Chapter Title : ഷഹാന IPS : ഒരു സര്‍വീസ് സ്റ്റോറി 14 [SmiTHA]

ജനറൽ അയാളുടെ കാതിൽ മന്ത്രിച്ചു.

"കറാച്ചിയിലേക്കല്ല...ഐ എസ് ഐ സേഫ് ഹൗസിലേക്കാണ് പോകേണ്ടത്..."

"പ്രോബ്ലം ഉണ്ടോ?"

ദാവൂദ് അതെ സ്വരത്തിൽ അയാളോട് മന്ത്രിച്ചു.

"ഉണ്ട്,"

ജനറൽ പറഞ്ഞു.

"ഷെറാട്ടണിൽ നടന്നതിനേക്കാൾ വലുത്. ഇന്റലിജൻസ് റിപ്പോർട്ട് ആണ്. രണ്ട് ടീമുകളായാണ് റോ വന്നിരിക്കുന്നത്. ഒന്ന് പരാജയപ്പെട്ടാൽ അടുത്തത് ...ആദ്യത്തെ നമ്മൾ പരാജയപ്പെടുത്തിയില്ലേ...?"

"ശരി..."

ദാവൂദ് ഫ്രണ്ട് ഗേറ്റിലേക്ക് തിരിഞ്ഞു.

"ഭായി..."

ജനറൽ വിളിച്ചു.

ദാവൂദ് തിരിഞ്ഞു നിന്നു.

ചോദ്യരൂപത്തിൽ ജനറലിനെ നോക്കി.

"അതിലെയല്ല..."

ജനറൽ ഇടത് വശത്തെ ഗേറ്റിലേക്ക് നോക്കി.

"ഇതിലെ.."

"ഓക്കേ...'

ദാവൂദ് ചിരിച്ചു.

പിന്നെ ഇടത് വശത്തെ ഗേറ്റിലേക്ക് തിരിഞ്ഞു.

ഗേറ്റിന് വെളിയിൽ കടന്ന് ദാവൂദ് അകത്തേക്ക് നോക്കി.

"ഇക്രം എവിടെ?"

അയാൾ ചുറ്റും നോക്കി.

ഹാളിന് സമീപം റിസ്വാനോടും ലത്തീഫയോടും വർത്തമാനം പറഞ്ഞു നിൽക്കുന്ന ഇക്രമിനെ അയാൾ കണ്ടു.

"ഇക്രാം!"

ദാവൂദ് ഉറക്കെ വിളിച്ചു.

ഇക്രം തിരിഞ്ഞു നോക്കി.

"വാ! വന്ന് വണ്ടിയിൽ കയറ്,"

പാക്കിസ്ഥാന്റെ ദേശീയ മൃഗമായ മാർഖോറിന്റെ ചിഹ്നം പതിപ്പിച്ച വാഹനത്തിന്റെ ഡോർ റോഷൻ ദുറാനി തുറന്നു.

ആദ്യം ദാവൂദും പിന്നെ ഇക്രവും വാഹനത്തിലേക്ക് കയറി.

വലത് വശത്തെ ഗേറ്റിന് വെളിയിൽ അതൊക്കെ കണ്ടുനിൽക്കയായിരുന്ന ഫൈസലും സംഘവും അമ്പരന്നു.

"ച്ചെ!!"

ഫൈസൽ മുഷ്ടി ചുരുട്ടി സീറ്റിലിടിച്ചു.

"നൗ! ആക്റ്റിവേറ്റ് പ്ലാൻ ബി!"

അയാൾ പറഞ്ഞു.

“അർജുനോട് പറ!"

****************************************************

ഡോബ്രി ഫാം ഹൗസിന് രണ്ടുകിലോമീറ്റർ അകലെ ഖിജോൾ ഗ്രാമം.

പച്ചപ്പിന് നടുവിലുള്ള ഗ്രാമ പാതയിലൂടെ ഐ എസ് ഐയുടെ വാഹനവും അതിന്റെ മുമ്പിലും പിമ്പിലും സുരക്ഷാഉദയഗസ്ഥന്മാരുടെ വാഹനങ്ങളും നീങ്ങിക്കൊണ്ടിരുന്നു.

മുൻ സീറ്റിൽ