ശ്യാമയും സുധിയും 9 [ഏകൻ]

വലിയ ക്ഷീണം ആണെന്നും പറഞ്ഞ് ഒന്ന് കുളിച്ചെന്നു വരുത്തി കിടന്നു. "

" ആണോ? എന്നാൽ നമുക്കും കുളിച്ചിട്ട് കഴിച്ച് കിടന്നാലോ..? " സുധി ശ്യാമയെ നോക്കി ചിരിച്ചുകൊണ്ട് ചോദിച്ചു.

" ഞാൻ കുളിച്ചതാ. ഇനി എനിക്ക് കുളിക്കേണ്ട. അപ്പു ഏട്ടന് കുളിക്കണമെങ്കിൽ ഞാൻ കുളിപ്പിച്ചു തരാം. എന്നിട്ട് ചക്കയും കഴിച്ച് മിണ്ടാതെ കിടന്നു ഉറങ്ങിക്കോ. എനിക്ക് താഴെ പോയി ഇനിയും വേറെ പണിയുണ്ട്.. "

" എന്ത് പണി..? "

"എനിക്ക് പോയിട്ട് ചക്കയും ചോറും കഴിക്കണം

നാളേക്കുള്ള ദോശയുടെ മാവ് അരക്കണം. എന്നിട്ട് പാത്രങ്ങളെല്ലാം കഴുകി വെക്കണം. എന്നിട്ട് വേണം എനിക്ക് കിടക്കാൻ. അപ്പു ഏട്ടന് കുളിക്കണം എങ്കിൽ വാ."

ശ്യാമ അവിടെ നിന്നും എഴുന്നേറ്റു.

സുധിയെ പിടിച്ചു എഴുന്നേൽപ്പിച്ചു. പിന്നെ സുധിയുടെ ഷർട്ടും പാന്റും അഴിച്ചു കൊടുത്തു ബാത്റൂമിലേക്ക് പോയി. പഴയതുപോലെ തന്നെ കാലും കയ്യും കവർ കൊണ്ട് കെട്ടാൻ നോക്കിയപ്പോൾ സുധി ചോദിച്ചു.

" ഇത് അഴിക്കുന്നില്ലേ...? " സുധി തന്റെ ഷഡിയിൽ നോക്കിക്കൊണ്ട് ചോദിച്ചു.

" അതഴിച്ചാൽ ഒരാൾ എന്നെ നോക്കി തലയാട്ടും. അപ്പോൾ അപ്പു ഏട്ടന് പലതും തോന്നും. പിന്നെ ഞാൻ പലതും ചെയ്യേണ്ടിവരും. "

ശ്യാമ ചിരിയോടെ പറഞ്ഞു.

"ഇത് അഴിക്കാതെ പിന്നെ എങ്ങനെയാ കുളിക്കുന്നത്...?"

" അതൊക്കെ ഞാൻ അഴിച്ചോളാം. ഞാൻ കുളിപ്പിച്ചോളാം. അപ്പു ഏട്ടൻ അതോർത്ത് ടെൻഷൻ ആവേണ്ട. . "

ശ്യാമ ഒരു തോർത്തെടുത്ത് സുധിയുടെ അരയിൽ ചുറ്റി. ഷഡ്ഢി അഴിച്ചു മാറ്റി.

" ഇങ്ങനെ കുളിപ്പിക്കാം. പോരേ..? ഇനി മുതൽ ഇങ്ങനെ തോർത്ത്‌ ഉടുത്ത് കുളിച്ചാൽ മതി. "

സുധി ചിരിച്ചു. ശ്യാമ സുധിയെ അവിടെ ഇരുത്തി കയ്യും കാലും പ്ലാസ്റ്റിക് കവറിനാൽ പൊതിഞ്ഞു. പിന്നെ കുളിപ്പിക്കാൻ തുടങ്ങി. അങ്ങനെ സുധിയെ കുളിപ്പിച്ച് തോർത്തി. ഒരു ട്രൗസറും ബനിയനും ഉടുപ്പിച്ച ശേഷം. അവിടെ കൊണ്ടുവെച്ച ചക്ക വാരി കൊടുത്ത് കൊണ്ട് ശ്യാമ ചോദിച്ചു.

"എപ്പോഴാ കല്യാണം...?"

" ആരുടെ കല്യാണം...? "

" അപ്പു ഏട്ടന്റെയും ചേച്ചിയുടെയും...? "

" എന്റെയും ശ്യാമയുടെയും കല്യാണം അല്ലേ...? "

" അത് നടക്കില്ലല്ലോ അപ്പു ഏട്ടാ..? "

" അതെന്താ നടക്കാത്തത്...? എന്നെ വിവാഹം കഴിക്കാൻ ശ്യാമിക്ക് ഇഷ്ടമല്ലേ...?"

ശ്യാമ ഒന്നും മിണ്ടിയില്ല.

" പറ ശ്യാമേ. നിനക്ക് ഇഷ്ടമല്ലേ എന്നെ.. എന്റെ കൂടെ കഴിയാൻ...? "

ശ്യാമയുടെ കണ്ണുകൾ നിറഞ്ഞു. എന്നിട്ട് പറഞ്ഞു.

" ഒരുപാട്. ഒരുപാട് ഇഷ്ടമാണ്. പക്ഷേ ചേച്ചി."

" ചേച്ചിയുടെ കാര്യം നീ നോക്കേണ്ട. അത് ഞാൻ നോക്കിക്കൊള്ളാം. നീ സമ്മതിച്ചാൽ ചേച്ചി പറഞ്ഞ ദിവസം നമ്മുടെ കല്യാണം ആകും നടക്കുക."

" ചേച്ചി എന്ത് കരുതും. ചേച്ചിക്ക് സങ്കടം ആവില്ലേ...? എന്നെ മോശം ആയി കാണില്ലേ..? "

"ഞാൻ പറഞ്ഞില്ലേ അതോർത്തു നീ ടെൻഷൻ ആകേണ്ട. അതൊക്കെ ഞാൻ നോക്കിക്കൊള്ളാം. എന്റെ ശ്യാമ കുട്ടി ഹാപ്പി ആയിട്ട് ഇരുന്നാൽ മതി."

സുധിക്ക് ഭക്ഷണവും കൊടുത്തു സുധിയുടെ