Chapter Title : സാംസൻ 5 [Eros - God of Lust]

ശബ്ദത്തിലേ വിഷമം കേട്ടതും അവളുടെ മുഖത്ത് ആശങ്ക പടരുന്നത് കണ്ടു. ഉടനെ എന്റെ അടുത്തവൾ കിടന്നതും ഞാൻ പതിയെ ഉരുണ്ടിഴഞ്ഞ് അവളുടെ മുകളില്‍ കേറി അവളുടെ വയറ്റിൽ എന്റെ മുഖവും അമർത്തി അവളെ കെട്ടിപിടിച്ചു കൊണ്ട്‌ ഒരു കുഞ്ഞിനെ പോലെ  കിടന്നു.

ഉടനെ വാത്സല്യപൂർവം എന്റെ തലയും മുടിയും എല്ലാം വിരലുകള്‍ കൊണ്ട് അവള്‍ കോതി.

എന്റെ മനസ്സിന്‌ നല്ല ആശ്വാസവും സുഖവും ലഭിച്ചു കൊണ്ടിരുന്നു. കുറെ കഴിഞ്ഞ് അവളുടെ വയറിൽ ഉമ്മ കൊടുത്തിട്ട് എന്റെ കവിളിനെ വയറിൽ അമർത്തി വെച്ചു. അവള്‍ക്ക് പിന്നെയും സ്നേഹം വര്‍ദ്ധിച്ചത് പോലെ എന്റെ മുടിയില്‍ അമർത്തി തടവി.

കുറച്ച് കഴിഞ്ഞ് അവൾ എന്റെ ചുമലില്‍ പിടിച്ച് എന്നെ മുകളിലേക്ക് വലിച്ചു. ഞാനും മുകളിലേക്ക് ഇഴഞ്ഞു അവളുടെ കഴുത്തില്‍ എന്റെ മുഖത്തെ പൂഴ്ത്തിയ ശേഷം അവളെ കെട്ടിപിടിച്ചു കൊണ്ട്‌ കിടന്നു.

ഉടനെ അവളും സ്വന്തം കുഞ്ഞിനെ പോലെ സ്നേഹത്തോടെ എന്നെ ചേർത്തു പിടിച്ചു.

“എന്തുപറ്റി എന്റെ വാവകുട്ടിക്ക്...?” അത്യധികം വാത്സല്യത്തോടെ അവള്‍ ചോദിച്ചു. എന്റെ മുടിയിഴകളിലൂടെ അവളുടെ വിരലുകളും പതിയെ സഞ്ചരിച്ചു.

എന്നോട് അതിരറ്റ സ്നേഹം തോന്നാറുള്ള സാഹചര്യങ്ങളിൽ ചിലപ്പോഴൊക്കെ വിനില എന്നെ “വാവക്കുട്ടി” എന്ന് വിളിക്കുമായിരുന്നു. പക്ഷേ അപ്പോഴൊക്കെ എന്റെ അനിഷ്ടം ഞാൻ പ്രകടിപ്പിച്ചിരുന്നു.

എന്നാൽ അവളിപ്പോ അങ്ങനെ വിളിച്ചപ്പോ എനിക്ക് വല്ലാത്ത ഇഷ്ടം തോന്നി.

“പറയടാ..., എന്താ സംഭവിച്ചത്..?” അവള്‍ പിന്നെയും ചോദിച്ചു.

അതോടെ, ഞാനും ജൂലിയും വഴക്ക് കൂടിയതിനെ ഒഴിവാക്കി കൊണ്ട്‌, കുറച്ച് മുന്‍പ് ജൂലിയുമായി നടന്ന കാര്യങ്ങളെ ഞാൻ വിശദീകരിച്ചു. എല്ലാം കേട്ട ശേഷം വിനില