Chapter Title : റോക്കി [സാത്യകി]

ഇഷാനിക്ക് മനസിലായി. അർജുൻ ചേട്ടൻ ഈ പ്രശ്നം ശരിക്കും സോൾവ് ആക്കിയോ..? ലക്ഷ്മിയെ കൊണ്ട് ഈ കാര്യം കൺവീൻസ് ആക്കിയോ..? അപ്പോളും ഒരു നൂറ് ചോദ്യങ്ങൾ ഇഷാനിയുടെ ഉള്ളിൽ ബാക്കി ഉണ്ടായിരുന്നു. എന്തായാലും അർജുൻ പറഞ്ഞത് പോലെ കോളേജിൽ പോകാൻ തന്നെ ഇഷാനി തീരുമാനിച്ചു

എന്നാൽ കോളേജിൽ ചെന്നു കഴിഞ്ഞപ്പോളാണ് ഇഷാനി ചതി മനസിലാക്കിയത്. അർജുൻ ചേട്ടൻ വന്നിട്ടില്ല. വിളിച്ചിട്ട് ഒട്ട് ഫോൺ അറ്റൻഡ് ചെയ്യുന്നുമില്ല. ആദ്യമൊക്കെ സങ്കടവും പേടിയും ആയിരുന്നു ഇഷാനിക്ക്. ഒടുവിൽ അത് ദേഷ്യം ആയി. അന്ന് സ്ട്രൈക്ക് ന് തന്നെ ഒരുപാട് വട്ടം വിളിച്ചിട്ടും ഫോൺ എടുക്കാഞ്ഞതിന്റെ പ്രതികാരം ആണോ ഇത്. എന്ത് തന്നെ ആയാലും ഈ വഞ്ചന ഇഷാനിക്ക് സഹിക്കാവുന്നതിലും അപ്പുറം ആയിരുന്നു. സഹായിച്ചില്ലെങ്കിലും പ്രശ്നം ഇല്ലായിരുന്നു. സഹായിക്കാം എന്ന് പറഞ്ഞു നിർബന്ധിച്ചു ആശ തന്നിട്ട് ഒടുവിൽ ഒന്നും ഇല്ലെന്നാണോ..? ഒരു പീരീഡ് കഴിഞ്ഞു രണ്ട് കഴിഞ്ഞു ഒടുവിൽ ലഞ്ച് ബ്രേക്ക് ആയിട്ടും അർജുനുമില്ല.. കോളിന് ഉത്തരവുമില്ല..

ഇഷാനി പിന്നെ ഒറ്റ വഴിയേ കണ്ടുള്ളു. ലക്ഷ്മിയുടെ കണ്ണ് വെട്ടിച്ചു പുറത്ത് കടക്കുക.. താൻ വന്നത് അവൾ കണ്ടാലാണ് പ്രശ്നം.. ഞാൻ ക്ലാസ്സിൽ ഉണ്ടായിരുന്നു എന്ന് കൃഷ്ണ പറഞ്ഞു കൊടുക്കുമോ..? ആ പേടി ഇഷാനിയുടെ ഉള്ളിൽ നല്ലത് പോലെ ഉണ്ടായിരുന്നു. അതിനെ ദൈവത്തിന്റെ കയ്യിൽ വിട്ട് കൊടുത്തു ഇഷാനി ഗ്രൗണ്ട് നടുത്തുള്ള വഴി പുറത്തേക്ക് പോകാൻ തുടങ്ങി. ലക്ഷ്മി ഒക്കെ ഈ സമയം കാന്റീൻ ഭാഗത്തു ആയിരിക്കും. ഹൂഡി തലവഴി കയറ്റി മുഖം ആർക്കും കൊടുക്കാതെ ഇഷാനി തലകുനിച്ചു ധൃതിയിൽ നടന്നു.

'ഡീ...!

ഇഷാനിയുടെ സകലനാടീബന്ധങ്ങളും തകരുന്ന കണക്കിന് ഒരു വിളി പിന്നിൽ നിന്നും വന്നു. ലക്ഷ്മി..!! അവൾ തന്നെ കണ്ടിരിക്കുന്നു... ഇഷാനി തിരിഞ്ഞു നോക്കാൻ തന്നെ ഭയപ്പെട്ടു

'ഞാൻ ഇത്രയൊക്കെ പറഞ്ഞിട്ടും നിനക്കൊരു കൂസലും ഇല്ല അല്ലെ..? വരരുത് എന്ന് പറഞ്ഞപ്പോ ദേ പിന്നെയും തള്ളി കേറി വരുന്നു..'

ലക്ഷ്മിക്ക് സത്യത്തിൽ അത്ഭുതം ആയിരുന്നു. ഇന്നലത്തെ പേടിപ്പിക്കലിൽ ഇവൾ എന്തായാലും വീഴും എന്നാണ് ലക്ഷ്മി കരുതിയിരുന്നത്.

'ചേച്ചി ഞാൻ... ഞാൻ മനഃപൂർവം അല്ല.. റ്റി സി വാങ്ങാൻ... '

പെട്ടന്ന് എന്തോ കള്ളത്തരം മനസിൽ തോന്നിയത് വളരെ മോശമായി ഇഷാനി അവതരിപ്പിച്ചു

'നിന്നോട് ഞാൻ എന്താണ് പറഞ്ഞത്. നാളെ തൊട്ട് ഇങ്ങോട്ട് വരരുത് എന്ന്. അപ്പൊ എന്തെങ്കിലും കാര്യത്തിന് വരണം എന്നുണ്ടേൽ നീ എന്നോട് പറയണമല്ലോ... ആണോ..?

'അതേ ചേച്ചി.... ഞാൻ... സോറി..'

ഇഷാനി വാക്കുകൾ നാവിൽ വരാതെ നിന്ന നിൽപ്പിൽ ഉരുകുകയായിരുന്നു.

'അതൊ നിന്റെ മറ്റവന്റെ ബലത്തിൽ വന്നതാണോ.. അവൻ പറഞ്ഞോ നാളെ വന്നാൽ ലക്ഷ്മി ഒരു ചുക്കും ചെയ്യില്ലെന്ന്.. പറഞ്ഞോടി നിന്റെ റോക്കി... എടീ പറഞ്ഞോന്നു...?