Chapter Title : സീതായനം [Mani Kuttan]

മാറി കിട്ടിയേനേ "അമ്മേ ".... മറുപടിയില്ല ഞാൻ അടുക്കളയിലേക്ക് ചെന്നു അവിടെയില്ല അമ്മയുടെ റൂമിലും ഉമ്മറത്തും ചെന്നു നോക്കി പക്ഷേ അവിടെയെങ്ങും അമ്മയില്ല. ഈ അമ്മ ഇതെവിടെ പോയി? ഞാൻ അടുക്കളയിൽ ചെന്ന് കട്ടനുള്ള വെള്ളം അടുപ്പത്ത് വെച്ചു ,അമ്മക്ക് ശ്വാസം മുട്ടലുള്ളതിനാൽ ഗ്യാസടുപാണ് ഉപയോഗിക്കാറ്, ചായപ്പൊടി തിരഞ്ഞു കൊണ്ടിരിക്കുന്നതിനിടയിൽ അമ്മ കയറി വന്നു. "നീ എന്താ ഉണ്ണീ രാധ തലച്ചുറ്റി വീണ കാര്യം പറയാതിരുന്നേ"? "അതിനു ഞാൻ വരുമ്പോ അമ്മ നാമം ജപിക്കുവല്ലാരുന്നോ" "ആട്ടെ അമ്മ ഇപ്പൊ എന്തിനാ അങ്ങോട്ടു പോയത്"? "ജാനമ്മ വന്നിരുന്നു ഇവിടെ അപ്പോഴാ രാധേടെ കാര്യം പറഞ്ഞേ ,പാവം നല്ല പേടി തട്ടിയിട്ടുണ്ട് ,മുഖമൊക്കെ ആകെ വിളറി വെളുത്ത പോലുണ്ട്". "എന്നിട്ട് രാധേച്ചി എന്തെങ്കിലും പറഞ്ഞോ"? "എന്തു പറയാൻ പാവം കിടക്കുവാ". ഇനി രാധേച്ചിയെങ്ങാനും കുറ്റബോധം കൊണ്ടു അമ്മയോട് സംഭവിച്ചത് എന്തെങ്കിലും പറയുമോ എന്ന് ഞാൻ ഭയന്നിരുന്നു, "നീയെന്തിനാ വെള്ളം തിളപ്പിക്കുന്നേ"? "കട്ടൻ ചായക്ക്" "എന്തിനാ ഈ നേരത്ത് കട്ടൻ ചായ" "ഒന്നുമില്ല ഒരു ചെറിയ തലവേദന പോലെ" "ഹും തലവേദന വന്നില്ലെങ്കിലേ ഉള്ളൂ, രാവിലെ അത്രേം പണിയും കഴിഞ്ഞ് നട്ടുച്ചക്ക് കുളത്തിൽ പോകണ്ടാന്നു പറഞ്ഞാ കേട്ടില്ലല്ലോ? നീരിറക്കമാ എന്തായാലും നീ ഇപ്പോ കട്ടൻ ചായ കുടിക്കണ്ട, ഉള്ള ഉറക്കം പോയി കിട്ടും, വേഗം ചോറുണ്ടിട്ട് ഒരു ഗുളികേം കഴിച്ച് പോയി കിടന്നോ" ഞാൻ ഒന്നും പറയാൻ പോയില്ല, വെറുതേ എന്തിനാ വടി കൊടുത്ത് അടി മേടിക്കുന്നത്. ഞാൻ ഊണു മേശയിലേക്കിരുന്നു. ചോറുണ്ട് അമ്മ തന്ന ഗുളികയും കഴിച്ച് ഞാൻ മുറിയിൽ