Chapter Title : ശംഭുവിന്റെ ഒളിയമ്പുകൾ 39 [Alby]

സമയം അവിടെ ചിലവിടണമെന്ന് ആഗ്രഹമുണ്ടെങ്കിലും സമയം പരിമിതമായിരുന്നു അവൾക്കപ്പോൾ. "രാജീവൻ......അവൻ കളത്തിൽ തന്നെ വേണം."ജീപ്പ് സ്റ്റാർട്ട്‌ ചെയ്തു ഇരപ്പിക്കുന്ന കത്രീനയുടെ കാതിൽ വീണ പറഞ്ഞു. "ഒരു സസ്പെൻഷൻ സമ്മാനമായി കരുതിവച്ചിട്ടുണ്ട് ഞാൻ.നിന്റെ ആഗ്രഹം അങ്ങനെയെങ്കിൽ അത് പിന്നീട് ഡിസ്മിസൽ ആയി കയ്യിൽ കൊടുക്കാം.എന്ത് പറയുന്നു?"അത് കേട്ട് കത്രീന മറുപടി നൽകി. "ഒന്ന് പോടീ..........അവൻ വേണം എനിക്ക് എതിരെ.എങ്കിലേ എന്റെ ബ്രെയിൻ ഒന്ന് ഷാർപ് ആകൂ."വീണ തന്റെ ഭാഗം പറഞ്ഞു. "മ്മ്മ്മ്മ്.........ആ പെൻഡ്രൈവ് ഒന്ന് തുറന്നെടുക്ക്.ഏത്രയും പെട്ടെന്ന് തന്നെ.നമുക്ക് നോക്കാം,അതിൽ നിന്നെന്തെങ്കിലും കിട്ടാതിരിക്കില്ല. ഇപ്പൊ ഞാൻ പോകുന്നു.അവിടെ രാജീവൻ വെയിറ്റ് ചെയ്യുന്നുണ്ടാവും തന്റെ ഭാഗം പറയാൻ.എന്തായാലും വർമ്മയുടെ തല അയാളൊരു പിടിവള്ളിയായി മുന്നിലേക്കിടും.എനി വെ അത് ഞാൻ ഡീൽ ചെയ്തോളാം " അത്രയും പറഞ്ഞുകൊണ്ട് കത്രീന ഗിയർ ഷിഫ്റ്റ് ചെയ്തു.വീണ ഒന്ന് പുറകോട്ട് നിന്നതും അവൾ വണ്ടി മുന്നോട്ടെടുത്തു. തന്റെ ചങ്ക് ആണവൾ.അവളില്ല എങ്കിൽ കത്രിനയുമില്ല.അവൾക്ക് ഒപ്പം തന്നെ എന്നുറപ്പിച്ചിട്ടാണ് തന്റെ ഓഫിസിൽ തന്നെ കാത്തിരിക്കുന്ന വ്യക്തികൾക്കരികിലേക്ക് കത്രീന പോയതും. ***** സമയം വൈകിട്ട് ആറ്.കൃത്യമായി കോശിയും പീറ്ററും എസ് പി ഓഫിസിലുണ്ട്.തന്റെ ഭാഗം പറയാൻ രാജീവനും. "ഓഫിസേഴ്സ് ഞാൻ വൈകിയില്ലല്ലൊ?"തന്റെ ഓഫിസ് റൂമിലേക്ക് കയറിവന്നതും തന്നെ കാത്തിരിക്കുന്നവരോടായി കത്രീന ചോദിച്ചു. "ഇല്ല മാഡം......... ഓൺ ടൈം ആണ് " കോശിയാണ് മറുപടി നൽകിയത്. കത്രീന സീറ്റിലിരുന്നതും രാജീവന്റെ നോട്ടം പോയത് കുടുക്ക് തുറന്നു കിടക്കുന്ന അവളുടെ മാറിലേക്കാണ്. പക്ഷെ അവളത് തത്കാലം മൈൻഡ് ചെയ്തതുമില്ല. "മിസ്റ്റർ കോശി.......എങ്ങനെയാണ് കാര്യങ്ങൾ?"കത്രീന ചോദിച്ചു.

"അത് മാഡം.......രാജീവന് ചിലത് പറയാനുണ്ട്.അതുകൂടി കേട്ടിട്ട്....."