Chapter Title : രതിശലഭങ്ങൾ മഞ്ജുസും കവിനും 29 [Sagar Kottapuram] [CLIMAX]

എടുത്തു നോക്കി . പ്രെഗ്നന്റ് ആണെന്ന് അറിഞ്ഞപ്പോൾ അവളെ വട്ടംപിടിച്ചു അവളുടെ കുഞ്ഞു വയറിൽ ഞാൻ ചുംബിച്ചു നിൽക്കുന്ന ഫോട്ടോ ആണ് വാൾ പേപ്പർ ! അതുകണ്ടതും എനിക്ക് എന്തെന്നില്ലാത്ത ആശ്വാസം ! എന്നാലും കണ്ട സ്വപ്നം അത്ര പന്തിയല്ല . അതുകൊണ്ട് തന്നെ ഞാൻ മഞ്ജുസിനെ വിളിച്ചു നോക്കി .

അവൾക്കിതു ഏഴാം മാസം ആണ് . വയറ്റിലുള്ളത് ഒന്നല്ല രണ്ടു ജീവനുകൾ ആണെന്നുള്ളത് ഞങ്ങളെ കൂടുതൽ ആവേശം കൊള്ളിച്ചിരുന്നു . രണ്ടും ആൺകുട്ടികൾ ആയാൽ മതി എന്ന നിലപാടിലാണ് മഞ്ജുസ് എങ്കിൽ രണ്ടും പെൺകുഞ്ഞുങ്ങൾ ആയാൽ മതി എന്നാണ് എന്റെ സ്റ്റാൻഡ് ! അതും പറഞ്ഞാണ് ഇപ്പൊ ഞങ്ങളുടെ തല്ലുകൂടലൊക്കെ ! രണ്ടു ആൺകുട്ടികൾക്ക് ഇടാനുള്ള പേരുകൾ അവളും പെൺകുട്ടികൾക്ക് ഇടാനുള്ള പേര് ഞാനും കണ്ടുവെച്ചിട്ടുണ്ട് .

ഞാൻ നേരെ ഫോൺ എടുത്തു അവളെ വിളിച്ചു . ഇപ്പൊ ഇടക്കിടെ ഓരോ ബുദ്ധിമുട്ടുകൾ ഉണ്ടാവുന്നതുകൊണ്ട് കക്ഷി കോളേജിൽ നിന്നു ലോങ്ങ് ലീവ് എടുത്തു സ്വന്തം വീട്ടിൽ തന്നെയാണ് ! അവളുടെ അമ്മയും മുത്തശ്ശിയുമൊക്കെ തലയിലും താഴത്തും വെക്കാതെയാണ് ഇപ്പൊ ഒന്നിനാത്രം പോന്നവളെ കൊണ്ട് നടക്കുന്നത് .

ഇഷ്ട ഭക്ഷണവും പലഹാരവും ഒക്കെ തിന്നിട്ട് പെണ്ണ് ചക്കപോത്ത്‌ പോലെ ആയി ! മഞ്ജുസിന്റെ മുത്തശ്ശിയുടെ വക സ്പെഷ്യൽ ലേഹ്യവും രസായനവുമൊക്കെ കക്ഷി തട്ടുന്നുണ്ട് !

എന്തായാലും അധികം വൈകാതെ കക്ഷി ഫോൺ എടുത്തു .

"പറയെടാ കവി...."
കാൾ കണക്ട് ആയ ഉടനെ മഞ്ജു പറഞ്ഞു .

"എവിടെയാ മോളെ നീ ? കുഴപ്പം ഒന്നും ഇല്ലല്ലോ അല്ലെ ?"
ഞാൻ ചെറിയൊരു പേടിയോടെ ചോദിച്ചു .

"ഏയ് ഇല്ലെടാ . ഞാൻ ഇവിടെ ഹാപ്പി ആണ് . ആകെ വിഷമം എന്റെ കുട്ടന്മാരുടെ അച്ഛനെ കാണാൻ പറ്റുന്നില്ലല്ലോ ന്നാ ..."
മഞ്ജുസ് കുലുങ്ങി ചിരിച്ചുകൊണ്ട് മറുപടി നൽകി .

"അയ്യടി ...അതിനു അത് കുട്ടന്മാരൊന്നുമല്ല . എന്റെ കുറുമ്പത്തികളാ . അവരിപ്പോ നിന്നെ പോലെ കരാട്ടെ പ്രാക്ടീസ് ചെയ്യാറുണ്ടോ ?"
അകത്തുള്ളവരുടെ ചവിട്ടും തൊഴിയുമൊക്കെ ഓർത്തു