Chapter Title : രതിശലഭങ്ങൾ മഞ്ജുസും കവിനും 25 [Sagar Kottapuram]

ഇല്ല. പക്ഷെ സ്വല്പം കഴിഞ്ഞതും ഒരു നേഴ്സ് റൂമിനകത്തേക്ക് കടന്നു വന്നു . കണ്ണുമിഴിച്ചു അവശ നിലയിൽ കിടക്കുന്ന എന്നെ കണ്ടതും അവരുടെ മുഖത്തൊരു പുഞ്ചിരി വിടർന്നു.

"എപ്പോ ഉണർന്നു ?'
സ്വല്പം പ്രായമുള്ള അവർ എന്നോട് ചിരിയോടെ തിരക്കി .

"കുറച്ചായി..."
ഞാൻ പയ്യെ മുരണ്ടു .

"മ്മ്...ഇപ്പൊ എങ്ങനെ ഉണ്ട്..വേദന ഉണ്ടോ ?"
പുള്ളിക്കാരി എന്റെ അടുത്തേക്ക് നീങ്ങി പൾസ്‌ ഒകെ ചെക്ക് ചെയ്തുകൊണ്ട് തിരക്കി .പിന്നെ ഡ്രിപ് ഇട്ടിരുന്നത് മാറ്റി പുതിയതൊന്നിട്ടു .

"അഹ്..വേദന ഒകെ ഉണ്ട്.."
ഞാൻ സ്വല്പം ഞെരക്കത്തോടെ പറഞ്ഞു .

"മ്മ്..കാണും കാണും ..രക്ഷപെട്ടത് തന്നെ മഹാഭാഗ്യം "
അവർ ചെറിയൊരു ചിരിയോടെ പറഞ്ഞു .

"ആരെയെങ്കിലും കാണണോ ? ഞാൻ പുറത്തു പോയി ഇയാൾക്ക് ബോധം വന്നത് അറിയിക്കാം . "
ഡ്രിപ് മാറ്റിയിട്ട് പുള്ളിക്കാരി ചിരിയോടെ തിരക്കി.

പെട്ടെന്ന് മഞ്ജുസ് എന്നാണ് നാവിലേക്ക് ഓടിക്കയറിയതെങ്കിലും അപകടത്തിന് മുൻപ് നടന്ന ഇഷ്യൂ ഓർത്തപ്പോൾ എനിക്കവളെ കാണാൻ തോന്നിയില്ല. അത്രമാത്രം അവളെന്നെ കുത്തിനോവിച്ചിട്ടുണ്ട് !പക്ഷെ അബോധാവസ്ഥയിൽ എന്റെ കണ്ണിൽ നിറഞ്ഞ മുഖം അത്രയും മഞ്ജുസിന്റേതായിരുന്നു !

''അമ്മ....എന്റെ അമ്മയോട് വരാൻ പറയുമോ ?"
ഞാൻ സ്വല്പ നേരം ആലോചിച്ചിട്ട് ചെറിയൊരു കണ്ണീരോടെ പറഞ്ഞു .ഒടുവിലെ ആശ്രയം ആണല്ലോ അമ്മ !

"ആഹ്..പറയാം.."
അവര് ചിരിയോടെ പറഞ്ഞു പുറത്തേക്കിറങ്ങി .

പിന്നെ സ്വല്പം കഴിഞ്ഞതും എന്റെ അമ്മ റൂമിനകത്തേക്കെത്തി . എന്ന കണ്ടതും അമ്മയിലൊരു തേങ്ങൽ ഉണ്ടായി. അവർ തേങ്ങിക്കൊണ്ട് തന്നെ പയ്യെ പയ്യെ എന്റെ അടുത്തേക്ക് നടന്നടുത്തു .

"കണ്ണാ...മോനേ...."
അമ്മ പയ്യെ വിളിച്ചുകൊണ്ട് എന്റെ കൈത്തലം മുറുകെ പിടിച്ചു ശബ്ദമില്ലാതെ കരഞ്ഞു .

"ആഹ്..കരയല്ലേ അമ്മാ ..എന്താ ഉണ്ടായത് ? എനിക്കൊന്നും ഓര്മ ഇല്ല..?"
ഞാൻ ചെറിയൊരു പുഞ്ചിരിയോടെ തിരക്കി .

"അതൊക്കെ പിന്നെ പറയാം കണ്ണാ..നിനക്കിപ്പോ എങ്ങനെ ഉണ്ട് ? "
അമ്മ കണ്ണ് തുടച്ചു ചെറിയൊരു ആശ്വാസത്തോടെ തിരക്കി .

"കുഴപ്പല്യ...."
ഞാൻ പയ്യെ പറഞ്ഞു .

"മ്മ്..എന്നാൽ കുഴപ്പം ഉള്ള ഒരാളു പുറത്തുണ്ട് .നിന്റെ