Chapter Title : രുദ്രപ്രതാപം 5 [Jhon Clinton]

മറുപടി എന്നോണം പറഞ്ഞു.

"നിങ്ങൾ എന്താ ഈ പറയുന്നത് എന്ന് വല്ല ബോധവും ഉണ്ടോ?"എൻ്റെ ശബ്ദം അത്യാവശ്യം ഉച്ചത്തിൽ ആയിരുന്നു.പെട്ടെന്ന് തന്നെ എൻ്റെ ഷോൾഡറിൽ ഒരു കൈ വന്നു.ഞാൻ ആരാണെന്ന് നോക്കിയപ്പോൾ അച്ഛനാണ്.വേണ്ട എന്ന മുഖത്തോടെ എന്നെ നോക്കി.

ഞാൻ ചുറ്റും ഒന്നു നോക്കി എല്ലാവരുടെ മുഖത്തും ഒരമ്പരപ്പും,സംഭവിക്കാൻ പാടില്ലാത്ത എന്തൊ സംഭവിച്ച മട്ടായിരുന്നു.

"നിങ്ങൾക്ക് ഒക്കെ ഇതെന്താ പ്രാന്തായോ"

"അഭി നീ ഒന്ന് മിണ്ടല്ലേ"അമ്മ യാണ് അത് പറഞ്ഞത്

"പിന്നെ മിണ്ടാതെ ഇതൊക്കെ അങ്ങ് സമ്മതിച്ചു കൊടുക്കണോ?"

"ആ കുട്ടിയുടെ ജാതകത്തിലും ഇതേ ദോഷം ഉണ്ടായിരുന്നു "ശങ്കരൻ നമ്പൂതിരി പറഞ്ഞു തുടങ്ങി.

"നിങ്ങളുടെ ജീവൻ രക്ഷിക്കാൻ ഞങ്ങളുടെ മുന്നിൽ മറ്റു മാർഗം ഒന്നും ഇല്ലായിരുന്നു. ഓരോ ദിവസങ്ങൾ കഴിയുമ്പോഴും നിങ്ങളുടെ അവസ്ഥ മോശപ്പെട്ട് വരുകയായിരുന്നു. അവസാനം നിങ്ങളുടെ മാതാ പിതാക്കൾ ആ തീരുമാനം എടുത്തു"

"എല്ലാം മുന്നിൽ നിന്ന് നയിച്ചിരുന്നത് മേപ്പടൻ ആയിരുന്നു. അന്ന് അദ്ദേഹം പൂജ കൾ എല്ലാം കഴിഞ്ഞതിനു ശേഷം ഒരു കാര്യം കൂടി പറഞ്ഞിരുന്നു കാലങ്ങൾക്ക് ശേഷം ഇവന്റെ ശക്തി താങ്ങാനുള്ള ശേഷി അവന്റെ ശരീരത്തിന് തിരികെ ലഭിക്കും. അത് വരെ അവനു നേരെ ഒരു ആപത്തും വരില്ല പക്ഷെ അതിനു ശേഷം എന്ത് സംഭവിക്കും എന്ന്‌ ഒന്നും പറയാൻ ആവില്ല എന്ന്‌"

"കോപ്പ് ഏതോ സിനിമ കഥ കൊടുന്നു വിളമ്പുവ"ഞാൻ ദേഷ്യം കൊണ്ട് പറഞ്ഞു.

"അഭി...."പുറകിൽ നിന്നും നല്ല ശബ്ദത്തിൽ തന്നെ അമ്മയുടെ വിളി വന്നു.

ഞാൻ തിരിഞ്ഞ് നോക്കിയപ്പോൾ കണ്ണുകൾ കലങ്ങി എന്നെ നോക്കി നിൽക്കുവാണ്. അതു കൂടി കണ്ടപ്പോ എല്ലാം കൂടി വല്ലാത്തൊരു സങ്കടവും,മടുപ്പും ദേഷ്യവും ഒക്കെ തോന്നി.പിന്നെ എനിക്കവിടെ ഇരിക്കാൻ തോന്നിയില്ല.ഞാൻ അവിടെ നിന്നും എഴുന്നേറ്റു പുറത്തേക്ക് പോയി.

അവിടെ ഉണ്ടായിരുന്ന ഒരു ചെയറിൽ പോയി ഇരുന്നു.മനസ്സ് മുഴുവൻ ഒരു മരവിച്ച അവസ്ഥായിൽ ആയിരുന്നു. എന്തൊക്കെ ആണ് ഇവിടെ നടക്കുന്നത്.

രണ്ടു ഭാര്യമാരോ?.എത്ര ആലോചിച്ചിട്ടും ഒരു എത്തും പിടിയും കിട്ടുന്നില്ല.ദിവ്യ തന്റെ ഭാര്യ ആണെന്നറിഞ്ഞപ്പോൾ ഉണ്ടായ ആ സന്തോഷം പോലും മര്യാദക്ക് ഒന്ന് ആസ്വദിക്കാൻ പറ്റിയില്ല അപ്പോഴേക്കും