Chapter Title : ? സര്‍വ്വം സമര്‍പ്പയാമി ? [DD]

ഹോസ്പിറ്റലിലെ സിമന്‍റ് ബെഞ്ചില്‍ ഊഴവും കാത്തിരുന്നു .മഴ വീണ്ടും തകര്‍ത്തു പെയ്യുകയാണ് . എനിക്ക് തണുപ്പ് കൂടിവരുന്നുണ്ട് ട്ടോ ... '' അമ്മൂ അച്ഛന്‍ അത് ഉറപ്പിക്കാണെന്നാ പറഞ്ഞേ '' '' എനിക്കു വേണ്ട അമ്മേ ... അച്ഛനോടൊന്നു പറ '' '' എനിക്ക് വയ്യ ചീത്ത കേള്‍ക്കാന്‍ ... അല്ലെങ്കിലും ആരെ കാത്തിരിക്ക്യാ നീയ് ... പഠിക്കാനോ കൊള്ളില്ല ... ഡിഗ്രി ഒന്നു കടന്നു കൂടാന്‍ കൊല്ലം രണ്ടായിലേ നോക്ക്ണൂ ? നടന്ന്വോ ...? ഒരു പെണ്ണ് വീട്ടില്‍ പുര നെറഞ്ഞ് നിന്നാ അച്ഛനും അമ്മക്കും സമാധാനണ്ടാവ്വോ ? '' '' അതോണ്ട് ? ആര്‍ക്കേലും പിടിച്ചു കൊടുത്ത് ബാധ്യത തീര്‍ക്ക്വാ ലേ ? നിക്കാ കോന്തനേ ലേശം പിടിച്ചിട്ടില്ല '' ''അധികപ്രസംഗം പറഞ്ഞാ കിട്ടും എന്‍റെ കയ്യീന്ന് അസത്തേ ... എന്താ അവനൊരു കുഴപ്പം ? സ്വന്തമായി ഒരു വീടുണ്ട് , തരക്കേടില്ലാതെ കച്ചവടം നടക്കുന്ന ഒരു പലചരക്ക് കടയുണ്ട് ... കുടിയില്ല വലിയില്ല ... വീട്ടില്‍ ആണെങ്കി അമ്മ മാത്രേള്ളൂ ... അച്ഛന്‍ മരിച്ചിട്ട് അഞ്ചാറു കൊല്ലായി ... ആകെയുള്ള ഒരു പെങ്ങളുടെ കല്ല്യാണവും കഴിഞ്ഞു . അവളെ ഒരു ഗള്‍ഫ് കാരനാത്രേ കെട്ടീത് ... നല്ല തറവാട്ടുകാരും... പിന്നെ ഇത്തിരി കറുത്തിട്ടാന്നല്ലേള്ളൂ ... '' '' അത് മാത്രൊന്ന്വല്ല കഷണ്ടീണ്ട് ... ന്‍റെ ഉയരം പോലുല്ല്യാന്നാ തോന്നണേ ... വയസെത്രാന്നാ പറഞ്ഞേ ? അയാള് അച്ഛന്‍റെ കൂടെങ്ങാനും പഠിച്ചതാണോ ചോയ്‌ക്ക് അമ്മ... തടീല്ല്യ ... മുടീല്ല്യ ... അയാടെയൊരു നോട്ടം കാണണം ... ഗ്രഹണി പിടിച്ച പോലെ .. കോന്തന്‍ കോന്തന്‍ ...'' '' ന്‍റെ കയ്യീന്ന് വാങ്ങും നീയ് ട്ടോ അമ്മൂ ... വയസ് പത്തൊമ്പതായീന്നൊന്നും നോക്കില്ല്യ ഞാന്‍ ... നല്ലോണം കുടുംബം നോക്കണ ചെക്കനാ ... നെന്നെക്കാളും പതിനൊന്നു വയസിന്‍റെ മൂപ്പല്ലേള്ളൂ ... അവനെകണ്ടാ അത്രയൊന്നും തോന്നില്ല്യ ... നെന്നെ കണ്ടാലെത്ര പറയുംന്നാ നെന്‍റെ വിചാരം ... ഇന്നാള് ആത്തോല് ചോയ്ക്കാ മോള്‍ക്കിപ്പൊ ഇരുപത്തഞ്ചായോന്ന് ... അതെങ്ങനാ തിന്നാ തിന്നാന്നല്ലാണ്ട്