Chapter Title : സഞ്ചാരപദം 2 [ദേവജിത്ത്]

നൽകി. " നീ കേറി വാ.. " തോളത്ത് നിന്നും ഇറങ്ങിയ സാരി കയറ്റിയിട്ടു കൊണ്ട് അകത്തേക്ക് ക്ഷണിച്ചു. " നീയിരി, അമ്മയെന്തു പറയുന്നു , അവൾക്ക് ഇങ്ങോട്ടൊക്കെ വന്നൂടെ , അവളുടെ പഴയ ക്‌ളാസ്മേറ്റ് ആണെന്ന വിചാരം പോലും അവൾക്കില്ല " നീലാംബരി പരിഭവത്തിന്റെ കെട്ടഴിച്ചു. " ആന്റിക്ക് അറിയാമല്ലോ, എല്ലാം .. 'അമ്മ ഒന്നു റിക്കവർ ആയി വരുന്നുള്ളൂ.. മാറ്റിയെടുക്കാൻ ശ്രമിക്കുന്നുണ്ട് " കാർത്തിക മറുപടി നൽകി .. " അല്ല അവൾ എന്തേ? " മുറിയിൽ കണ്ണോടിച്ച് കൊണ്ട് കാർത്തിക ചോദിച്ചു. മുകളിലുണ്ട്, അവൾ നീ വന്നത് അറിയില്ല എന്ന് തോന്നുന്നു.. ഞാൻ വിളിക്കാം " നീലാംബരി എണീക്കാൻ കൈ കുത്തി .. " ആന്റി ഇവിടെ ഇരിക്കൂ , ഞാൻ പോയി നോക്കാം " കാർത്തിക എണീറ്റു. " നിനക്ക് കുടിക്കാൻ എന്തേലും എടുക്കട്ടേ മോളെ " അന്തർജനം പുറകിൽ നിന്നും ചോദിച്ചു. "വേണ്ട , ഞാൻ കഴിച്ചിട്ടാണ് ഇറങ്ങിയത് .." മറുപടി നൽകി കാർത്തു മുകളിലേക്ക് കയറി. ചൈത്രയുടെ മുറിയിലേക്ക് കയറിയ കാർത്തുവിന്റെ മുഖം ഇരുണ്ടു കയറി. അങ്ങിങ്ങായി വലിച്ചു വാരി വിതറിയ ഡ്രസ്.ഒട്ടും അടുക്കും ചിട്ടയില്ലാത്ത ഒരു മുറി. ഈ പെണ്ണേന്താ ഇങ്ങനെയെന്ന് മനസ്സിൽ പറഞ്ഞു കൊണ്ട് അവൾ അകത്തേക്ക് കയറി. ബാത്റൂമിന് അകത്ത് നിന്നും വെള്ളം ബക്കറ്റിൽ വീഴുന്ന ശബ്ദം കേൾക്കാം.. അവൾ കുളിച്ചിട്ട് വരട്ടെ, എന്ന് മനസ്സിൽ പറഞ്ഞു കൊണ്ട് ബെഡിലേക്ക് കാർത്തിക ഇരുന്നു .. അവിടെ കിടന്നിരുന്ന വനിതയെടുത്ത് മറിക്കാൻ തുടങ്ങി . "