Chapter Title : രുദ്രപ്രതാപം 19 [JHON CLINTON]

ചോദിച്ചു...

" പേടിക്കാൻ ഒന്നുമില്ല എന്നാണ് ഡോക്ടർ പറഞ്ഞത്. കയ്യിനും കാലിനും ചെറിയ ചതവുകൾ ഉണ്ട്. പിന്നെ മുറിവുകളും. റസ്റ്റ് എടുത്തോണ്ടിരിക്കുവാ...“

”മ്മ്...“

അയാൾ ഒന്നു മൂളുക മാത്രമാണ് ചെയ്തത്...

അങ്ങനെയിരിക്കുമ്പോൾ ആണ് പോലീസ് വേഷത്തിൽ ഒരാൾ അങ്ങോട്ട് നടന്നു വന്നത്...

രാജീവിന്റെ അടുത്തേക്കായിരുന്നു.. താഴ്ന്ന സ്വരത്തിൽ അവൻ അയാളെ വിളിച്ചു..

” അളിയാ...“

” ആ അരുണെ നീ വന്നോ..."

നല്ല ഉയരം ഉള്ള, ഉറച്ച ശരീരഘടന. വീതിയേറിയ തോളുകളും കരുത്തുറ്റ കൈകളും. യൂണിഫോമിനുള്ളിലും അവന്റെ ശരീരത്തിലെ മസിലുകൾ വലിഞ്ഞു മുറുകി നിന്നു.

ഗൗരവം നിറഞ്ഞ മുഖം. കട്ടിയുള്ള പുരികങ്ങൾക്കു താഴെ മൂർച്ച കൂടിയ കറുത്ത കണ്ണുകൾ. കറുത്ത മുടിനാരുകൾ മുകളിലേക്ക് ഒതുക്കി വച്ചിട്ടുണ്ട്. കവിളുകളും താടിയും വൃത്തിയായി ഷേവ് ചെയ്തിട്ടുണ്ട്.പിന്നെ മുഖത്ത് മിന്നി നിൽക്കുന്ന കറുത്ത കട്ടിയുള്ള മീശയും. മീശയുടെ ഇരുവശങ്ങളും ചുണ്ടിന്റെ ചേർത്ത് ചെറുതായി ഷേപ്പ് ചെയ്തു വച്ചിട്ടുണ്ട്.

“അവന് എങ്ങനെയുണ്ട്...?” അരുൺ ചോദിച്ചു...

“ഒന്നും പറഞ്ഞിട്ടില്ലടാ കുറച്ചുനേരം ആയി..ഡോക്ടർ അകത്തു കയറിയിട്ട്...”

“മ്മ്....”

“നീയാ പിള്ളേരുടെ കാര്യം അന്വേഷിച്ചോ...?”

“ഞാൻ അവിടുന്ന് തന്നെയാണ് വരുന്നത്... അവന്മാരുടെ അവസ്ഥ ഇച്ചിരി ക്രിട്ടിക്കൽ ആണ്.. ഒരെണ്ണത്തിനും ഇതുവരെ ബോധം വന്നിട്ടില്ല... എല്ലാത്തിന്റെയും കയ്യും കാലും ഒക്കെ ഒടിഞ്ഞിട്ടുണ്ട്...”

“ഈശ്വരാ....”

“പിന്നെ അഭിയുടെ ഒരു വീഡിയോ ഇൻറർനെറ്റിൽ വന്നിട്ടുണ്ട്.അതിൽ അവൻ തന്നെയാണ ഇതൊക്കെ ചെയ്തതെന്ന് കൃത്യമായി മനസ്സിലാവുന്നുണ്ട്.അതുകൊണ്ട് അവന് നേരെ കേസ് വരാം...”

പുറകിൽ ഏതെല്ലാം കേട്ടുകൊണ്ടിരുന്ന സുനിത ഒന്നുകൂടി ഉറക്കെ വിതുമ്പാൻ തുടങ്ങി...

“ചേച്ചി ഒന്നു ഇങ്ങനെ കരയാതിരിക്ക്... ഞങ്ങളൊക്കെ ഇവിടെയില്ലേ അവനൊന്നും വരില്ല...”