Chapter Title : രതിശലഭങ്ങൾ പറയാതിരുന്നത് 5 [Sagar Kottappuram]

മൂന്ന് നാലു പേരുടെ ഊഴം കഴിഞ്ഞാണ് ഞാനും ശ്യാമും മഞ്ജുസിനു മുൻപിൽ എത്തിയത്..

ഞങ്ങളെ കണ്ടപ്പോഴേ മഞ്ജു ചിരിച്ചു!

"ആഹാ നിങ്ങളും ഉണ്ടോ .."

അവൾ ഒന്നാക്കിയ പോലെ ആണ് ചോദിച്ചത്..

"അതെന്താ മിസ്സെ അങ്ങനെ ഒരു ചോദ്യം "

ശ്യാം ആണ് ഇത്തവണ ചോദിച്ചത്..

"ഏയ് ഒന്നുമില്ല.."

മഞ്ജു ചിരി അടക്കികൊണ്ട് പറഞ്ഞു..

"ആഹ്..എന്ന നോട്ട് ചെയ്യെന്നെ "

ഞാൻ ഗൗരവത്തിൽ പറഞ്ഞു.

"വെറുതെ അലമ്പ് കാണിക്കാൻ ആണെന്കി ഞാൻ സമ്മതിക്കില്ലാട്ടോ..നിങ്ങളൊക്കെ എന്ത് കാണിക്കാനാ."

മഞ്ജു തമാശ പോലെ പറഞ്ഞു ഞങ്ങളെ നോക്കി.

"മിസ് ഇവിടെ പുതിയതായതുകൊണ്ട...ബാക്കി ടീച്ചേഴ്സിനോട് ചോദിച്ചു നോക്ക്..ഞങ്ങളുടെ റേഞ്ച് അറിയാം "

ശ്യാം ഗമയിൽ പറഞ്ഞു..

മഞ്ജു ഞങ്ങളെ സംശയത്തോടെ നോക്കി..

അപ്പോഴേക്കും പുറകിൽ നിക്കുന്ന ഞങ്ങളെ അറിയാവുന്ന പിള്ളേരും ആ വാദം പിന്താങ്ങി.

"അതെ മിസ്സ്‌ .ഇവരുടെ സ്കിറ്റും മിമിക്രിയുമൊക്കെ ലാസ്‌റ് ഇയർ നല്ല ഓളം ആയിരുന്നു "

ഞങ്ങളുടെ പുറകിൽ നിക്കുന്ന ഒരുത്തനും കൂടി മഞ്ജുവിനോടായി പറഞ്ഞു .

"ആഹാ..."

അവൾ അത്ഭുതത്തോടെ ഞങ്ങളെ നോക്കി..

"മ്മ്...എന്ന പറ...എന്താ പരിപാടി "

പിന്നെ ഒഴുക്കൻ മട്ടിൽ ഞങ്ങളെ നോക്കി.

"ഇവന്റെ മിമിക്രി ..പിന്നെ ഞങ്ങളുടെ ക്‌ളാസ്സിന്റെ സ്കിറ്റും ഉണ്ടാകും ..അലമ്പ് പരിപാടികളുടെ ലിസ്റ്റ് വേറെ ഉണ്ട് .."

ശ്യാം ചിരിയോടെ പറഞ്ഞു..

"മ്മ്...."

മഞ്ജു എന്നെ സംശയത്തോടെ ഒന്ന് നോക്കികൊണ്ട് എല്ലാം നോട്ട് ചെയ്തു .

"അതെ..സ്കിറ്റൊക്കെ സ്ക്രീനിംഗ് കഴിഞ്ഞേ വിടത്തുള്ളു ..നിങ്ങള് വല്ല അലമ്പും കാണിച്ച ശരിയാകില്ല "

മഞ്ജു ഗൗരവത്തിൽ പറഞ്ഞു..

ശ്യാം എന്നെ തിരിഞ്ഞൊന്നു നോക്കി. സ്കിറ്റ് എഴുതിയുണ്ടാക്കുന്ന ആള് ഞാൻ ആണ് .

"അത് സാരമില്ല..സ്റ്റേജിൽ മാറ്റി പിടിക്കാം..."

ഞാൻ അവന്റെ ചെവിയിൽ പതിയെ പറഞ്ഞു..

അവൻ ചിരിച്ചുകൊണ്ട് തലയാട്ടി..

"ഓക്കേ മിസ്.."

ശ്യാം സമ്മതിച്ചു.

സാറുമാരെ കഥാപാത്രങ്ങളാക്കി , അവരുടെ നടത്തം , സംസാര ശൈലി ഒകെ ചേർത്താണ് ഞങ്ങൾ സ്കിറ്റ് ഉണ്ടാക്കിയത്.പക്ഷെ സ്‌ക്രീനിങ്ങിനു അവരുടെ മുൻപിൽ വേറെ ഐറ്റം ആണ് ചെയ്തു കാണിച്ചത്...തട്ടിൽ കയറിയപ്പോ വേറെ ഐറ്റം ആയിപോയി !

അത്