Chapter Title : സാഫല്യം [FF]

മിടുക്കിയാ മിന്നുവിനെ പോലെ. വന്നാൽ മഹിയേട്ടൻ നാട്ടിൽ വരുമ്പോൾ വിളിക്കൂ, ഞാൻ പറയാം. ശരി. ഫോൺ കട്ടായി. ദേഹമാകെ തളരുന്ന പോലെ തോന്നി. ആകെ ഒരു നിശ്ചലാവസ്ഥ, ആരാ മമ്മീ ആ അങ്കിളാണോ? ഊം തലയാട്ടി. വാഷ് ബെയ്സനിൽ പോയി മുഖം കഴുകി തുടച്ച് ഡ്രസ്സ് മാറുമ്പോൾ മുഖത്തൊന്ന് നോക്കി. മഹിയേട്ടൻ പുറകിൽ നിൽക്കുന്നുണ്ടോ എന്നൊരു തോന്നൽ. ബാങ്ക് വിളി കേട്ടപ്പോൾ നിസ്കരിക്കാൻ പാ വിർച്ചെങ്കിലും മനസ്സുറയ്ക്കുന്നില്ല. രാത്രി വേഗം മോൾക്ക് - ഭക്ഷണം കൊടുത്ത് ഉറക്കാൻ പിടിച്ച് കിടത്തി. അവളെ തലോടികിടന്നപ്പോൾ ഭൂതകാലത്തിലേക്ക് മനസ്സലിഞ്ഞിറങ്ങാൻ തുടങ്ങി. എടീ സൈനബാ എന്തൊരുറക്കാത്? കോളേജിൽ പോവാതെ കെടന്നൊറങ്ങാ നീയ്യ് ഉമ്മച്ചീ കുറച്ച് കൂടി ഒറങ്ങട്ടെ, കോളേജവിടെ തന്നെ കാണില്ലേ? ദേ മോൾടെ വർത്താനം കേട്ടില്ലേ ഇങ്ങള്? കെട്ടിക്കാൻ പ്രായായിട്ടും പഠിപ്പുന്ന് പറഞ്ഞ് കോളേജിൽ വിടണോണ്ടെന്താരു പ്രയോജനം? എൻ ഐസൂ, നീ വെറുതേ അവളെ മെക്കാറാക്കാതെ അപ്പുറത്ത് പോയേ, ഞാൻ നോക്കട്ടെ. എടീ മിന്നൂ ഇയ്യെൻറ കയ്യീന്ന് മേടിക്കുട്ടോ. ഇങ്ങനൊരു മടിച്ചിപ്പെണ്ണ്, എണീറ്റ് കോളേജിൽ പോകെടീ. വാപ്പയുടെ നുള്ള് ചന്തിയിൽ തട്ടിയതോടെ ചാടിയെണീറ്റു. പിന്നെ പെട്ടന്നുള്ള ഒരുക്കങ്ങളാണ്, ഒരുങ്ങി കഴിഞ്ഞ് വാപ്പേരെ മുന്നിൽ ചെന്നു ചോദിച്ചു, വാപ്പാ എന്നെ കണ്ടാൽ സുന്ദരൻമാരൊക്കെ നോക്കില്ലേ ഇപ്പോൾ പോടീ അസത്തേ, നീയെൻറ കയ്യീന്ന് രാവിലെ തന്നെ വാങ്ങിക്കും. ദേ ഈ പെണ്ണിനെ ഇങ്ങനെ ബേക്കില്ലാതെ വിട്ടാൽ കുടുമ്മത്തിന് ചീത്തപ്പേരുണ്ടാവുട്ടോ. നീ വേണ്ടാതീനം പറയാണ്ട് പോണുണ്ടോ ഐസൂ. അവൾക്കറിയാം ആരോടെങ്ങിനെ പെരുമാറണന്ന്, അവളേ ഈ സെയ്ദ് ഹാജീരെ മോളാ അല്ലേടീ? അങ്ങിനെ പറഞ്ഞ് കൊടുക്കെൻറ