Chapter Title : ശംഭുവിന്റെ ഒളിയമ്പുകൾ 35 [Alby]

എന്നത് അയാളുടെ വഴിയിലെ മുള്ളായിരുന്നു.ആ മുള്ള് ഇലക്ക് കേടില്ലാതെ എടുത്തുമാറ്റാൻ ഒരു ഉപായം മാധവൻ തിരഞ്ഞുകൊണ്ടിരുന്നു. ***** അന്ന് രാത്രിയിൽ പോലീസ് സ്റ്റേഷൻ പരിസരം.ലോക്കപ്പിന്റെ ഒരു മൂലക്ക് ചുരുണ്ടുകൂടിയിരിക്കുകയാണ് വാസു ലോക്കപ്പിന് പുറത്ത് ഒന്നുരണ്ട് പോലീസ് ഏമാൻമാർ ഓഫീസ് കാര്യങ്ങളും നോക്കി തങ്ങളുടെ സീറ്റിലിരിക്കുന്നു.ഒരാൾ പാറാവിന് നിൽക്കുന്നുണ്ട്.എട്ടുമണി കഴിഞ്ഞ സമയം.പെട്രോളിങിന് രണ്ട് വണ്ടി കുറച്ചു മുന്നേ പോയതേയുള്ളൂ. ലോക്കപ്പിനുള്ളിൽ എന്തോ ഓർത്ത് ഇരിക്കുകയാണ് വാസു.താൻ ചെയ്യേണ്ട കാര്യങ്ങൾ അയാൾ മനസ്സിൽ ഒന്ന് ഊട്ടിയുറപ്പിക്കുന്ന സമയം.സാഹചര്യം അനുകൂലമായി വരുമ്പോൾ തനിക്കുള്ള സഹായം എത്തുമെന്നാണ് ഡ്യുട്ടി കഴിഞ്ഞു പോകുന്നതിന് മുൻപ് ദാമോദരൻ തന്നോട് പറഞ്ഞതെന്ന് അയാൾ ഓർത്തു. അങ്ങനെയോരോന്നും ആലോചിച്ചു കൊണ്ടിരിക്കെ സെൽ തുറക്കുന്ന ശബ്ദം കേട്ട് വാസു അങ്ങോട്ടേക്ക് നോക്കി.ഏതോ ഒരു പോലീസ് കോൺസ്റ്റബിൾ തനിക്കുള്ള ഫുഡ്‌ കൊണ്ടുവന്നതാണ്."പത്രോസ് സർ പ്രത്യേകം പറഞ്ഞിരുന്നു ഭക്ഷണം എത്തിച്ചു തരണമെന്ന്.ജങ്ക്ഷനിലെ കടയിൽ പറഞ്ഞേൽപ്പിച്ചിട്ടാ പോയതും.ഞാൻ പോയി വാങ്ങി വന്നു എന്ന് മാത്രം.ഇന്നാ കഴിക്ക് "

എന്നും പറഞ്ഞ് അയാൾ ഒരു പൊതിയും ഒരു കുപ്പി വെള്ളവും വാസുവിന് മുന്നിലേക്ക് വച്ചിട്ട് സെൽ പൂട്ടി ഒന്ന് പുകച്ചേക്കാം എന്ന് കരുതി പുറത്തേക്ക് നടന്നു."അതെ അവിടെ വൃത്തികേടൊന്നും കാണിക്കരുത്. പെടുക്കുവൊ വല്ലതും ചെയ്യണെൽ പറയണം."പോകുന്ന പോക്കിൽ അയാൾ വിളിച്ചുപറഞ്ഞു. ഇതിന് എല്ലാം മറുപടിയായി വാസു നല്ലൊരു ചിരി മാത്രം നൽകി. അതിന്റെ അർത്ഥം മനസിലാവാതെ അവന്റെ ഓഞ്ഞ ഇളി എന്ന് മനസ്സിൽ പറഞ്ഞു കൊണ്ടാവണം അയാൾ പുറത്തേക്ക് പോയതും. രാവിലെ തന്നെ എലുമ്പൻ വാസുവിനെ കൊണ്ടുവന്നു എങ്കിലും അറസ്റ്റ് രേഖപ്പെടുത്തിയപ്പോൾ വൈകിട്ടായി.നേരത്തെയുള്ള തീരുമാനം പോലെ പത്രോസ് ഒന്ന് വൈകിച്ചു എന്ന് മാത്രം.രാജീവ്‌ വരാൻ വൈകിയതും പത്രോസിന് ഗുണകരമായി.രാജീവന് നേരിയ സംശയം പോലും കൊടുക്കാതിരിക്കാൻ പത്രോസ് പ്രത്യേകം ശ്രദ്ധിച്ചു. വാസുവിന് കിട്ടിയ നിർദ്ദേശം പോലെ ചിത്രയുടെ വീട്ടിൽ കയറിയതിന്റെ ഉത്തരവാദിത്വം അയാൾ ഏറ്റെടുത്തു പിറ്റേന്ന് തെളിവെടുപ്പ് നടത്തി കോടതിയിൽ ഹാജരാക്കാം എന്ന് നിർദ്ദേശം നൽകിയിട്ടാണ് രാജീവ്‌ സ്റ്റേഷനിൽ നിന്നും പോരുന്നതും. അതുവരെ ലോക്കപ്പിൽ തന്നെ സൂക്ഷിക്കാനായിരുന്നു തീരുമാനവും. വേണ്ട കാര്യങ്ങളൊക്കെ നേരിട്ട് പരിശോധിച്ചു ബോധ്യപ്പെട്ടശേഷം, കാവലിനും പെട്രോളിങ്ങിനും