Chapter Title : രതിശലഭങ്ങൾ പറയാതിരുന്നത് 5 [Sagar Kottappuram]

എന്നെ സംശയത്തോടെ നോക്കി..

"ശ്യാം തന്നതാ.."

ഞാൻ പതിയെ തട്ടിവിട്ടു..

"ഈ ഫോണോ ?"

അവൾക്കു അപ്പോഴും വിശ്വാസം ആയില്ല..

"ആഹ്..അവന്റെ അച്ഛൻ രണ്ടെണ്ണം കൊടുത്തയച്ചിരുന്നു..ഒരെണ്ണം എനിക്ക് തന്നതാ..അങ്ങനെ ആണ് ബെസ്റ്റ് ഫ്രണ്ട്സ് "

ഞാൻ ചുമ്മാ വായിൽ വന്ന കള്ളങ്ങളൊക്കെ തട്ടിവിട്ടു.

അവൾ എന്നിട്ടും പൂർണ വിശ്വാസം വരാത്ത പോലെ എന്റെ നേരെ കൈനീട്ടി.

"നോക്കട്ടെ..."

അവൾ പതിയെ പറഞ്ഞു.

ഞാൻ മടിച്ചു മടിച്ചിട്ടു ആണെങ്കിലും ഫോൺ അവൾക്കു നൽകി.

അവളതു തിരിച്ചും മറിച്ചുമൊക്കെ നോക്കി..ഫീച്ചേഴ്സ് ഒകെ ഓരോന്നായി ടെസ്റ്റ് ചെയ്തു .ഞാൻ അവളെ തന്നെ നോക്കി ഇരുന്നു..ഇടക് പുരികം ഉയർത്തി അവളെന്നെ ഒന്ന് നോക്കും .

"മ്മ്...അതെ...ഇതെനിക്ക് തരുവോട ?"

അവളെന്നെ ചിരിയോടെ നോക്കി ഒടുക്കം പതിയെ തിരക്കി ആവശ്യം അറിയിച്ചു.

"അയ്യടി...പോയി പണിനോക്ക് "

ഞാനവളുടെ കയ്യീന്ന് പെട്ടെന്ന് തന്നെ അത് തട്ടി പറിച്ചുകൊണ്ട് മുഖം വക്രിച്ചു കാണിച്ചു കൊണ്ട് പറഞ്ഞു.അവളുടെ ഒരു പൂതി !

"ഓ..ഇന്നലെ വല്യ ഡയലോഗ് ആയിരുന്നല്ലോ..നിനക്കു വേണെങ്കി പുതിയത് ഈ ചേട്ടൻ വാങ്ങിച്ചു തരും എന്നൊക്കെ പറഞ്ഞു.."

അവളെന്നെ കളിയാക്കികൊണ്ട് പറഞ്ഞു.പിന്നെ എന്റെ തലക്കിട്ടു പതിയെ കിഴുക്കി..

"എടി...നീ എന്റെ കയ്യിന്നു വെറുതെ വാങ്ങേണ്ട.മര്യാദക്ക് പൊക്കോ "

ഞാൻ ചൊറിഞ്ഞു വന്നപ്പോ അവളെ നോക്കി പറഞ്ഞു.

"ഓ..പിന്നെ..."

അവൾ പുല്ലുവിലയോടെ മുഖം വെട്ടിച്ചു.

പിന്നെ എന്റെ നേരെ മുൻപിൽ തിണ്ണയിൽ കയറി ഇരുന്നു..

"അതെ..ഞാൻ ശ്യാമേട്ടനെ കാണുമ്പോ ചോദിച്ചു നോക്കട്ടെ..നീ പറഞ്ഞത് സത്യം ആണോ എന്ന് "

എന്നെ ഒന്ന് ടെസ്റ്റ് ചെയ്യാനായി അഞ്ജുഎന്നെ ഒളികണ്ണിട്ടു നോക്കി പറഞ്ഞു.ഞാൻ ചെറുതായി ഒന്ന് ഞെട്ടിയെങ്കിലും അതങ്ങനെ തന്നെ പുറത്ത് ഭാവിച്ചില്ല ..

ഞാനവളെ സംശയത്തോടെ നോക്കി..ഇവൾക്കിതു എന്തിന്റെ കേടാണ് ദൈവമേ !

"ആഹ്..പോയി ചോദിക്ക്..."

ഞാൻ ഒഴുക്കൻ മട്ടിൽ പറഞ്ഞു ശ്രദ്ധ ഫോണിലേക്ക് ആക്കി.

"മ്മ്...കുറച്ചു ദിവസം ആയിട്ട് എന്തോ ഒരു പന്തികേടുണ്ടല്ലോ മോനെ "

അവളെന്നെ അടിമുടി നോക്കികൊണ്ട് പറഞ്ഞു..

"ആണെന്കി നന്നായി..അഞ്ജു നീ മര്യാദക്ക് പൊയ്ക്കോ ..പിന്നെ എന്റെ കയ്യിന്നു വാങ്ങീട്ട് കിടന്നു മോങ്ങാൻ നിക്കണ്ട "