ശ്യാമയും സുധിയും 9 [ഏകൻ]

നെറ്റിയിൽ ഒരു ഉമ്മയും കൊടുത്തു ശ്യാമ താഴേക്ക് പോയി. ഭക്ഷണവും കഴിച്ച് ബാക്കിയുള്ള ജോലികളും തീർത്ത് വേഗം കിടന്നു.

പിറ്റേന്ന് രാവിലെ.

" എടി ശ്യാമേ. ഞാൻ ഇന്ന് തിരിച്ചു പോകും. എന്റെ കല്യാണത്തിന് മുൻപ് ഞാൻ വരും. നിന്നെയും അമ്മയെയും എന്റെ വീട്ടിലേക്ക് കൊണ്ടുപോകാൻ. അവിടെനിന്നും ഒരുമിച്ചായിരിക്കും നമ്മൾ കല്യാണ പന്തലിലേക്ക് പോകുന്നത്. "

" അതൊന്നും വേണ്ടേ ചേച്ചി ഞാനും അമ്മയും ചേച്ചിയുടെ കല്യാണത്തിന് വന്നോളാം. കല്യാണദിവസം എന്നാണെന്ന് എന്നെ വിളിച്ച് അറിയിച്ചാൽ മതി.. ഞങ്ങൾ തീർച്ചയായും വരും."

സുചിത്ര ഇന്നലെ കൊണ്ടുവച്ച കവറിൽ നിന്നും ഒരു സ്വർണമാലയെടുത്ത് ശ്യാമയുടെ കഴുത്തിൽ കെട്ടി. എന്നിട്ട് പറഞ്ഞു.

" ഇത് എന്റെ വക നിനക്ക് ഒരു സമ്മാനം. .നിന്റെ കഴുത്തിലുള്ള ഈ മുക്ക് മാലയും താലിയും എല്ലാം അഴിച്ചുമാറ്റിയേക്കണം. ഇനി അതൊന്നും നിന്റെ കഴുത്തിൽ കണ്ടു പോകരുത് . പിന്നെ ഈ കാതിലുള്ള മുക്കിന്റെ കമ്മൽ അഴിച്ച് മാറ്റ്. അവിടെ ഇടാൻ ഉള്ളതും ഞാൻ കൊണ്ടുവന്നിട്ടുണ്ട്. "

അങ്ങനെ പറഞ്ഞശേഷം ശ്യാമ മറ്റൊരു കവറിൽ നിന്നും ഒരു ജിമിക്കി കമ്മൽ എടുത്ത് ഇട്ടു കൊടുത്തു. പിന്നെ കയ്യിൽ ഒരു വളയും ഇട്ട് കൊടുത്ത ശേഷം ശ്യാമയുടെ നെറ്റിയിൽ സുചിത്ര ഉമ്മ വെച്ചു.. അതിന് ശേഷം പറഞ്ഞു.

" ഇപ്പോൾ ഇത്രയും. ബാക്കി എന്റെ ഏട്ടന്റെ പെണ്ണായി വരുമ്പോൾ ഞാൻ തന്നെ ഇട്ടുതരും. "

ശ്യാമ സുചിത്രയെ കെട്ടിപ്പിടിച്ച് കരഞ്ഞു.

" എന്തിനാടി പെണ്ണേ നീ കരയുന്നത്..? ഞാനിവിടെ നിന്നും പോകും എന്ന് പറഞ്ഞതുകൊണ്ടോ..? എന്റെ ഏട്ടന്റെ പെണ്ണ് ആകണം എന്ന് പറഞ്ഞതുകൊണ്ടോ...? . നീ സമ്മതിക്കും എനിക്കുറപ്പാണ് . നീ എന്റെ ഏട്ടനെ വിവാഹം കഴിക്കും. എന്നിട്ട് എന്റെ ഏട്ടത്തിയായി വരും. ഞാൻ കൊണ്ടുവരും. "

അങ്ങനെ പറഞ്ഞു ശ്യാമയേയും കൊണ്ട് അമ്മയുടെ റൂമിലേക്ക് പോയി. എന്നിട്ട് അമ്മയോട് ചോദിച്ചു.

" ഇവളെ എനിക്ക് തരാമോ.. എന്റെ ഏട്ടന്റെ ഭാര്യയായിട്ട് . ഞാൻ നോക്കിക്കൊള്ളാം അമ്മയുടെ മോളെ..? "

"എടുത്തോ എനിക്ക് സമ്മതമാണ്.. ഇപ്പോഴേ എടുത്തോ. കൊണ്ടുപോയിക്കോ. കൊണ്ടുപോയി മോളുടെ ഏട്ടന് കൊടുത്തോ. " ശ്യാമയുടെ അമ്മ പറഞ്ഞു.

" കേട്ടല്ലോ ശ്യാമേ . വാക്കു ഉറപ്പ് കഴിഞ്ഞു . ഇനി കല്യാണം. അതിന് ഇനി നിന്റെ സമ്മതം വേണ്ട. ഞാൻ നടത്തും. ".

അതുകഴിഞ്ഞ് സുചിത്ര വീണ്ടും അമ്മയോട് പറഞ്ഞു.

" അമ്മേ ഞാൻ ഇന്ന് തിരിച്ചു പോകും. . ഇനി പോയിട്ട് ഒരുപാട് കാര്യങ്ങൾ ചെയ്തു തീർക്കാനുണ്ട്. എല്ലാം ഒരുക്കി വെച്ചതിനുശേഷം ഞാൻ വരാം. അമ്മയെയും എന്റെ ഈ ഏട്ടത്തിയേയും കൊണ്ടുപോകാൻ. "

ശ്യാമ തേങ്ങി തേങ്ങി കരഞ്ഞു.

അങ്ങനെ അന്ന് സുചിത്ര തിരിച്ചുപോയി. തിരിച്ചു പോകുന്നതിനു മുൻപ് തലേ ദിവസം സുചിത്ര വാങ്ങിയ കസവു സാരിയും ശ്യാമയെ ഉടുപ്പിച്ചു കുറേ ഫോട്ടോ കൂടെ എടുത്തു. കുറേ സമയം ശ്യാമയെ കെട്ടിപിടിച്ചു.

സുചിത്ര പോയ ഉടനെ മുകളിൽ ചെന്നു ശ്യാമ സുധിയെ കെട്ടിപ്പിടിച്ച്