Chapter Title : രതിശലഭങ്ങൾ പറയാതിരുന്നത് 9 [Sagar Kottappuram]

അവൾ ദേഷ്യപെട്ടുകൊണ്ട് തിരക്കി..

"ഹാഹ്..ഇതെന്തിനാ എന്റെ അടുത്ത് ചാടി കടിക്കുന്നെ "

ഞാൻ അമ്പരന്നുകൊണ്ട് ചോദിച്ചു..

"പിന്നെ ഞാൻ ആരോടാ പറയാ...എനിക്ക് ദേഷ്യം വന്നിട്ട് വയ്യ..."

അവൾ സ്റ്റിയറിങ്ങിൽ മുഷ്ടി ചുരുട്ടി ഇടിച്ചു കൊണ്ട് പറഞ്ഞു . ദൈവമേ ഇവളുടെ ഭ്രാന്തിനു വണ്ടി എവിടെയെങ്കിലും ചെന്നിടിക്കുമോ എന്നെനിക് ഭയം തോന്നാതിരുന്നില്ല..

"അതെ...അതിനിങ്ങനെ ചാടി കളിച്ചിട്ട് കാര്യം ഇല്ല..വേറെന്തെലും വഴി നോക്ക്..അച്ഛനോട് ഒന്ന് സോപ്പിടാൻ പറ..."

ഞാൻ പതിയെ പറഞ്ഞു .

"മ്മ്...അതൊക്കെ ഞാൻ പറഞ്ഞിട്ടുണ്ട്..എന്നാലും അമ്മ ഇന്ന് കുറെ പറഞ്ഞു "

അവൾ വിഷമത്തോടെ പറഞ്ഞു .

"ഹാഹ്..കള മഞ്ജുസേ..ഇത്രേ അല്ലെ ഉള്ളു ..എന്റെ കാര്യം നോക്കിക്കോ..വീട്ടിൽ അറിഞ്ഞ ചിലപ്പോ ചവിട്ടി പുറത്താക്കും ..എന്റെ അച്ഛനെ അറിയാഞ്ഞിട്ടാ "

ഞാൻ ചിരിയോടെ പറഞ്ഞു .

"ആണോ ?"

അവൾ അത്ഭുതത്തോടെ എന്നെ നോക്കി..

"പിന്നല്ലാതെ..അതല്ലേ ഞാൻ ആദ്യമേ പറഞ്ഞെ..നമുക്ക് ഒളിച്ചോടാന്ന്"

ഞാൻ ഗിയർ ലിവറിനു മീതെ ഇരുന്ന അവളുടെ കൈത്തലത്തിൽ കൈ അമർത്തികൊണ്ട് പറഞ്ഞു .

"പോടാ അവിടന്ന് ..അതൊക്കെ നടക്കണ കാര്യം ആണോ.."

അവൾ വിഷമത്തോടെ പറഞ്ഞു .

"അല്ലെങ്കി പിന്നെ എല്ലാരും കൂടി ഇതൊക്കെ നടത്തി തരും എന്നാണോ ഇയാളുടെ വിചാരം "

ഞാൻ അവളെ ചോദ്യ ഭാവത്തിൽ നോക്കി .

"ശോ..നീ ഓരോന്ന് പറഞ്ഞു എന്നെ കൂടുതൽ ടെൻഷൻ ആക്കല്ലേ "

മഞ്ജു പെട്ടെന്ന് ചിരിച്ചുകൊണ്ട് പറഞ്ഞു .

"അത് പോട്ടെ അമ്മ എന്താ പറഞ്ഞെ ?"

ഞാൻ സംശയത്തോടെ അവളെ നോക്കി .

"എന്തൊക്കെയെയോ പറഞ്ഞു..നിനക്കു നാണം ഉണ്ടോടി പെണ്ണെ , ഇത്തിരി ഇല്ലാത്ത ഒരുത്തനെ "

മഞ്ജുസ് പറഞ്ഞു നിർത്തി എന്നെ ഒന്ന് ഒളി കണ്ണിട്ട് നോക്കി .

അതെനിക്കു നാണക്കേടാണ്..മഞ്ജുസിന്റെ അമ്മ ആയാലും എന്നെ കുറിച്ച് ഒരുമാതിരി കൊണച്ച വർത്താനം !

"ഏഹ്..അങ്ങനെ പറഞ്ഞാ ?"

ഞാൻ വിശ്വാസം വരാതെ അവളെ നോക്കി .

"മ്മ്..."

അവൾ ചിരിച്ചുകൊണ്ട് തലയാട്ടി..

"ശ്ശെ ..."

ഞാൻ ജാള്യതയോടെ ചിരിച്ചു .

"പിന്നെ എന്തൊക്കെയോ പറഞ്ഞു ..എനിക്ക് ദേഷ്യവും കരച്ചിലും ഒക്കെ വന്നൊണ്ട്