Chapter Title : റോക്കി 5 [സാത്യകി]

എനിക്ക് ഒരു വികാരവും ഉണർന്നില്ല. അതിന് കാരണം ഇഷാനി ആയിരുന്നു. ഇഷാനി അടുത്തുണ്ടെങ്കിൽ എനിക്ക് വേറാരും വേണ്ടായിരുന്നു..

അവളെപ്പറ്റി ഓർത്തപ്പോൾ തന്നെ അവൾ ടെറസിലേക്ക് കയറി വരുന്നത് ഞാൻ കണ്ടു. നിലത്ത് ഇട്ടിരുന്ന ബെഡിൽ ഞാൻ മെല്ലെ ഇരുന്നു. കുറച്ചു മുമ്പേ ആയിരുന്നു ഇവൾ വന്നിരുന്നത് എങ്കിൽ കൃഷ്ണ വിളിച്ചത് ഒരുപക്ഷെ മനസിലായേനെ. എന്തോ ഭാഗ്യം ഉണ്ട് എനിക്ക്. ഇഷാനി എന്റെ അടുത്ത് വന്നു എന്നെ സൂക്ഷിച്ചു നോക്കി

'വാതിൽ പൂട്ടാതെ മലന്നടിച്ചു എന്തൊരു ഉറക്കം ആയിരുന്നു നീ..?
ഞാൻ ആദ്യമേ കേറി അടിച്ചു

'ഞാൻ പാട്ട് കേട്ട് അറിയാതെ ഉറങ്ങി പോയതാ. ഉറങ്ങാൻ വേണ്ടി കിടന്നതല്ല..'

'ആരേലും പൊക്കിക്കൊണ്ട് പോയാൽ പോലും അറിയില്ലല്ലോ പക്ഷെ..'

എന്റെ കളിയാക്കലിന് മറുപടി തരാതെ ചുരുട്ടി പിടിച്ചിരുന്ന കൈ എനിക്ക് നേരെ നിവർത്തി അതിൽ ഉണ്ടായിരുന്ന കൊലുസ് അവൾ എനിക്ക് നേരെ കാണിച്ചു കൊണ്ട് ചോദിച്ചു

'എന്താ ഇത്..?

'ഇത് കൊലുസ് അല്ലേ..? സ്വർണം ആണോ..?
ഞാൻ പൊട്ടൻ കളിച്ചു ചോദിച്ചു

'ഇതെന്തിനാ എന്റെ കാലിൽ കൊണ്ട് ഇട്ടത്..?

'ആര് കൊണ്ടിട്ടു.. ഞാൻ ഒന്നുമല്ല. നീ ഉറങ്ങി കിടന്നപ്പോൾ ഇനി വേറെ വല്ലവരും വന്നു ഇട്ടിട്ട് പോയത് ആകും..'

'തമാശിക്കണ്ട ഒരുപാട്.. ഇതെന്തിനാ എന്റെ കാലിൽ കൊണ്ട് ഇട്ടെ..?
അവൾ ഗൗരവത്തോടെ ചോദിച്ചു

'ചുമ്മാ ഒരു ഭംഗിക്ക് വാങ്ങിച്ചതാ.. നിന്റെ കാലിൽ കിടക്കുമ്പോ നല്ല ഭംഗി ആയിരിക്കും എന്ന് തോന്നി..'

'ആ തോന്നൽ വേണ്ട.. എനിക്ക് ഇതൊന്നും ഇഷ്ടം അല്ല..'

'ഇട്ടു നോക്ക്. അപ്പോൾ അറിയാം..'
ഞാൻ നിർബന്ധിച്ചു

'വേണ്ട.