ടു എനിക്ക് ദേഷ്യം വന്നു .

"ഹോ..നിന്നോടൊക്കെ ചോദിച്ച എന്നെ പറഞ്ഞാൽ മതി..." മഞ്ജുസ് ആരോടെന്നില്ലാതെ പറഞ്ഞു എന്റെ കയ്യിൽ പിച്ചി .

"ആഹ്...ദേ മഞ്ജുസേ ..കളി ഒടുക്കം കാര്യം ആവും ട്ടോ " അവളുടെ പിച്ചലിന്റെ വേദന സഹിക്കാത്തതുകൊണ്ട് ഞാൻ പല്ലിറുമ്മി .

"ഓഹ് പിന്നെ..." അവൾ എന്റെ ദേഷ്യം കണ്ടു കളിയാക്കി .

"ഒരു പിന്നേം ഇല്ല ..ഞാൻ നിന്നോട് പല പ്രാവശ്യം പറഞ്ഞിട്ടുണ്ട് , എന്തേലും