Chapter Title : സാഫല്യം [FF]

മമ്മിക്കെന്ത് പറ്റി? സോനു മടിയിൽ കയറി കവിളത്ത് പിടിച്ച് ഞെക്കാൻ തുടങ്ങി. എന്താടി മോളേ നിനക്ക് ? പെട്ടന്ന് വീണ്ടും മൊബൈൽ ബെല്ലടിക്കാൻ തുടങ്ങി. രണ്ടും കൽപിച്ച് ഫോണെടുത്തു. ഹലോ ഹലോ മിന്നൂ! എന്നെ മനസ്സിലായോ? പെട്ടന്നുള്ളിലൊരു പിടച്ചിൽ വർഷങ്ങൾക്ക് ശേഷം ആ ശബ്ദം, മഹിയേട്ടനല്ലേ? അതെ മഹിയേട്ടൻ തന്നെ, ഒരിക്കലും മറക്കാൻ പറ്റാത്ത ശബ്ദമല്ലേ? ദേഹം തളരുന്ന പോലെ തോന്നി. മിന്നു എന്താ ഒന്നും മിണ്ടാത്തത്? എന്നെ മറന്നോ? പെട്ടന്ന് മനസ്സിനെ അടക്കി നിർത്തി പറഞ്ഞു, അങ്ങിനെ മറക്കാൻ കഴിയില്ലല്ലോ? ഞാൻ ഒരാഴ്ചത്തേയ്ക്ക് നാട്ടിൽ വരുന്നുണ്ട്, വെറുതേ ഒന്ന് കണ്ടാൽ കൊള്ളാമെന്നുണ്ട്. മിനൂൻറ ഹസ്ബെൻറവിടെയാ? ഗൾഫിലാണെന്ന് കേട്ടിരുന്നു. ഊം, മഹിയേട്ടന് സുഖമാണോ? ഭാര്യ പോകുന്നു, പിന്നെ മിന്നു അറിയാതെ എനിക്കൊരു ഭാര്യയുണ്ടാകുമോ? അപ്പോൾ ഞാൻ കേട്ടതൊക്കെ? എന്ത് കേട്ടു? മഹിയേട്ടൻ അമ്മാവന്റെ മോളെ വിവാഹം കഴിച്ചുവെന്ന്. ആരു പറഞ്ഞു ഇത്? അങ്ങിനെ ഒരാലോചനയുണ്ടായിരുന്നു പക്ഷെ നടന്നില്ല.

വാപ്പ് പറഞ്ഞതാണ്. അത് തന്നെ പറ്റിക്കാൻ പറഞ്ഞതാകും. ഒരു നിമിഷം ഉള്ളിലൊരു സമാധാനം തോന്നി. ഞാൻ നിന്റെ വീട്ടിൽ വിളിച്ചപ്പോളൊക്കെ നിന്റെ നിക്കാഹ് കഴിഞ്ഞ് ഹസ്ബൻറിൻറ കൂടെ പൊറത്താണെന്നാ പറഞ്ഞിരുന്നത്. ഒരിക്കൽ ഉമ്മ പറഞ്ഞു ഇനി ഇങ്ങോട്ട് വെറുതെ വിളിക്കരുതെന്ന്. കഴിഞ്ഞ ദിവസം എന്റെ കൂടെ വർക്ക് ചെയ്യുന്ന ഫ്രൻറിൻറ വീട്ടിൽ ചെന്നപ്പോൾ അവിടെ ഒരു ഫങ്ഷൻ വീഡിയോവിൽ നിന്നെ കണ്ടു, അവിടെ നിന്നാണ് നമ്പർ തപ്പി പിടിച്ച് ഓഫീസിൽ വിളിച്ചത്, പിന്നെ ഓഫീസിൽ നിന്നും ഈ നമ്പർ കിട്ടി. നേരത്തേ ഫോണിലൂടെ മോൾടെ ശബ്ദം ഞാൻ കേട്ടു,