Chapter Title : റോക്കി 2 [സാത്യകി]

'ഓ സോറി.. പഴയ ഓർമയിൽ വിളിച്ചതാ..'

'അതേ.. നീ കോളേജിൽ വച്ചു എപ്പോളും ഇങ്ങനെ ചാടി കയറി എന്റെയടുത്തു വരരുത്.. കൃഷ്ണ അറിഞ്ഞാൽ പിന്നെ നിനക്ക് തന്നെ ആണ് പണി..

'അതെനിക്ക് നല്ലത് പോലെ അറിയാം. ഇന്നവൾ ലീവ് ആണ്.. അതോണ്ടല്ലേ ഞാൻ ധൈര്യത്തിൽ ഇങ്ങനെ വന്നു ഇരുന്നത്..'

'എന്നാലും വേറെ ആരെങ്കിലും കണ്ടാലും അവൾ അറിയുമല്ലോ..'

ഞാൻ പറഞ്ഞു

'അതിനിപ്പോ ഇവിടെ ആരാ ഉള്ളത്.. നമ്മൾ ഇവിടെ ഇരിക്കുന്നത് ആർക്കും അറിയില്ല..'

ലക്ഷ്മി ചുറ്റും നോക്കിക്കോണ്ട് പറഞ്ഞു.. അത് ശരിയാണ് ഇവിടെ ഒന്നും ഇപ്പോൾ ഒറ്റ പിള്ളേർ പോലുമില്ല.. ലക്ഷ്മി വീണ്ടും എന്റെ അടുത്തേക്ക് നീങ്ങി ഇരുന്നു എന്റെ തോളിൽ തല വച്ചു എന്റെ കണ്ണിലേക്കു നോക്കി. അവളുടെ കണ്ണുകളിലേക്ക് നോക്കിയ ഞാൻ അതിനും പിന്നിലായ് കെട്ടിടങ്ങൾക്ക് ഇടയിലൂടെ ഇഷാനി നടന്നു വരുന്നത് കണ്ടു. നല്ല ബെസ്റ്റ് ടൈമിംഗ് ആണല്ലോ.. ഞങ്ങൾ ഒരുമിച്ച് ഇരിക്കുന്നത് കണ്ടു ഇഷാനി പെട്ടന്ന് ഷോക്ക് ആയി. ഞാൻ ലക്ഷ്മിയുടെ അടുത്ത് ഇഷാനി വരുന്ന കാര്യം പറയാൻ വായ തുറക്കുന്നതിന് മുമ്പ് ലക്ഷ്മി ചാടിക്കയറി എന്റെ ചുണ്ടിൽ ഒരുമ്മ വച്ചു.. ഇഷാനി ഒറ്റ സെക്കൻഡിൽ അവിടെ സ്റ്റോപ്പ്‌ ആയി.. വിശ്വാസം വരാത്ത രീതിയിൽ എന്നെ ഒന്ന് കൂടി നോക്കിയിട്ട് അവൾ വന്ന വഴിയേ തിരിച്ചു പോയി..

ഇനിയിപ്പോ അവളുടെ അടുത്ത് ഒന്നും പറഞ്ഞു ബുദ്ധിമുട്ടണ്ട.. എല്ലാം അവൾ അറിഞ്ഞിട്ടുണ്ട്.. എന്നാലും ഇങ്ങനെ അറിഞ്ഞത് കുറച്ചു മോശമായി.. ലക്ഷ്മി പിന്നെയും അവിടെ ഇരുന്ന് ഓരോ കുരുത്തക്കേടുകൾ കാണിക്കാൻ തുടങ്ങി. ഒടുവിൽ എന്തോ കള്ളത്തരം പറഞ്ഞു അവളെ അവിടെ നിന്ന് ഒഴിവാക്കി ഞാൻ ഇഷാനിയെ തപ്പി ഇറങ്ങി. റീഡിങ് റൂമിൽ ഡെസ്കിൽ കൈ വച്ചു തല കുനിച്ചു കിടക്കുന്ന ഇഷാനിയെ ഒടുവിൽ ഞാൻ കണ്ടുപിടിച്ചു. എന്നെ കണ്ടു അവൾ ഒരു വെപ്രാളത്തിൽ എഴുന്നേറ്റു.. പിന്നെ എന്തോ ഓർമയിൽ അവിടെ തന്നെ ഇരുന്നു. അവളുടെ കണ്ണ് വല്ലാതെ കലങ്ങിയിരിക്കുന്നു. അവൾ ഇപ്പോൾ കരഞ്ഞിരുന്നോ..? എന്നെ ലക്ഷ്മി ഉമ്മ വച്ചത് കണ്ടു അവൾ കരഞ്ഞു കാണുമോ..? എന്റെ മനസ് വീണ്ടും പഴയത് പോലെ ആവശ്യമില്ലാത്ത ഓരോന്ന് ചിന്തിച്ചു കൂട്ടുകയാണ്. അവൾക്ക് അങ്ങനെ ഒന്നുമില്ല.. ഉറങ്ങി എണീറ്റത് കൊണ്ട് കണ്ണ് കലങ്ങിയതാണ്..

'സോറി... നീ വരുന്നത് അവൾ കണ്ടില്ലായിരുന്നു..'

ഞാൻ നേരിട്ട് കാര്യത്തിലേക്ക് തന്നെ വന്നു..

'ഇതെന്ന് തുടങ്ങി.. ഞാൻ അറിഞ്ഞില്ലല്ലോ..?

'ഇന്നലെ.... ഞാൻ അതാണ് നിന്നോട് ഒരു കാര്യം പറയാൻ ഉണ്ടെന്ന് പറഞ്ഞത്..'

'അവളെയോ..?

ഇഷാനി ഒരു താല്പര്യമില്ലാത്തത് പോലെ ചോദിച്ചു.. അവൾക്ക് താല്പര്യം കാണില്ലല്ലോ.. അവളോട് അമ്മാതിരി പണികൾ ലക്ഷ്മി കാണിച്ചിട്ടുണ്ട്..

'ആ അവളെ തന്നെ..'

'വേറെ ആരെയും കിട്ടിയില്ല ഈ കോളേജിൽ