Chapter Title : സന്ധ്യക്ക് വിരിഞ്ഞപൂവ് [മന്ദന്‍ രാജ]

. ഞാനും വരാം "' ഫ്രാൻസി അവന്റെ കൂടെ പാർക്കിങ്ങിലേക്ക് നടന്നു .

"'' നാട്ടിൽ ഏന്തൊക്കെയുണ്ടെടാ വിശേഷം ? നിന്നെ ഓഫീസിൽ പലപ്പോഴും വിളിച്ചാൽ കിട്ടില്ല . വീട്ടിലെന്തായി ഫോൺ , നീ അപ്ലൈ ചെയ്തില്ലേ ?'''

"'നാട്ടിലെന്ത് വിശേഷം .രണ്ടുവർഷത്തിനിടയിൽ യാതൊരു മാറ്റവും ഇല്ല . ഫോൺ മിനിങ്ങാന്ന് കൊണ്ടുവന്ന് വെച്ചു . അന്നേരം ഒന്ന് കിട്ടിയതാ . പിന്നെ കിട്ടിയിട്ടില്ല . ഇന്നോ നാളെയോ ശെരിയാവുമെന്നാ പറഞ്ഞെ . നിനക്ക് ലീവുണ്ടോ ?'''

"' ഇരുപത് ദിവസം . ജലീലിക്ക ഉണ്ട് , വേണേൽ ഒന്നരമാസം നിൽക്കാം , പക്ഷെ അവിടെയിനി സീസണാണ് .അത്കൊണ്ട് പോണം . "''

ഡിക്കിയിലേക്ക് ലഗ്ഗേജ് എടുത്തു വെച്ചുകൊണ്ട് ഫ്രാൻസി പറഞ്ഞു .

"' കുഞ്ഞേച്ചിയുടെ കാര്യത്തിൽ എന്തേലും തീരുമാനമാക്കണം .അതിനാ ഓടിപ്പിടിച്ചു വന്നത് . അല്ലെങ്കിൽ സീസൺ കഴിഞ്ഞേ ഉണ്ടാവുമായിരുന്നുള്ളൂ . അന്നേരമാണേൽ ഒന്നുരണ്ട് മാസം നിൽക്കാമായിരുന്നു ."''

ജിത്തുവതിന് മറുപടിയൊന്നും പറഞ്ഞില്ല .

"''നീ വല്ലതും കഴിച്ചോ ?'''

""ഇല്ലടാ .. നമുക്ക് എവിടേലും കേറാം . അഞ്ചര ആറാകില്ലെ അങ്ങെത്തുമ്പോൾ . ഞാൻ രാവിലേം ഒന്നും കഴിച്ചില്ല . ഫ്ളൈറ്റിലെ ഫുഡ് അത്ര സുഖമായിരുന്നില്ല ."'' ഫ്രാൻസി പുറത്തേക്ക് ഹോട്ടൽ നോക്കി കൊണ്ട് പറഞ്ഞു

""ഞാനും കഴിച്ചില്ല ...നീ വല്ലതും കൊണ്ടുവന്നിട്ടുണ്ടോടാ ?'''

"' കുപ്പിയാണോ ? പിന്നെ ... നീ എവിടേലും നിർത്ത് . വെള്ളം വാങ്ങണം എന്തേലും ടച്ചിങ്‌സും "'' . .

""നീയടിക്കണ്ട . നീ വണ്ടിയോടിച്ചോ . ഇപ്പൊ ചെക്കിങ്ങ് കൂടുതലാ "'' ജിത്തു വണ്ടി ഒരു പെട്ടിക്കടയുടെ മുന്നിൽ നിർത്തി .

"' ചേട്ടാ സോഡാ .തണുപ്പുണ്ടോ ?''' ജിത്തു ഡ്രൈവിംഗ് സീറ്റിലിരുന്നു തന്നെ കടക്കാരനെ നോക്കി ചോദിച്ചു .

"' ഉണ്ട് മോനെ ..'' കടക്കാരൻ മൺകലത്തിൽ ഇറക്കിവെച്ചിരുന്ന സോഡ എടുത്തു .

"'കുപ്പിയുണ്ടോ ?കൊണ്ടോകാനാ '''

"'കുപ്പിയില്ല . കുറച്ചൂടെപോയാൽ ഒരു കടയുണ്ട് .അവിടെക്കാണും "' കടക്കാരൻ നിരാശയോടെ സോഡാക്കുപ്പി വെള്ളത്തിലേക്കിട്ടു .

"'ചേട്ടാ