ശ്രീഭദ്രം ഭാഗം 12

Shreebhadram Part 12 | Author : JO | Previous Part

സമർപ്പണം : ഒക്ടോബർ 19ന് പിറന്നാൾ ആഘോഷിക്കുന്ന എന്റെ പ്രിയ ശിഷ്യന്...!!! ഡോക്ടറൂട്ടി ഉടനെയെങ്ങും നിന്നെ തല്ലിക്കൊല്ലാതിരിക്കട്ടേയെന്നാശംസിക്കുന്നു.. ?

??????????????

ടാ.....???

ചോദ്യഭാവത്തിലുള്ള അവന്റെ നോട്ടത്തിന് വിളറിയയൊരു ചിരിയായിരുന്നെന്റെ മറുപടി. ഒന്നൂല്ലടാന്ന മട്ടിലൊന്നു തലയാട്ടി അവന്റെ തോളിൽ കയ്യിട്ട് പുറത്തേക്കിറങ്ങിനടക്കുമ്പോഴും അവനെന്റെ മുഖത്തേക്കുതന്നെ നോക്കുന്നുണ്ടായിരുന്നു.....!!!. ചിരിച്ചുകൊണ്ടുകൂടെനടക്കുമ്പോഴും പുറത്തേക്കുവരാതെ ഉള്ളിന്റെയുള്ളിലൊളിപ്പിച്ചുവെച്ച എന്റെയൊരുപിടി നൊമ്പരങ്ങളെ ഒറ്റനോട്ടത്തിൽ തിരിച്ചറിയാനാവുമോയെന്ന മട്ടിൽ....!!!.

എന്തായാലും അതവനറിയാതിരിക്കാൻ പരമാവധി ശ്രമിച്ചതുകൊണ്ടാവും പെട്ടന്നവന്റെ വിഷയംമാറ്റിവിടാനെനിക്കു സാധിച്ചത്. അവളെക്കുറിച്ചു വീണ്ടുംവീണ്ടും പറഞ്ഞുതുടങ്ങിയാൽ, അതൊരുമാതിരി മുറിവിൽക്കുത്തി വേദനിപ്പിക്കുന്നതുപോലെയാവുമോന്നു കരുതിയാവും അവനും പിന്നീടവളെക്കുറിച്ചൊന്നും പറഞ്ഞില്ല. എന്നാലും പിറ്റേന്നുമുതൽ അവളെക്കാണുമ്പോളെല്ലാം അവനെന്റെ മുഖത്തേക്കുതന്നെ നോക്കാറുണ്ടായിരുന്നു. അവളെന്തെങ്കിലും പറയുമ്പോഴും ചിരിക്കുമ്പോഴുമൊക്കെ എന്റെ മുഖഭാവം മാറുന്നുണ്ടോന്നാവുമവൻ നോക്കുന്നത്. പക്ഷേ അതവൻ നോക്കുമെന്നറിയാവുന്നതുകൊണ്ട് മുഖത്തൊരു ഭാവമാറ്റവും വരാതിരിക്കാൻ ഞാനും പരമാവധി ശ്രദ്ധിച്ചു...!!!. അതേപോലെ അവളെക്കാണുമ്പോഴും മിണ്ടുമ്പോഴുമൊക്കെയുള്ള എന്റെ വെപ്രാളം തിരിച്ചറിഞ്ഞതുകൊണ്ടാവും ദിവസങ്ങൾ കഴിയുന്തോറും അവളുമെന്നോടൊരകലം പാലിക്കാൻ തുടങ്ങി. എന്നെക്കാണുമ്പോൾ കാണാത്ത ഭാവത്തിൽ പോകുന്നതും തീരെയൊഴിച്ചുകൂടാനാവാത്തയവസരങ്ങളിൽ മാത്രമൊരു ചിരിയിലും ഞങ്ങളുടെ സംസാരമൊതുങ്ങി. എന്നാൽ ഡിബിൻ മാത്രം അവിടേമിവിടേം സംസാരിക്കാറുമുണ്ടായിരുന്നു.

പക്ഷേ ഞങ്ങളുടെയീയൊളിച്ചുകളി ക്ലാസ്സിലാകെയൊരു ഉത്സവപ്രതീതിയാണ് സമ്മാനിച്ചത്. ഞാനുമവളുംതമ്മിൽ തല്ലിപ്പിരിഞ്ഞെന്നും ഞങ്ങളിപ്പോൾ കൂട്ടിയിടിച്ചാൽപ്പോലും മിണ്ടില്ലെന്നുമൊരു തിരിച്ചറിവു ക്ലാസ്സിലാകെയുയർന്നതും വളരെപ്പെട്ടന്നായിരുന്നു. അതേപോലെ അവളും പെട്ടെന്നൊന്നു സൈലന്റായതും പിള്ളേർക്കൊരു വളമായി. അവളേ വേദനിപ്പിക്കാനെന്നോണം കിട്ടിയയവസരങ്ങളിലെല്ലാം എന്റേമവളുടേം പേര് വിളിച്ചുപറയുന്നതവരൊരു പതിവാക്കി.

ആദ്യമൊക്കെ അവളെണീറ്റുനിന്നു തെറിവിളിക്കുമായിരുന്നെങ്കിലും പിന്നെപ്പിന്നെയത് നിർത്തി. കാരണം സാറുമ്മാർക്കുപോലും അതിപ്പോളൊരു കളിതമാശയാണ്. ആദ്യമൊക്കെ തികച്ചും യാദൃശ്ചികമായി വിളിച്ചുപറയുകയാണെനാവുമവരും ചിന്തിച്ചിട്ടുണ്ടാവുക. പക്ഷേ പിന്നെപ്പിന്നെയവർക്കും മനസ്സിലായികാണും മനപ്പൂർവ്വമാണെന്ന്...!!!. ഒരാള് ഞങ്ങളുടെ പേര് വിളിച്ചുപറയുമ്പോൾ ബാക്കിയുള്ളവരുടെ ചിരികൂടിക്കാണുപ്പോൾ ലൗവേഴ്സിനെ കളിയാക്കാനുള്ള സഹപാഠികളുടെ കളിതമാശയായിട്ടാവും അവരുമതെടുത്തിട്ടുണ്ടാവുക...!!!. അല്ലെങ്കിൽ ആരെങ്കിലുമൊരാൾ നോ പറഞ്ഞെന്നുംവെച്ചു പാതിയിൽ മുടങ്ങിപ്പോയ വൺസൈഡ് പ്രേമത്തെ കളിയാക്കുകയാണെന്നു കരുതിക്കാണും...!! അങ്ങനെ അധ്യാപകരുടെ മനസ്സിലെങ്കിലും ക്ലാസ്സിൽ ഞങ്ങളുമൊരു കാമുകീകാമുകന്മാരായി. ശ്രീഹരിയും ഭദ്രയും പോകെപ്പോലെ ഒറ്റപ്പേരിലേക്കും മാറി;

ശ്രീഭദ്ര...!!!.

ശ്രീഭദ്രയോ അതാരെന്നാരെങ്കിലുമെടുത്തു ചോദിച്ചാലാവും ശ്രീഹരീ, ഭദ്ര എന്നീ പേരുകൾ സപ്പറേറ്റായി വരിക. ഇന്നകാര്യത്തിന് ഈക്ലാസ്സീന്നാരുടെ പേര് കൊടുക്കണമെന്നൊരു ചോദ്യം വന്നാൽ..., ആദ്യം വരുന്ന പേര് ശ്രീഭദ്രയെന്നാവും. അകമ്പടിയായൊരു ചിരിയും...!!!.

എന്നാ പൂറ്റിത്തരവാടാ ഇവരീക്കാണിക്കുന്നതെന്നും ചോദിച്ചു പലവട്ടം ഞാൻ പ്രതികരിക്കാൻ മുതിർന്നതാണ്. പക്ഷേ തന്നെത്താനെയൊണ്ടാക്കി വെച്ചതല്ലേ... ഇനിയനുഭവിച്ചോന്നുള്ളൊരു മറുപടിയവന്റെ കയ്യീന്ന് കിട്ടുമ്പോൾ അറിയാതെയിരുന്നുപോകും. മാത്രോമല്ല ഇനിയും ഞാനവളുടെ കാര്യത്തിലിടപെട്ടാൽ അതും അവൾക്കു ദോഷമായേ വരൂന്നുള്ള അവന്റെ