Chapter Title : ശ്യാമയും സുധിയും 5 [ഏകൻ]

വിശക്കുന്നു ഉണ്ടാവില്ലേ.?"

" അപ്പു ഏട്ടന് വേണ്ടെങ്കിൽ എനിക്കും വേണ്ട . അപ്പു ഏട്ടൻ ഇന്നലെയും ഒന്നും കഴിച്ചില്ലല്ലോ..? "

"അത് സാരമില്ല. എനിക്ക് ഒന്നും വേണമെന്നില്ല. ശ്യാമയും ഇന്നലെ ഒന്നും കഴിച്ചിട്ടുണ്ടാകില്ല എനിക്ക് അറിയാം. ശ്യാമ പോയി കഴിച്ചു വാ. എന്റെ പേഴ്സിൽ പൈസ കാണും അത് എടുത്തിട്ട് പോയിക്കോ.."

" അപ്പു ഏട്ടന് വേണ്ട എങ്കിൽ എനിക്കും വേണ്ട. അപ്പു ഏട്ടൻ കഴിക്കാതെ ഞാനും ഒന്നും കഴിക്കില്ല. അപ്പു ഏട്ടന് എന്നോട് ദേഷ്യമാണോ..? "

" എനിക്കോ എനിക്കെന്തിനാ ദേഷ്യം. അതും ശ്യാമയോട്. ശ്യാമയല്ലേ എന്നോട് ദേഷ്യപ്പെടേണ്ടത്..? ഞാനല്ലേ ശ്യാമയോട് മോശമായി പെരുമാറിയത്.? ഇനിയെങ്കിലും ശ്യാമയ്ക്ക് എന്നോട് ക്ഷമിച്ചൂടെ. ശ്യാമേ മാപ്പ്."

ശ്യാമ സുധിയുടെ വായ പൊത്തി. എന്നിട്ട് പറഞ്ഞു.

" വേണ്ട! അപ്പു ഏട്ടൻ അങ്ങനെ ഒന്നും പറയേണ്ട . ഞാൻ എന്നെ നിയന്ത്രിക്കണം ആയിരുന്നു. എനിക്ക് അതിന് കഴിഞ്ഞില്ല. കഴിഞ്ഞിരുന്നെങ്കിൽ അപ്പു ഏട്ടന് ഇപ്പോൾ ഇങ്ങോട്ട് വരേണ്ടി വരില്ലായിരുന്നു. "

" പോട്ടെ സാരമില്ല, അതൊക്കെ നമുക്ക് മറന്നു കളയാം. എന്നിട്ട് ശ്യാമ കാന്റീനിൽ പോയിട്ട് ശ്യാമയ്ക്ക് ഇഷ്ടമുള്ളത് എന്താണെന്ന് വെച്ചാൽ വാങ്ങി വാ . നമുക്ക് ഇവിടെയിരുന്ന് ഒരുമിച്ച് കഴിക്കാം. ശ്യാമ എനിക്ക് വാരി തരില്ലേ...? "

ശ്യാമ ഒഴുകിവന്ന കണ്ണുനീർ തുടച്ച് കാന്റീനിലേക്ക് പോയി. കുറച്ച് സമയം കഴിഞ്ഞ് തിരിച്ചു വന്നു.

"അപ്പു ഏട്ടാ അപ്പം മാത്രമേ അവിടെ ഉണ്ടായിരുന്നുള്ളൂ. അപ്പു ഏട്ടൻ അത് ഇഷ്ടമില്ലെന്നുണ്ടോ..?"

" ഏയ് എനിക്ക് അങ്ങനെയൊന്നുമില്ല. ശ്യാമ എന്ത് തന്നാലും ഞാൻ കഴിക്കും.