ശ്യാമയും സുധിയും 11 [ഏകൻ]

ഇല്ലല്ലോ.? അതിൽ നാണക്കേട് ഒന്നും ഇല്ലല്ലോ..?"" സുധി ചോദിച്ചു.

"എന്ത് ചെയ്താൽ...? "" ശ്യാമയ്ക്ക് കാര്യം മനസ്സിലാകാതെ ചോദിച്ചു.

"അത് നമ്മൾ മുൻപ് ചെയ്തില്ലേ. മുൻപ് രാത്രിയിൽ നമ്മൾ ഒരുമിച്ചു കെട്ടിപിടിച്ചു കിടന്നിട്ട്. . എനിക്ക് മതിയായില്ല.

എനിക്ക് ഇനിയും വേണം . നമുക്ക് അതുപോലെ ഒന്ന് കൂടെ ചെയ്താലോ..? "

ശ്യാമയ്ക്ക് അപ്പോഴാണ് അന്ന് രാത്രിയിൽ നടന്ന കാര്യം ഓർമ്മ വന്നത്. തന്നെ മുഴുവനായും അപ്പു ഏട്ടന് കൊടുത്ത രാത്രി. ശ്യാമ നാണം കൊണ്ട് മുഖം പൊത്തി എന്നിട്ട് പറഞ്ഞു.

"അയ്യേ. ച്ചീ. എന്നോട് മിണ്ടേണ്ട. എന്തൊക്കെയാ അന്ന് രാത്രിയിൽ കാണിച്ചു കൂട്ടിയത്. നാണം ഇല്ലാതെ. ഇനി അങ്ങനെ ഒന്നും ഞാൻ സമ്മതിക്കില്ല.."

"സമ്മതിക്കില്ലേ..?. അത് കാണാലോ. അപ്പോൾ നമ്മുടെ കല്യാണം കഴിഞ്ഞാലും സമ്മതിക്കില്ലേ.?.

"കല്യാണം കഴിഞ്ഞാൽ പിന്നെ ഞാൻ അപ്പു ഏട്ടന്റെ സ്വന്തം അല്ലേ.? പിന്നെ അപ്പു ഏട്ടന് എന്തും ആകാലോ. അതിന് എന്നോട് സമ്മതം ചോദിക്കണോ..,?"

"ആണോ.? സന്തോഷം. എന്തായാലും കല്യാണം കഴിഞ്ഞാലെങ്കിലും ഈ പെണ്ണിനെ മുഴുവനായും എനിക്ക് കിട്ടുമല്ലോ..?"

സുധി പറഞ്ഞു. പിന്നെ ഫോൺ എടുത്ത് മോഹനെ വിളിച്ചു. കുറച്ചു കഴിഞ്ഞ് നാല് പേരും വീട്ടിലേക്ക് പോയി. വീട്ടിൽ എത്തിയ ഉടനെ ശ്യാമ ചുറ്റും നോക്കി.

അപ്പോഴേക്കും എല്ലാവരും പുറത്തേക്ക് വന്നു.

"വാ മോളെ കയറി വാ. ഇനി ഇതാണ് മോളുടെ വീട്. ഇനിയുള്ള കാലം മുഴുവൻ മോള് ജീവിക്കാൻ പോകുന്ന വീട് "

സുധിയുടെ അച്ഛൻ പറഞ്ഞു.

. സുധിയുടെ അമ്മ ആരതി ഉഴിഞ്ഞു അവരെ അകത്തേക്ക് കയറ്റി.

ആ വലിയ വീട്ടിൽ ശ്യാമയ്ക്ക് എന്തോ അപരിചിതത്വം പോലെ തോന്നി. അത് മനസ്സിലാക്കിയ സുചിത്ര പറഞ്ഞു.

"പേടിക്കേണ്ട. ഇതാണ് ഞങ്ങളുടെ വീട്. അല്ല . നമ്മുടെ വീട്. ഇനി മുതൽ ഇതു ശ്യാമയുടെ കൂടെ വീടാണ്. ശ്യാമയുടെ സ്വന്തം വീട്. അങ്ങനെയേ കാണാവൂ. കേട്ടല്ലോ..? വാ ഞാൻ ആദ്യം തന്നെ അപ്പു ഏട്ടന്റെ റൂം കാണിച്ചു തരാം. എന്നിട്ട് എന്റെ റൂമും. അപ്പു ഏട്ടന്റെ റൂം എന്ന് പറഞ്ഞാൽ ശ്യാമയുടെ റൂം. പക്ഷെ കല്ല്യാണം വരെ എന്റെ റൂമിൽ എന്റെ കൂടെ കിടന്നാൽ മതി. പക്ഷെ ഓരോ സ്വപ്നം കണ്ടിട്ട് എന്നെ ഒന്നും ചെയ്യരുത്. "

അങ്ങനെ പറഞ്ഞിട്ട് സുചിത്ര ചിരിച്ചു. ശ്യാമയ്ക്ക് അത് കേട്ട് നാണം വന്നു. ആ സമയം സുധിക്ക് ഒരു ഫോൺ വന്നത് കൊണ്ട് പുറത്തായിരുന്നു ഉള്ളത്.

സുധിയുടെ റൂമിൽ കയറിയപ്പോൾ ശ്യാമ ഞെട്ടി പോയി. അവിടെ ശ്യാമയുടെ ഒരു പെൻസിൽ ഡ്രോയിങ് വരച്ചു വെച്ചിരിക്കുന്നു. അതും ഒരുപാട് പേരുടെ നടുവിലൂടെ ആരുടെയോ കൈ പിടിച്ചു നടന്നു പോകുന്ന ശ്യാമയുടെ ചിത്രം. കൂടെ അന്ന് എടുത്ത ഫോട്ടോകൾ ഫ്രെയിം ചെയ്തു ചുറ്റും നിരത്തി വെച്ചിരിക്കുന്നു.

ശ്യാമ ആ പെൻസിൽ ഡ്രോയിങ്ങിൽ തന്നെ നോക്കി നിന്നു. അത് കണ്ട് സുചിത്ര പറഞ്ഞു.

"എല്ലാത്തിന്റെയും തുടക്കം ഈ ചിത്രത്തിൽ നിന്നാണ്."

അത് കേട്ട് ഞെട്ടി ശ്യാമ സുചിത്രയെ നോക്കി.